Եթե ձեր քույրը կամ եղբայրը գա, ասի՝ աղքատ եմ, դուք նման պատասխան կտա՞ք, կասե՞ք՝ գնացեք, գլխում հաղթահարեք․ Գ․ Պետրոսյան

Երբ մենք ասում ենք՝ վիճակը վատ է, դա պետք չի հասկանալ, որ այդ վիճակը ձեզ է վերաբերում, այստեղ բոլորս գիտենք՝ ում շնորհիվ է այդ վիճակը վատ, մենք ասում ենք՝ վատ է, հասկացանք, բա ի՞նչ եք անելու դուք: Սրա մասին է խոսքը։ Մեր քննադատությունը Ձեր հանդեպ մեղադրանք չէ։ Այս մասին այսօր Ազգային ժողովում կառավարության ծրագրի քննարկման ժամանակ իր ելույթում դիմելով վարչապետ Փաշինյանին՝ ասաց ԲՀԿ խմբակցության պատգամավոր Գեւորգ Պետրոսյանը։

Պետրոսյանն անդրադարձավ Նիկոլ Փաշինյանի երեկվա ելույթին՝ մասնավորապես նշելով․

«Երեկ ասացիք, որ մանկավարժները ստանում են 120-ի փոխարեն 20 000 դրամ աշխատավարձ, քանի որ հաստիքը վեց մասի են բաժանել: 120 հազարով ինչպե՞ս է դպրոցի դասատուն արժանապատիվ գոյություն ապահովելու»,-հարցրեց պատգամավորը:

Գեւորգ Պետրոսյանի հաջորդ հարցը վերաբերում էր տնտեսական հեղափոխությանը․

«Ասում եք՝ քաղաքացին թող հեղափոխություն անի, ոչ թե մենք: Ինչպես դուք ասացիք՝ քաղաքացին իր հեղափոխությունն արել է, էլ ի՞նչ անի, տնտեսական հեղափոխություն ո՞նց անի սոված մարդը: Ասում եք՝ մարդը նախ պետք է իր գլխում հաղթահարի սովը եւ աղքատությունը, հետո նոր իրականում։ Կներեք, դուք հանդուրժողականության եւ փոխադարձ հարգանքի մթնոլորտում ասում եք՝ հեղափոխություն արեցիք, հիմա՝ պայմանականորեն, խնդրում եմ չանձնավորել, եթե ձեր քույրը կամ եղբայրը գա, ասի՝ աղքատ եմ, դուք էդպիսի պատասխան կտա՞ք, կասե՞ք՝ գնացեք, գլխում հաղթահարեք, հետո իրականում տեսնենք ի՞նչ կլինի»,-ասաց Պետրոսյանը:  

Նա նշեց, որ Փաշինյանը շատ լավ պատասխանում է հարցերին, որովհետև իրազեկ է ու գրագետ, բայց այս երկու օրը խորհրդարանում ավելի շատ բան ասաց, քան կար կառավարության ծրագրում․

«Էդ ամեն ինչն ասելու տեղը էդքանը գրեիք: Հակառակ դեպքում, եթե մտածում եք, որ ծրագիրը շատ լակոնիկ լինի, և քանի որ ժողովուրդն իսկապես ձեզ շատ է ընդունում ու վստահում, և դա ընդունում ենք, է գրեիք՝ դուխով ապրեք, վերջը լավ է լինելու, դուք պրոբլեմ չունեք, ոչ մի ուրիշ բան չգրեիք, հարգելի՛ պարոն Փաշինյան»:

Վերադառնալով տնտեսական հեղափոխության գաղափարին՝ Պետրոսյանն ասաց, որ եթե քաղաքացին պետք է ինքն իրականացնի այդ հեղափոխությունը, ապա կառավարությունն ի՞նչ անի. «Մենք էստեղ Կառավարության ծրագի՞ր ենք քննարկում, թե՞ քաղաքացիական պարտականությունների օրենսգրքի նախագիծը»:

Պետրոսյանի խոսքով՝ ասում են՝ բաներ կան, որ չեն գրել, բայց արել են: «Այո՛,  հնարավոր է չգրել ու անել, բայց հնարավոր է չգրել ու չանել, եւ կան շատ խոստումներ, որ բանավոր ասվել են, բայց չեն արվել․ ինչո՞ւ չիրականացվեց արագաչափերը հանելու խոստումը, տեսանկարահանող սարքերը, կարմիր գծերը հանելու խոստումը։ Չարվեցին, քանի որ արձանագրված չէին, դրա համար ձեզ չեք համարում պատասխանատու»,-ասաց պատգամավորը:

Վերջինս նշեց, որ բոլորն իսկապես ուզում են, որ կառավարությունը հաջողի, կառավարությունը, որին աջակցել են նաեւ իրենք, եւ որ չկրկնի նախորդ կառավարությունների սխալները․

«Այստեղ չկա մեկը, որ ցանկանա, որ այս կառավարությունը ձախողի: Իմ անձնական կարծիքն է՝ ձախողում են այն իշխանությունները, ում համար ընդդիմության ձայնը լսելի չի, իշխանության կործանման ճանապարհը սա է։ Լսելով ձեր երեկվա և այսօրվա պատասխանները՝ ես ոնց որ սկսում եմ մի քիչ թերահավատ լինել՝ մի քիչ հաշվի առնելո՞ւ եք ընդդիմության ասածը, որ մենք էլ մի քիչ իրացված լինենք»,- իր ելույթը եզրափակեց ԲՀԿ խմբակցության պատգամավոր Գեւորգ Պետրոսյանը:

Տպել
1091 դիտում

«Norma» ապրանքանիշը կվերսկսի արտադրությունը

Բաքուն ու Անկարան քննարկում են սպառազինության համատեղ արտադրության հարցը

Վարդենյաց լեռնանցքը փակ է կցորդիչով բեռնատարների համար, Թասի ոլորաններին տեղ-տեղ առկա է մերկասառույց

Տավուշի բնակիչներին առաջարկվում է Զանենյան ցեղատեսակի կաթնատու տոհմային այծեր

Առաջին դեպքը՝ Բրազիլիայում, առաջին մահը՝ Ֆրանսիայում, 106 մահ՝ 1 գիշերում. ԱՀԿ-ն անհանգստացած է կորոնավիրուսի թվերով

Վրաստանում արձանագրվել է կորոնավիրուսի առաջին դեպքը

Գեղարքունիքի մարզում «Թումո» ստեղծարար տեղեկատվական կենտրոնի շարժական ուսումնական առաջին կետը կտեղադրվի Գավառ քաղաքում

Ռուսաստանը եւ մի շարք երկրներ պահանջել են սկսել ԱՄՆ-ի և ՄԱԿ-ի միջեւ արբիտրաժային աշխատանքները

Հակոբ Արշակյանը Հայաստան է հրավիրել ԱՄԷ նախարար Բովարդիին

Կարևոր հայտարարություն «Այո» քարոզչական բրենդավորման շուրջ. առաջին տեղի մրցանակ 3 մլն դրամը կբաշխվի 3 անձի միջև (ուղիղ)

Շիրակի մարզում «ԱՅՈ» նախընտրական շտաբի աշխատանքները կհամակարգեն «Իմ քայլը» դաշինքի պատգամավորներն ու Շիրակի մարզպետը

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանը կառավարության վաղվա նիստում կազատվի զբաղեցրած պաշտոնից

«Պատվի համարը» մարտի 9-ից կլինի Հանրայինի եթերում. դերասանական կազմում է նաեւ Արամ MP3-ի որդին

«Ճանապարհենք ձմեռը Շիրակի մարզում». հրավեր Շիրակից Հայաստանի մարզերին եւ ոչ միայն

Երեք ռուսաստանցու նոր կորոնավիրուսով վարակման փաստը հաստավել է

Արմավիրի քրեական հետախույզները մարիխուանայի իրացման դեպք են բացահայտել

Կրթական տեխնոլոգիաների ազգային կենտրոնի տնօրենի պաշտոնը թափուր է. նախկին տնօրեն Արտակ Պողոսյանը եւս կմասնակցի մրցույթին

Արցախի Հանրապետությունում իրականացվել են մի շարք միջոցառումներ կորոնավիրուսի ներթափանցումը կանխելու նպատակով

Էկոնոմիկայի նախարարությունում քննարկվել են ոռոգման սեզոնի մեկնարկին ընդառաջ առկա խնդիրները