ՀՀ դպրոցներում կուսումնասիրվեն սննդի անվտանգության հարցերը և դրանց կապը առողջական խնդիրների հետ

Առողջապահության նախարար Արսեն Թորոսյանն ընդունել է ՌԴ Պարենային անվտանգության Եվրասիական կենտրոնի աշխատակիցներին, մասնավորապես, Մոսկվայի պետական համալսարանի լաբորատոր ախտորոշման բաժնի վարիչ, ավագ գիտաշխատող բ.գ.թ. Լարիսա Սամոխոդսկայային, ՄՊՀ-ի ֆունկցիոնալ ախտորոշման բժիշկ, սրտաբան, գիտաշխատող Անդրեյ Պիրոգովին, ՄՊՀ-ի բժիշկ ներզատաբան, գիտաշխատող Անաստասիա Ֆաբրիչնայային, ՄՊՀ-ի բժշկական գիտաուսումնական կենտրոնի տնօրենի տեղակալ, հեռուստաբժշկության կենտրոնի վարիչ Արտաշես Արմաղանովին:

Հանդիպման ընթացքում քննարկվել է հայաստանյան շուրջ 60 դպրոցում սննդամթերքի անվտանգության, դպրոցականների սնուցման կազմակերպման ուսումնասիրության և դպրոցականների ֆիզիկական զարգացման վրա անառողջ սնուցման ազդեցության հետազոտական ծրագրի իրականացմանն առնչվող հարցեր:

Նախարար Թորոսյանը կարևորել է համատեղ ջանքերով նախաձեռնության իրականացումն այն առումով, որ նախատեսված 1 տարի 8 ամիս տևողությամբ ծրագրի նպատակն է ուսումնասիրել դպրոցներում սննդամթերքի անվտանգության հարցերը, սնուցման կազմակերպումը և բացահայտել տարրական դասարաններում սնուցման և ֆիզիկական զարգացման պատճառահետևանքային կապերը:

Պարենային անվտանգության Եվրասիական կենտրոնի աջակցությամբ իրականացվելիք ծրագրով խնդիր է դրված գնահատել ընտրված 60 դպրոցում սնուցման կազմակերպման գործընթացի համապատասխանությունը ՀՀ-ում գործող օրենսդրությանը, որոշել դպրոցում իրացվող սննդամթերքում տրանսճարպերի և շաքարի քանակը, 7200 երեխաների ծնողների շրջանում երեխաների սնուցման վերաբերյալ հարցախույզ իրականացնել և գնահատել երեխաների ֆիզիկական զարգացման ցուցանիշերը` քաշ, հասակ, մարմնի զանգվածի ցուցանիշ:

Ուսումնասիրության արդյունքների վերլուծության հիման վրա պետք է վերհանվեն բացերը և անհրաժեշտության դեպքում օրենսդրական փոփոխությունների առաջարկներ ներկայացվեն, միաժամանակ նաև դպրոցի անձնակազմի, երեխաների և նրանց ծնողների համար կրթական ծրագրերի մշակվեն և իրականացվեն: Որպես վերջնարդյունք նպատակ կա բարելավել երեխաների ֆիզիկական զարգացման ցուցանիշերը:

Համաձայն Առողջապահության համաշխարհային կազմակերպության տվյալների` աշխարհում 5-19 տարեկան ազգաբնակչության շրջանում ճարպակալումն ավելացել է շուրջ 10 անգամ` 2017թ. 1975թ. համեմատ 11 միլիոնից հասնելով 124 միլիոնի:

ՀՀ բնակչության շրջանում հետազոտությունները ցույց են տվել, որ մինչև 5 տարեկան երեխաների մոտ 4%-ը թերքաշ է, 14%-ն ունի ավելորդ քաշ, իսկ 9%-ը թերաճ է: ՀՀ-ի 6-9 տարեկանների տարիքային խմբում քաշի խանգարումների (թերսնուցում, ավելորդ քաշ) տարածվածության, ինչպես նաև սնուցման և քաշի խանգարումների պատճառահետևանքային կապերի բացահայտման նպատակով հետազոտություններ չեն իրականացվել:

Բնակչության շրջանում առողջ ապրելակերպի խթանման և ոչ վարակիչ հիվանդությունների ռիսկի գործոնների նվազեցման նպատակով ՀՀ-ում դեռևս 2015 թվականից մեկնարկել է բնակչության շրջանում առողջ ապրելակերպի խթանման ռազմավարական ծրագիրը, որի կարևոր ռազմավարական ուղղություններից է բնակչության շրջանում առողջ սնուցման մշակույթի ձևավորումը՝ օրենսդրական բարեփոխումների, ինչպես նաև բնակչության և հասարակության տարբեր խմբերի շրջանում լայնածավալ իրազեկման միջոցով:

Տպել
1504 դիտում

Ջաջուռ գյուղում այրվել է մոտ 40 հա խոտածածկույթ, գյուղի 13 բնակիչ մասնակցել է հրդեհաշիջման աշխատանքներին

Անբարոյականությունը՝ քաղաքական պայքարի անվան տակ

Ֆրանսիան ու Գերմանիան առաջարկում են Թեհրանի միջուկային գործարքի շուրջ նոր բանակցություններ սկսել

Զորամասերից մեկի մարտավարական դաշտում անցկացվել է մարտական պատրաստության պարապմունք

«Airbus» ընկերության ներկայացուցիչները Հայաստանում կծանոթանան համագործակցության հնարավորություններին

Սպանված ոստիկան Տիգրան Առաքելյանի հոգեհանգիստը տեղի կունենա վաղը՝ Ոստիկանության ակադեմիայում

Դատական գործընթաց ենք սկսում՝ ատենախոսությանս շուրջ ստեղծված կեղծ աղմուկի եւ մեղադրանքների համար. Հայրապետյան

Շարունակվում են գերատեսչությունների բյուջետային հատկացումների հայտերի ուղղությամբ քննարկումները

Գնահատման կեղծ եզրակացությամբ պետական սեփականության գույքը մի քանի անգամ ցածր գնով օտարելու դեպքով քրգործ է հարուցվել

«Բարեփոխելով աշխարհը» կինոյի և հաղորդումների փառատոնի հատուկ մրցանակը շնորհվել է Արմեն Սարգսյանին

Վարչապետն ընդունել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցչին

ԱԳ նախարար Զոհրաբ Մնացականյանը հանդիպել է ԵՄ հատուկ ներկայացուցիչ Տոյվո Կլաարի հետ

Հայոց լեզու, գրականություն և պատմություն առարկաների դասավանդումը բուհերում այլևս պարտադիր չի՞ լինի. ԿԳՄՍ-ն պարզաբանում է

Թուրքիան խոստանում է պատասխանել Թրամփի պատժամիջոցներին, ԱՄՆ-ը նշում՝ չեն ցանկանում փչացնել հարաբերությունները

Արմեն Գրիգորյանը ընդունել է Արցախի արտաքին գործերի նախարար Մասիս Մայիլյանին

Հայաստանը Ռուսաստանում գրանցել է ապրանքների ներմուծման ռեկերդային՝ 22% ցուցանիշ

Շուտով Երեւանից Միլան հնարավոր կլինի մեկնել 28 եվրոյով, Երեւանից Բեռլին՝ 40 եվրո 99 ցենտով. տոմսերն արդեն վաճառքում են

ՀՀ ոստիկանապետի ժ/պ-ի հրամաններով զոհված ու վիրավորված ոստիկանները պարգևատրվեցին

Մխիթարյանը շարք կվերադառնա մոտ 1 շաբաթից

Ցեղասպանության թեմայով Թուրքիայի նախագահի հայտարարությունները մեկնաբանության արժանի չեն. ՀՀ ԱԳՆ