Արսեն Ջուլֆալակյանը չմասնակցեց ՀՀ գավաթի խաղարկությանը

ՀՀ հունահռոմեական ոճի ըմբշամարտի հավաքականի 3 առաջատարներ բաց թողեցին Հայաստանի գավաթի 2018 թ. խաղարկությունը: Նրանք են օլիմպիական փոխչեմպիոն, աշխարհի, Եվրոպայի չեմպիոն հունահռոմեական ոճի ըմբիշ Արսեն Ջուլֆալակյանը (77 կգ), որը ԱԺ 2018 թ. արտահերթ ընտրություններում «Իմ քայլը» դաշինքի համամասնական ցուցակով 57-րդ համարն էր, օլիմպիական չեմպիոն, աշխարհի եռակի, Եվրոպայի քառակի չեմպիոն Արթուր Ալեքսանյանը (97 կգ) եւ աշխարհի ու Եվրոպայի չեմպիոն Մաքսիմ Մանուկյանը (82 կգ): Մրցաշարն անցկացվեց այսօր՝ դեկտմեբերի 25-ին, «Միկա» մարզահամալիրում: ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանը ներկայացրեց նրանց բացակայության պատճառը:

«Մասնակցությունից ազատված էին Ալեքսանյանը եւ Մանուկյանը: 2-ն էլ վնասվածքներ ունեին, եւ անցած տարին ծանր էր: Ալեքսանյանը դեռ բուժվում է, գոհ է բուժումներից: Երեւի մինչեւ հունվարի կեսերը կվերադառնա, կմասնակցի հավաքներին: Մանուկյանը դեռ խնդիրներ ունի, ընթացքում կորոշենք՝ ինչ ենք անելու: Ազատել եմ նաեւ Ջուլֆալակյանին, որը պատրաստվել է մրցումներին մինչեւ վերջին օրը: Ցավոք, Ֆրանսիայի ակումբային առաջնությունից վերադարձավ վատառողջ՝ հարբուխով: Երեկ ատամի լուրջ ցավեր ուներ, բուժում ստացավ: Առավոտյան 39 աստիճան ջերմություն ուներ, բժշկի թույլտվությամբ՝ չմասնակցեց»,- ասաց նա:

ՀՀ գավաթի խաղարկությանը մասնակցում էր 72 ըմբիշ 10 քաշային կարգում: Լեւոն Ջուլֆալակյանը գոհ է երիտասարդներից: Նշում է, որ թեեւ թերություններ ունեն, բայց կա նաեւ պոտենցիալ, եւ ճիշտ մոտեցում ցուցաբերելու ու աշխատելու դեպքում ամեն ինչ լավ կլինի: Մասնագետը դժգոհում է միայն մարզիկների քանակից ու նշում դրա պատճառը:

«Մասնակիցների քանակն է քիչ, որովհետեւ 18 տարեկանից բոլորը գնում են զինծառայության, կորցնում ենք շատ մարզիկների: Բայց ամեն դեպքում պետք է կարողանանք եղածով ձեւավորել լավ հավաքական, աշխատանքի շնորհիվ հզորացնել մեր կազմը»,- ասաց նա:

ՀՀ գավաթի խաղարկության հիման վրա ձեւավորվելու է ՀՀ հավաքական կազմը, որը 2019 թ. Հայաստանն է ներկայացնելու միջազգային մրցաշարերում: Ջուլֆալակյանը նշում է, որ բարդ տարի է լինելու. մասնացկելու են Եվրոպայի առաջնությանը, Եվրոպական խաղերին, աշխարհի առաջնությանը:

Ուսումնամարզական հավաքները սկսվելու են հունվարի 17-ից Ծաղկաձորում: Փետրվարի 1-ից մարզիկների մի մասը կմեկնի Ֆրանսիա՝ միջազգային մրցաշարի: Հաջորդ հավաքը կլինի փետրվարի կեսերին: Հետո հավաքականի մի մասը կմեկնի Բուլղարիա՝ միջազգային մրցաշարի, մի մասն էլ հանդես կգա Եվրոպայի մինչեւ 23 տարեկանների առաջնությունում:

Տպել
503 դիտում

Շախմատի կանանց առաջնության միանձնյա առաջատարը Մարիա Գևորգյանն է

Հանրային խորհրդի Պետաիրավական հարցերի հանձնաժողովը քննարկել է հակակոռուպցիոն ռազմավարության նախագիծը

Երևանում և 6 մարզում այսօր էլեկտրաէներգիայի պլանային անջատումներ կլինեն

Զովունիում մեքենան դուրս է եկել հանդիպակաց երթևեկելի գոտի և մխրճվել դեղատան մեջ. վիրավորներ կան

Այս պահին փակ են Վարդենյաց լեռնանցքը, Արագածոտնի և Գեղարքունիքի գյուղամիջյան ճանապարհներ

«Առնո Բաբաջանյան» համերգասրահի փոխտնօրենի նկատմամբ քրեական հետապնդումը դադարեցվել է

Մաշինի դուռը բացվեց ու Փաշինյանն իջավ․ բոլնիսցիները՝ վարչապետի անակնկալ այցի մասին

Մենք կշարունակենք պայքարը, որպեսզի ԻԳԻԼ-ը չբարձրացնի իր գարշելի գլուխը. ԱՄՆ փոխնախագահ

Երեխան ընդունվել է վերջույթների կաթվածով. «Սուրբ Աստվածամայր» Բ/Կ-ն պարզաբանում է փոքրիկի մահը

Գրիպի դեմ պատվաստվողները շատացել են. «Մուրացանում» պատվաստանյութն արագորեն սպառվել է

Մաղթում եմ Ձեզ հաջողություն Ձեր կարեւոր պարտականությունների կատարման գործում. Յագլանդ

ՎՏԲ-Հայաստան Բանկը հայտարարում է Swift դրամային փոխանցումների վերաբերյալ ակցիա՝ նոր հաճախորդների համար

Արման Թաթոյանը Նիդերլանդների դեսպանի հետ քննարկել է Պաշտպանի զեկույցը

Բելգիայի Թագավորության վարչապետ Շառլ Միշելը շնորհավորական ուղերձ է հղել Նիկոլ Փաշինյանին

Ոստիկանության միայն մեկ ստորաբաժանման ծառայության շնորհիվ պետբյուջե է վերադարձվել ավելի քան 708 մլն դրամ

Փրկարարները դուրս են բերել ավտոմեքենան արգելափակումից

Սևանի թերակղզուց դեպի Դիլիջանի թունել ճանապարհահատվածում բուք է

Գրիպով հոսպիտալացվածների 95 տոկոսը երեխաներ են. խուսափելու լավագույն միջոցը պատվաստումն է

ՀՀ և Ադրբեջանի ԱԳ ղեկավարները անդրադարձել են խաղաղ գործընթացին, նաև՝ ժողովուրդների խաղաղությանը

Երեւանի քաղաքապետարանի թեժ գծի համարը փոխվում է, կլինի նաեւ ձայնային հաղորդագրության հնարավորություն