Մաքրե՞նք դաշտը. համաներիր մերձավորիդ

02/02/2019 schedule15:55

Տպագրվել է «Հայկական Ժամանակ» օրաթերթի՝ 2006 թվականի փետրվարի 1-ի համարում

Ուղիղ մեկ ամիս է անցել այն օրվանից, երբ Հայաստանում գործողության մեջ է մտել հարկային հերթական համաներումը սահմանող «Անհատ ձեռնարկատերերի համար եկամտահարկի եւ պարտադիր սոցիալական ապահովագրության վճարների արտոնություններ սահմանելու մասին» օրենքը: Ըստ դրա` հարկային մարմինների առաջ վերը նշված հարկատեսակների գծով նախկինում պարտավորություններ ունեցող անհատ ձեռներեցները կարող են դիմել Հարկային պետական ծառայությանը (ՀՊԾ)` լուծարվելու համար, առանց այդ պարտավորությունները կատարելու: Այլ կերպ ասած, 2006 թվականի հունվարի 1-ից այս վճարների գծով պարտավորություններ ունեցող եւ լուծարվել ցանկացող անհատ ձեռներեցների նկատմամբ ՀՊԾ-ն կիրառում է համաներում: Օրենքը վերաբերում է ներկայումս չգործող, սակայն նախկինում ունեցած պարտավորությունների չկատարման պատճառով չլուծարված անհատ ձեռներեցներին:

Նշենք, որ չնայած չգործելու հանգամանքին, վերջիններս տարեկան վճարում են 60 հազար դրամ` 30-ական հազար եկամտահարկի եւ սոցիալական ապահովության վճարների գծով: Եւ այն ԱՁ-ները, որոնք մինչեւ 2006թ. մայիսի 1-ը հարկային մարմիններին գրավոր դիմում կներկայացնեն իրենց գործունեությունը դադարեցնելու վերաբերյալ, կազատվեն 2003-2005 թվականների համար հաշվարկված եւ չվճարված եկամտահարկի ու պարտադիր սոց. վճարների նվազագույն գումարների վճարումից: Նրանք կազատվեն նաեւ այդ չվճարումների պատճառով հաշվարկված տույժերից: Իսկ այս վճարների գծով պարտավորություններ ունեցող այն անհատ ձեռներեցները, ովքեր չեն ցանկանում լուծարվել, կարող են վճարել միայն իրենց պարտքի մայր գումարի (եկամտահարկի եւ սոց. վճարների` առանց դրանց նկատմամբ հաշվարկված տույժերի) 30 տոկոսը եւ շարունակել գործունեությունը:

ՀՊԾ-ի պետի տեղակալ, նաեւ այս օրենքի գաղափարի հեղինակ Արմեն Ալավերդյանն ասում է, որ այս օրենքը դասական իմաստով համաներում չէ, այլ համաներում է նախապայմաններով: Իսկ հիմնական նախապայմանն այն է, որ այս օրենքի նախատեսած ընթացակարգով անցած, այսինքն` առանց պարտքերը վճարելու լուծարված անհատ ձեռներեցները լուծարվելուն հաջորդող 5 տարիների ընթացքում չեն կարող անհատ ձեռներեցի կարգավիճակ ստանալ: Բնականաբար, այս սահմանափակումը առաջադրվում է՝ ելնելով այն մտավախությունից, որ հարկային պարտավորություններ ունեցող անհատ ձեռներեցները կարող են «համաներվել» եւ նորից գրանցվել որպես անհատ ձեռներեց: Արդյո՞ք այս օրենքը բացառում է նման հնարավորությունը: Բացառում է, բայց միայն տեսականորեն:

Օրինակ` պարտքեր ունեցող անհատ ձեռներեցը, օգտվելով այս օրենքից, կարող է լուծարվել, զրոյացնել պետության առաջ ունեցած պարտքերը եւ որեւէ «փոխկապակցված անձի», ասենք՝ կնոջ կամ զոքանչի անունով անհատ ձեռներեցի վկայական ստանալուց հետո շարունակել գործունեությունը: Արմեն Ալավերդյանն, իհարկե, չի բացառում նման հնարավորությունը՝ նշելով, որ փոխկապակցված անձանց ինստիտուտը շարունակում է խնդրահարույց մնալ: Սա թերեւս օրենքի միակ թերությունը չէ: Դժվար չէ նկատել, որ այս օրենքի կիրառմամբ անհավասար պայմաններ են ստեղծվում անհատ ձեռներեցների միջեւ: Ենթադրենք, նույն ժամանակահատվածում որպես անհատ ձեռներեց գրանցված, նույն գործունեությունը ծավալած  սուբյեկտներից մեկը պարտաճանաչ կատարել է իր բոլոր հարկային պարտավորությունները, մյուսը ո՛չ եկամտահարկ է վճարել, ո՛չ պարտադիր սոց. վճար:

Վերջինը, սույն օրենքով, զրոյացնում է իր պարտքերը` չկատարելով նախկինում կուտակած հարկային պարտավորությունները: Բացի այդ, այս օրենքի ընդունումից հետո լուծարվող անհատ ձեռներեցները շահեկան վիճակում են հայտնվում նրանց նկատմամբ, ովքեր լուծարվել են մինչեւ օրենքի կիրառումը` յուրաքանչյուր տարվա համար վճարելով 60 հազարական դրամ: Ինչ խոսք, այս օրենքը կարեւոր խնդիր է լուծելու` «մաքրելու» է անհատ ձեռներեցների լղոզված դաշտը: Մյուս կողմից, սակայն, որոշակի «շուստրիության» հնարավորություններ է ստեղծելու անբարեխիղճ անհատ ձեռներեցների համար` փաստորեն, ինչ-որ իմաստով խրախուսելով անպարտաճանաչ հարկատուներին: Ու բոլորովին բնական կհնչի օրենքի տառին հետեւող եւ բարեխիղճ ձեռներեցների բողոքը, թե «իմանայինք այդպես է լինելու՝ լուծարվելու համար այդքան գումար չէինք վճարի»:

Ինչ վերաբերում է օրենքի կիրառման գործնական հետեւանքներին, ապա ըստ Արմեն Ալավերդյանի, անցած մեկ ամսում դեռեւս այնպիսի շարժ չի եղել, որ հնարավոր լինի որոշակի թվային գնահատականներ տալ: Միաժամանակ, պրն Ալավերդյանի կարծիքով, առաջիկա ամիսների ընթացքում լուծարվել ցանկացող անհատ ձեռներեցների թիվը կանցնի 10 հազարից: Եւ այսօրվա դրությամբ ավելի քան 70 հազար անհատ ձեռներեցների դաշտը մինչեւ 2006 թվականի հոկտեմբեր ամբողջությամբ կարգարվորված կլինի:

Գառնիկ Գեւորգյան

Տպել
1320 դիտում

Վրաստանում հակառուսական ցույցերը վերածվեցին բախումների, կիրառվում է ուժ, կան տուժածներ. ուղիղ

Վրաստանում ցուցարարները փորձում են ներխուժել խորհրդարան. Սաակաշվիլին կոչ է անում ոստիկաններին անցնել ցուցարարների կողմը

Կովկասի հակամարտությունները առաջիկայում լուծում կգտնեն. Օքթայ Ասադով

Ապօրինի ծառահատում Դիլիջանում. հայտնաբերվել է 2,5 խմ փայտանյութ

Թուրքիայում հեղաշրջման փորձի կազմակերպման մեջ մեղադրվողները ցմահ ազատազրկվեցին

Ադրբեջանն ընդունում է, որ իրենք չեն այլեւս իրադրության տերը. Պաշտպանության փոխնախարար

Երեւանում մոր թաղմանը մասնակցող կալանավորը մեքենայով դիմել է փախուստի. հնչել են կրակոցներ

Երբ կնորոգվի Ապարան-Ռյա Թազա ավտոճանապարհը. վարորդներն ահազանգում են (լուսանկարներ)

Առողջապահության նախարարը զորակոչային հանձնաժողովներին հորդորել է արագ և օբյեկտիվ անցկացնել զորակոչը

Զոհրաբ Մնացականյանը հանդիպել է ԱՄՆ նախագահի անվտանգության հարցերով խորհրդական Ջոն Բոլթոնի հետ

Հսկվող այրում է իրականացվել Երեւանի մոտ 5,45 հեկտար տարածքում

Դասախոսների մրցույթին մասնակցելու համար ՀՊՏՀ է դիմել 450 մասնագետ. ռեկտորի ԺՊ դասախոսին թեժ մրցակցություն է սպասվում

Ճգնաժամ Սահմանադրական դատարանում. ինչպես է Վահե Գրիգորյանը ստանձնում Սահմանադրական դատարանի նախագահի լիազորությունները

Ռուստամ Բադասյանը «Կոնցեռն դիալոգ» փաստաբանական ընկերության բաժնետեր չէ. ՀՀ ԱՆ

Մեզ համար սպասելի չէր դատարանի՝ խորհրդակցական սենյակ հեռանալը. Երեւան քաղաքի դատախազ

Երևանի կենդանաբանական այգում 4 եվրոպական եւ 1 պտավոր եղջերու է ծնվել

Միջգերատեսչական հանձնաժողովը հաստատել է համայնքների 3 մլրդ դրամի սուբվենցիայի ծրագրային 52 հայտ

Թուրքիայում դատում են Հրանտ Դինքի որդուն. նրան սպառնում է մինչև 5 տարվա ազատազրկում

Որեւէ մեկը չհամարձակվի մի թթու խոսք ասել տուժողներին. Ռոբերտ Քոչարյանի պաշտպանը զգուշացրեց համակիրներին

Վաշինգտոնում մեկնարկել է Մնացականյան-Մամեդյարով հանդիպումը