Տնտեսությունը պիտի կառուցվի այնպես, որ հանգեցնի հանրային հարաբերությունների արդարության․ ՔՈ ՍԴԿ-ի նախընտրական ծրագիրը

«Քաղաքացու որոշում» սոցիալ-դեմոկրատական կուսակցությունը հայտարարում է, որ իրենք ընտրության են գնում հին համակարգի կողմից կեղծված Սահմանադրությամբ, հին համակարգի ձեւավորած օրենքներով ու հին համակարգը ներկայացնող օլիգարխիկ խմբավորումների մասնակցության պարագայում՝ միաժամանակ նշելով, որ գնում են այս ընտրություններին՝ գիտակցելով սահմանադրական կարգի հաստատման գործում իրենց հանձնառությունը, որի համար պարտավորվում են գործել հետեւյալ ուղղություններով․

  1. կեղծիքներով հաստատված Սահմանադրության փոխարեն՝ նոր, լեգիտիմ Սահմանադրության ընդունումը,
  2. կուսակցությունների, այլ հասարակական միավորումների գործունեության թափանցիկությունը եւ ժողովրդավարությունը երաշխավորող նոր օրենքների ընդունումը,
  3. նոր ընտրական օրենսգրքի ընդունումը,
  4. հանրային ունեցվածքը յուրացրած նախկին ու ներկա պաշտոնյաների կողմից հանրությանը փոխհատուցելու դիմաց նրանց նկատմամբ համաներման կիրառումն ու հետագայում պետական պաշտոններ զբաղեցնելու արգելքը երաշխավորող օրենսդրական փոփոխությունները,
  5. ուղիղ ժողովրդավարության մեխանիզմների պարզեցումն ու ներդրումը, անցումային արդարադատության կիրառումը։

ՔՈ ՍԴԿ-ն նշում է, որ այս փոփոխությունների համար իրենք օգտագործելու են քաղաքացիների կողմից տրված պատգամավորական լիազորությունները, իսկ փակուղային պայմաններում պատրաստ են վայր դնել մանդատն ու վերադառնալ փողոց՝ շարունակելու հեղափոխության հռչակած ճանապարհը։

Կուսակցության պնդմամբ՝ պետության խնդիրն է չափավոր ներգործել տնտեսության վրա այնպես, որ ստեղծվի համընդհանուր բարեկեցության պետություն, որը ենթադրում է արդյունքի արդար վերաբաշխում եւ հանրային պատասխանատվություն այն քաղաքացիների համար, որոնք իրենց համար արժանապատիվ կենսամակարդակ ապահովելու հնարավորություն չունեն․

«Տնտեսությունը պետք է կառուցվի այնպես, որ հանգեցնի հանրային հարաբերությունների արդարության»,-նշված է կուսակցության նախընտրական ծրագրում։

Կուսակցությունը նշում է, որ սոցիալական քաղաքականության նպատակն է բարեկեցության ցանկացած մակարդակում գտնվող քաղաքացու համար ապահովել բարեկեցության, մշակութային զարգացման, սոցիալական ապահովության ավելի բարձր մակարդակ տեղափոխվելու բոլոր պայմանները։

ՔՈ ՍԴԿ-ի նախընտրական ծրագրում ասված է, որ պետությունը երաշխավորելու է անվճար եւ բոլորի համար հասանելի նախադպրոցական, հանրակրթական եւ նախնական արհեստագործական ու միջին մասնագիտական կրթություն․

«Միաժամանակ՝ միայնակ կամ մասնավոր հատվածի հետ համագործակցելով , կրթաթոշակների, դրամաշնորհների եւ պետական բյուջեից  այլ հատկացումների միջոցով պետք է ապահովի հնարավորինս մատչելի կամ անվճար բուհական եւ հետբուհական կրթություն, ինչպես նաեւ շարունակական կրթություն ստանալու հնարավորություն»։

Կուսակցությունը նախատեսում է առողջապահության ոլորտում ապացուցողական բժշկության գործելակարգերի վրա հիմնված համակարգի ստեղծում, մասնագետների որակավորում, առողջապահության պետական ապահովագրություն՝ սկսած ուռուցքային հիվանդություններից, անցնելով սիրտանոթային հիվանդություններին, վերջացրած այլ՝ նվազ վտանգավոր հիվանդություններով։

Միեւնույն ժամանակ՝ ՔՈ ՍԴԿ-ն նպատակ ունի օրենսդրական փոփոխություններով «ճշմարտության եւ հաշտեցման» հանձնաժողովների, լյուստրացիայի եւ վեթթինգի, անցումային արդարադատության այլ գործիքների միջոցով վերականգնել մարդկանց խախտված իրավունքները, մաքրել պետական ծառայության համակարգը՝ օրինախախտ, ոչ պրոֆեսիոնալ եւ ոչ բարեխիղճ պետական հանրային միջոցները։

«Քաղաքացու որոշում» սոցիալ-դեմոկրատական կուսակցության նախընտրական ծրագրում նշված է, որ պետության արտաքին քաղաքականությունը հիմնված է լինելու մեր պետական շահերի լիարժեք սպասարկման եւ մեր իրավունքների ու պարտականությունների իրականացման վրա։ Իսկ Արցախի հարցում կուսակցությունը հաստատակամ պահպանելու է մեր դերը՝ որպես Արցախի սահմանադրական տարածքում ապրող ժողովրդի կյանքի, երջանկության եւ ինքնիշխան իրավունքների երաշխավոր։

Կուսակցության ծրագիրը կարող եք կարդալ կուսակցության պաշտոնական կայքում՝այստեղ։

Տպել
12626 դիտում

Նախնական տվյալներով՝ պայմանագրային զինծառայող Արթուր Նալբանդյանը մահացել է ձորն ընկնելու հետեւանքով ստացած վնասվածքներից

Վարչապետի գլխավորությամբ քննարկվել են մարզերի զարգացմանը վերաբերող հարցեր

Արցախում նախագահի ու պատգամավորի թեկնածուների քարոզարշավը մեկնարկում է փետրվարի 26-ից

ՀՅԴ 11 անդամների հայցն ընդդեմ Արման Բաբաջանյանի վարույթ է ընդունվել

Արարատ Միրզոյանը նախազգուշացում արեց ԱԺ փոխխոսնակ Ալեն Սիմոնյանին

Գոյություն ունեն շարժական սպանդանոցներ, որոնց միջոցով հնարավոր է լուծել գյուղացիների խնդիրը. Մնացականյան

Սիմոն Մարտիրոսյանը հավակնում է աշխարհի 2019թ. լավագույն ծանրորդի կոչմանը

ԱՄՆ-ի Սենատը Թրամփի իմփիչմենտի գործը կքննի արագացված ընթացակարգով. ինչ է լինելու հետո

Երեւանի ամառանոցներից մեկից գողություն էր կատարվել

Հրդեհ արագ սննդի շարժական կետում. վառվել է բենզինով աշխատող գեներատորը

Փամփուշտը պատուհանի մեջ հայտնաբերել է դատավոր Տաթեւիկ Գրիգորյանը, նա դեպքը չի կապում իր գործունեության հետ. Բեքմեզյան

Իսրայելի նախագահի հրավերով Արմեն Սարգսյանը կմասնակցի Հոլոքոսթի հիշատակին նվիրված միջազգային համաժողովին

Գեորգի Կուտոյանի ատրճանակի վրա դեպքի օրը խլացուցիչ չի հայտնաբերվել

Հրայր Թովմասյանի հասցեին սպառնալիք հնչեցրած ոստիկանը պատասխանատվության է ենթարկվել

Վարչապետի որոշմամբ՝ բարձր տեխնոլոգիական արդյունաբերության նախարարի տեղակալ է նշանակվել

Ադրբեջանցի Էյվազովի և հայազգի երգչուհի Մանթաշյանի շուրջ սկանդալը լուծվել է. երգչուհուն կրկին հրավիրել են

Դատախազությունը ստացել է Սերժ Սարգսյանի եւ մյուսների վերաբերյալ քրեական գործը

«Շշի Մելո»-ի դեմ մահափորձը պատվիրելու մեջ կասկածվողը ներկայացել է քննչական բաժին

Չարորակ նորագոյացությունների վիրահատական բուժման ծրագրով կատարվել է 4.428 վիրահատություն. նախարար

«Էդ շոուի մեջ մենք չկանք». Մարուքյանին հորդորեցին նախորդ խորհրդարանի գործընկերների հետ սուրճ խմել, ինչից նա վրդովվեց