Բոլթոնը Մոսկվայում էր. ինչ հարցեր են քննարկվել ռուս գործիչների հետ

Հոկտեմբերի 22-ից 23-ը պաշտոնական այցով Մոսկվայում էր ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը: Երկօրյա այցի ընթացքում Բոլթոնը հանդիպումներ ունեցավ ՌԴ մի շարք առանցքային պաշտոնյաների հետ: Հանդիպումների գլխավոր թեման միջին եւ փոքր հեռահարության հրթիռների մասին պայմանագրից ԱՄՆ-ի դուրս գալու միտումն է: Դրա մասին հայտարարել էր ԱՄՆ նախագահ Դոնալդ Թրամփը Fox News հեռուստալիքի եթերում: Թրամփը դա բացատրել է նրանով, որ Ռուսաստանը չի հետեւում համաձայնագրի դրույթներին:

Բոլթոնը ռուսական լրատվամիջոցների հետ զրույցներում Թրամփի հայտարարությունը հիմնավորել է ոչ միայն Ռուսաստանի կողմից համաձայնագրի դրույթների խախտումով, այլեւ նրանով, որ համաձայնագիրն այլեւս մենաշնորհային չէ: Նրա խոսքով՝ այսօր թե՛ Հյուսիսային Կորեան, թե՛ Չինաստանն արտադրում են միջին հեռահարության հրթիռներ՝ շրջանցելով, ըստ էության, այն դրույթները, որոնք ամրագրված են ԱՄՆ-ի եւ Ռուսաստանի միջեւ գործող համաձայնագրով: Նա նաեւ ակնարկել է, որ Չինաստանից եկող վտանգը կարող է սպառնալ Ռուսաստանին:  

Բոլթոնը վստահեցրել է, որ, թեեւ վերջնական որոշում դեռեւս չկա՝ համաձայնագրից դուրս գալու մասին հայտարարությունը լուրջ է եւ նպատակ չի հետապնդում ՌԴ-ի հետ հետագա բանակցություններում որոշակի օգուտ կորզելու: Միեւնույն ժամանակ նա հայտնել է ռազմավարական նշանակության զենքերը կրճատելու մասին պայմանագիրը երկարաձգելու ԱՄՆ-ի պատրաստակամության մասին՝ հավելելով, որ այն գործելու է մինչեւ 2021 թ. եւ «դեռ շատ ժամանակ կա»:

Երկօրյա այցի ընթացքում Բոլթոնը հանդիպումներ ունեցավ ՌԴ անվտանգության խորհրդի քարտուղար Նիկոլայ Պատրուշեւի, արտաքին գործերի նախարար Սերգեյ Լավրովի, պաշտպանության նախարար Սերգեյ Շոյգուի եւ ՌԴ նախագահ Վլադիմիր Պուտինի հետ:

Պատրուշեւ-Բոլթոն հանդիպման ընթացքում ռուսական կողմը, համաձայն պաշտոնական հաղորդագրության, հայտնել է խնդրահարույց կետերի շուրջ համատեղ աշխատանք իրականացնելու պատրաստակամության մասին: Նշվել է նաեւ, որ համաձայնագրի չեղարկումը «լուրջ հարված կլինի սպառազինությունների չտարածման եւ վերահսկման միջազգային իրավական համակարգի համար»: Ամերիկյան տեսակետը տրամագծորեն տարբերվում է: Բոլթոնը հանդիպումից հետո նշել է, որ ԱՄՆ-ի՝ համաձայնագրից հրաժարվելը «աշխարհն ավելի վտանգավոր չի դարձնում»:

ԱՄՆ նախագահի խորհրդականը արդյունավետ է որակել Շոյգուի հետ հանդիպումը: Դրա ընթացքում ՌԴ պաշտպանության նախարարը Բոլթոնի ուշադրությունն է հրավիրել այն փաստի վրա, որ Սիրիայում ռուսաստանցի եւ ամերիկացի զինվորականները անընդհատ կապի մեջ են եւ արդյունավետ համագործակցություն են ծավալում: Բոլթոնն իր հերթին նշել է, որ դա արդյունավետ համագործակցության «միակ դրական օրինակն» է ՝ միեւնույն ժամանակ հույս հայտնելով, որ Սիրիայի հարցով երկխոսությունը կընդլայնվի: Ընդհանուր լարվածությունը հաշվի առնելով՝ այս տեսակետը փոքր ինչ հուսադրող է:

Ի հեճուկս Բոլթոնի այն պնդումների, թե ԱՄՆ-ի՝ համաձայնագրից դուրս գալով աշխարհն ավելի վտանգավոր չի դառնում՝ ստեղծված իրավիճակն իրոք սպառնալից է: Ռազմական մեծագույն ներուժ ունեցող երկրներից երկուսը, ըստ էության, զրկվում են փոխադարձ վերահսկողության լուրջ մեխանիզմից, ինչը կարող է աստիճանաբար վերադարձնել սպառազինությունների մրցավազքի անհրաժեշտությունը՝ արդեն մի քանի բեւեռների կողմից:

Ինչեւէ, Հայաստանի համար Բոլթոնի այցում առավել հետաքրքրական է արցախյան թեման: Դա այն եզակի հարցերից է, որում Ռուսաստանն ու ԱՄՆ-ն գտնվում են «բարիկադների» նույն կողմում: Եթե Բոլթոնը Ռուսաստան այցելած լիներ արտաքին քաղաքականությունում ընդհանրություններ գտնելու համար՝ Արցախի հարցը, Սիրիայի ճգնաժամի հետ միասին կհայտնվեր «դրական օրինակների» շարքում: Սակայն, Բոլթոնը Մոսկվայում էր այլ նպատակով:

Այդուհանդերձ, Սերգեյ Լավրովի հետ հանդիպումից հետո Ռուսաստանում ԱՄՆ դեսպանատունը հաղորդագրություն տարածեց, որի համաձայն հանդիպումների ընթացքում քննարկվել են իրավիճակը Սիրիայում, Կովկասում, Չինաստանի հետ կապված հարցեր, ինչպես նաեւ երկկողմ հարաբերություններին առնչվող այլ հարցեր: Չնայած այդ հայտարարությանը ռուսական РИА Новости-ն, հղում կատարելով «բարձրաստիճան պաշտոնյայի», հայտնել է, որ Կովկասին անդրադարձ ընդհանրապես չի եղել»:

Կովկասին անուղղակի անդրադարձ պետք է լիներ Պուտինի հետ հանդիպմանը, որը կայացավ հոկտեմբերի 23-ի երեկոյան: Դեռեւս մինչեւ հանդիպումը, ՌԴ նախագահի մամուլի քարտուղար Դմիտրի Պեսկովը հայտնել էր լրատվամիջոցներին, որ Պուտինն ու Բոլթոնը այլ հարցերի շարքում քննարկելու են նաեւ տարածաշրջանային հակամարտությունները: Հաշվի առնելով այն, որ Բոլթոնը Մոսկվայից հետո այցելելու է Հարավային Կովկաս՝ մեծ է հավանականությունը, որ առաջին հերթին քննարկվել են հենց մեր տարածաշրջանի հակամարտությունները: Այդ պարագայում հատուկ շեշտ պետք է դրվեր, իհարկե, ՌԴ եւ ԱՄՆ տեսանկյունից առավել խնդրահարույց՝ Վրաստանի հակամարտությունների վրա:

Ինչեւէ, Բոլթոնի ռուսաստանյան այցի մանրամասները հայտնի կդառնան, թերեւս, արդեն այն ժամանակ, երբ սկսված լինի նրա հարավկովկասյան այցը: Հոկտեմբերի 24-ին ԱՄՆ նախագահի խորհրդականը կլինի Ադրբեջանում, հաջորդ օրը կհյուրընկալվի Երեւանում, ապա կմեկնի Վրաստան: Այդ ընթացքում, հավանաբար, պարզ կդառնա նաեւ, թե ինչ փոփոխություններ են սպասվում տարածաշրջանային քաղաքականությունում:

Տպել
4982 դիտում

Մենք պատրաստ ենք շարունակել աջակցությունը հայ ժողովրդին՝ ժողովրդավարական իր ուղին անցնելիս. Բայդենի ուղերձը

Օմանի նորին մեծություն սուլթանը շնորհավորել է Հայաստանի նախագահին, հայ ժողովրդին մաղթել բարգավաճում

Մենք հայ-ամերիկյան հարաբերությունների դրական ապագա ենք տեսնում. ՀՀ-ում ԱՄՆ դեսպան

Անկախ պետականության վերականգնումը մեր ամենամեծ ձեռքբերումն է, մեր հպարտության անսպառ աղբյուրը. Հայկ Մարությանի ուղերձը

Ջանք չենք խնայելու Մինսկի խմբի համանախագահության շրջանակում հակամարտության տևական լուծում գտնելու համար. Մակրոնի ուղերձը

Դժվարություններն անցողիկ են, իսկ հայկական անկախ պետականությունը՝ մնայուն. ՀՀ փոխվարչապետի ուղերձը

Անկախությունը եղել է ու կա մեր ընտրությունը, որի վրա 30 տարի պետականություն ենք կառուցում. ԱԺ նախագահի ուղերձը

Պետք է կարողանանք գլուխներս բարձր և մեջքներս ուղղած դուրս գալ ստեղծված իրավիճակից և շարժվել առաջ. նախագահի ուղերձը

Պետականաշինության, հայրենակերտումի դժվարին ուղի անցավ մեր ժողովուրդը. Ամենայն հայոց կաթողիկոսի ուղերձը

Անկախության տոնի կապակցությամբ Թբիլիսիի հեռուստաաշտարակը լուսավորվել է Հայաստանի դրոշի գույներով

Պետական բարձրաստիճան պաշտոնյաներն այցելել են Եռաբլուր զինվորական պանթեոն

Այս երեսնամյա անկախության ճանապարհը հնարավոր եղավ հայ ժողովրդի լավագույն զավակների անձնվիրության շնորհիվ. ԱՀ նախագահ

Անկախ Հայաստանն այսօր դառնում է 30 տարեկան

Ստուգվել են եռամսյա վարժական հավաքներում ընդգրկված պահեստազորայինների սոցիալ-կենցաղային պայմանները

Երևանում կայացել է «Armenian Business Forum» գործարար համաժողովը

ՔՈԱՖ-ն ու ԱՄԱԱ-ն նոր զարկ են տալիս Լոռու մարզում կաթնամթերքի արտադրությանը

Վաղը միջոցառմանը մասնակցելու նպատակով Ագարակ քաղաքից բնակիչներին տեղափոխող միկրոավտոբուսներ կշարժվեն Մեղրի

Արամ Առաջինը պատգամ է հղել Հայաստանի Հանրապետության անկախության 30-ամյակի առթիվ

Եթե վաղը չհաջողվի լինել Հանրապետության հրապարակում, ժամը 21։20-ից հայացքն ուղղեք դեպի Հրապարակի երկինք․ Հարությունյան

Հետախուզական խմբերը հարձակողական մարտ են վարել (լուսանկարներ)

«Արևիկ» ազգային պարկի տարածքում հրդեհաշիջման աշխատանքները ժամանակավորապես դադարեցվել են

Վարչապետը ցավակցական հեռագիր է հղել Անահիտ Թոփչյանի մահվան կապակցությամբ

ԱԹՍ փորձակայանում տեղի է ունեցել «Հաւք 2021» ԱԹՍ առաջին մրցույթը, մասնակցել է 27 թիմ

Նիկոլ Փաշինյանը ցավակցական հեռագիր է հղել ՀՀ ժողովրդական արտիստ Ժենյա Ավետիսյանի մահվան կապակցությամբ

Բախվել են Ոսկեվազ-Երևան երթուղին սպասարկող ГАЗель-ն ու Nissan X-Trail-ը, կան վիրավորներ. shamshyan.com

Նիկոլ Փաշինյանը ցավակցական հեռագիր է հղել Վլադիմիր Պուտինին

2022-ին կապիտալ ծախսերի ծավալը կլինի աննախադեպ. վարչապետը մասնակցել է Հայկական գործարար ֆորումի բացման արարողությանը

Առաջիկա օրերի եղանակի կանխատեսումը

Կայացել է Արցախի Հանրապետության և Հայաստանի Հանրապետության հռչակման 30-րդ տարեդարձին նվիրված միջազգային գիտաժողովը

Նախագահ Սարգսյանը ցավակցել է Հայաստանի ժողովրդական արտիստուհի Ժենյա Ավետիսյանի մահվան կապակցությամբ

Տիտանից աճեցված առաջին պրոթեզները՝ վիրավոր զինվորին․ Ջումայանը ներկա է գտնվել «Հիբրիդ» լաբորատորիայի բացմանը

Armenia Business Forum-ի բացման ելութում Գրիգորյանը կարևորել է թվայնացման և նորագույն տեխնոլոգիաների դերը մեր կյանքում

Հրդեհ է բռնկվել Եղեգնավան գյուղի տներից մեկի տանիքում

Գյումրու «Շիրակ» օդանավակայանից մեկնարկել են Մոսկվա-Գյումրի-Մոսկվա երթուղով չվերթները

Լիահույս եմ, որ մեր բարեկամության ավանդական կապերը կշարունակեն ամրապնդվել. Եգիպտոսի նախագահի շնորհավորական ուղերձը

Ուսապարկերով ջուրը հրդեհի օջախներ է հասցվում. «Արևիկ» ազգային պարկում հրդեհաշիջումը շարունակվում է (տեսանյութ)

30 տարի առաջ Լիտվան առաջինն էր, որ ճանաչեց ՀՀ անկախությունը. Անկախության օրվա առթիվ շնորհավորել է Լիտվայի նախագահը

L’Œuvre d’Orient-ը պահանջում է Լեռնային Ղարաբաղին վերադարձնել ողջ պատմական տարածքը՝ ապահով սահմաններով. Արցախի ՄԻՊ

ԱՀ նախագահի մեդալներով են պարգևատրվել արարատցի զինծառայողները. անմահացած տղաներինը հանձնվել են ծնողներին (լուսանկարներ)

Զոհված և անհետ կորած համարվող զինծառայողների աճյունների որոնողական աշխատանքներն այսօր Հադրութում արդյունք չեն տվել