Վերջին մի տարում կրակոցներ գրեթե չեն եղել, իսկ ինժեներական աշխատանքները սովորական են. Բերդավան վարչական շրջանի ղեկավար

Լուսանկարում՝ Բերդավան վարչական շրջանի ղեկավար Սմբատ Մուղդուսյան

Երեկ ՀՀ ՊՆ-ն հաղորդեց, որ հայ-ադրբեջանական սահմանի հյուսիսարեւելյան հատվածում, ժամը 16։30-ի սահմաններում մասնավորապես՝ Բերդավան գյուղի մերձակայքում տեղակայված մարտական դիրքերի ուղղությամբ, միջդիրքային տարածքում, ադրբեջանական զինված ուժերի ստորաբաժանումները փորձել են ինժեներական աշխատանքներ իրականացնել՝ մոտեցնելով իրենց դիրքերը: Չենթարկվելով հայկական առաջապահ ստորաբաժանումների նախազգուշացումներին՝ ադրբեջանական զինուժը կրակ է բացել հայկական դիրքերի ուղղությամբ։ Պատասխան կրակով հակառակորդը լռեցվել է, իսկ ինժեներական աշխատանքները՝ կասեցվել։ Հայկական կողմից տուժածներ չկան։

«Հայկական ժամանակ»-ը զրուցեց Նոյեմբերյան խոշորացված համայնքի մեջ մտնող Բերդավան վարչական շրջանի ղեկավար Սմբատ Մուղդուսյանի հետ:

- Պարոն Մուղդուսյան, ի՞նչ է տեղի ունեցել երեկ ձեր համայնքի մերձակայքում տեղակայված սահմաններում եւ արդյո՞ք այն ընթացք է ստացել:

- Գյուղի վրա որեւէ բան չի եղել: Գյուղի վարչական տարածքը շատ մեծ է, իսկ դիրքը գյուղից հեռու է եղել: Եթե գյուղի հետ կապված վտանգավոր բան լիներ, մենք անմիջապես կապի մեջ կլինեինք հրամանատարի հետ, բայց քանի որ խնդիր չի եղել, դրա համար ինձ լրացուցիչ տեղյակ չեն պահել: Առհասարակ ադրբեջանական կողմը վերջին շրջանում անընդհատ փորձում է իր դիրքերն ամրապնդել, ոչ միայն մեր գյուղի հատվածում, այլեւ ամբողջ Նոյեմբերյանի սահմանամերձ հատվածում:

- Կրակոցներ է՞լ են հաճախակի լինում, թե միայն ինժեներական աշխատանքներ են իրականացնում:

- Չէ, կրակոցներ չկան, միայն ինժեներական աշխատանքներ են իրականացնում: Եթե կրակոցներ լինում էլ են, ապա միայն սահմանի վրա, գյուղի վրա կրակոց չի լինում:

- Բնակիչներն ինչպե՞ս են արձագանքում նմանատիպ դեպքերում:

- Սովորական՝ իրենց աշխատանքին են: Դե բնական է, եթե նման բան է լինում, անհանգստություն լինում է: Նույն հիմնարկներն աշխատում են, երեխաները գնում են այգիներ, մանկապարտեզ, մշակույթի տուն:

- Միջդիրքային տարածքի հեռավորությունը մե՞ծ է, թե հատվածներ կան՝ փոքր է:

- Նայած դիրքեր: Դիրքեր կան, որ շատ մոտ է: Իրենք, որ հիմա մոտենում են, կարող է այնպես լինել, որ դիրքերը հասցնեն մինչեւ 50-60 մետրի: Տեղեր կան՝ 500 մետր է հեռավորությունը:

- Ինչքա՞ն ժամանակ է ինժեներական աշխատանքներ են իրականացնում:

- Սովորական պրոցես է, միշտ էլ եղել է: Միշտ էլ երկու կողմն էլ իրենց դիրքերն ամրապնդում են: Ինչպես ամեն մարդ իր տունն է պահում, այդպես էլ դիրքերն են նայում: Բաներ կան՝ մաշվում է, պիտի աշխատանքներ տարվեն՝ փոխվեն, դրա համար ինժեներական աշխատանքները սովորական են: Վերջին մի տարում, կարելի է ասել, գյուղերի վրա կրակոց չի եղել: Գյուղում դեռ ոչ մի մարդ անգամ ինձ չի ասել, որ կրակոց է լսել, դրա համար եմ նաեւ ասում՝ հեռվում է եղել:

Տպել
882 դիտում

ՄԻՊ-ն աշխատանքային խումբ է գործուղել Ջերմուկ. քննարկումներ կլինեն Գնդևազի բնակիչների հետ

Նիկոլ Փաշինյանն արդեն Ջերմուկում է. նա խոսում է տեղի բնակիչների հետ (տեսանյութ)

Վարչապետ Նիկոլ Փաշինյանը մեկնում է Ջերմուկ

Թուրքիայից Հունասատան փախստականների հոսքը եռապատկվել է. Times

106 մարտական հաշվարկ և 5 օպերատիվ խումբ պայքարել են խոտածածկ տարածքներում բռնկված 99 հրդեհի դեմ

Արեւելյան բազար. կյանքը զաբոռից այս կողմ

Թացը չորից ջոկելու «հարցարվեստը». սոցհարցումների սեզոնը բացվեց

Թիավարության աշխարհի առաջնություն. հայ թիավարողները կիսաեզրափակչում են

Ամփոփում. երբ մարդը դառնում է 286 տարեկան

Մեր ժողովուրդը քիչ չի աշխատում, բայց աղքատ է, ինչո՞ւ, որովհետեւ անարդյունավետ է աշխատում. տնտեսագետ

Տավուշում տեղի ունեցած վթարից տուժած 11 զինծառայողները որևէ լուրջ վնասվածք չեն ստացել. Ա. Հովհաննիսյան

ԱՆ նախկին պաշտոնյաների ապօրինությունների հետևանքով պատճառվել է առանձնապես խոշոր չափի վնաս (տեսանյութ)

Արազ Օզբիլիսը հեռացել է թուրքական ֆուտբոլային ակումբից

Խոշոր ավտովթար Լոռու մարզում. Բախվել են Mersedes-ն ու Opel-ը. Կան վիրավորներ (լուսանկարներ)

Վթարի պատճառով 8 ժամ ջուր չի լինելու Նոր Նորքում

Մովսես գյուղում այրվել է մոտ 10 հա խոտածածկույթ. կրակը մարելուն օգնել է գյուղի 23 բնակիչ

Երևանում և 8 մարզում այսօր սպասվում են էլեկտրաէներգիայի պլանային անջատումներ

Շարուրի փողոցի բնակարաններից մեկում հայտնաբերվել է 46-ամյա տղամարդու դի

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար