Եվրոպական դատարան. սպասվում է տասը դատավճիռ

21/04/2019 schedule16:30

Տպագրվել է «Հայկական Ժամանակ» օրաթերթի՝ 2006 թվականի ապրիլի 21-ի համարում

Եվրոդատարանին ՀՀ քաղաքացիների ուղարկած դիմումներից առնվազն տասի մասով ընթացիկ տարում կհրապարակվեն վճիռներ: Այս մասին մեզ հետ զրույցում ասաց Եվրոդատարանում ՀՀ կառավարության ներկայացուցիչ, արդարադատության փոխնախարար Գեւորգ Կոստանյանը: Վերջինս, փաստորեն, այն մարդն է, ով լիազորված է ՀՀ կառավարության անունից պատասխանել ԵԴ հարցումներին: Նա նաեւ պետք է ԵԴ-ին համոզի, որ դատարանին ուղարկված այս կամ այն դիմումում բերված մարդու իրավունքների խախտման փաստերը տեղի չեն ունեցել, կամ բողոքող անձը հնարավորություն է ունեցել Հայաստանում իր շահերը պաշտպանել, բայց այդ չի արել եւ այսպես շարունակ: Եթե պատկերավոր ասենք, Գ. Կոստանյանի գործը կայանում է նրանում, որ նա փորձում է ԵԴ-ին համոզել, որ մեզ մոտ ամեն ինչ օրինական է, եւ մարդու իրավունքները չեն խախտվում:

Հիշեցնենք, որ Հայաստանի կողմից ԵԴ իրավասությունները ճանաչելուց հետո 2003-ից մինչեւ ընթացիկ տարվա սկիզբը մեր հանրապետությունից ԵԴ են ուղարկվել թվով 273 դիմումներ, որոնցից 114-ը ճանաչվել են անընդունելի կամ հանվել են ցուցակից: Ըստ Գ. Կոստանյանի, ԵԴ-ն դիմումները քննարկում է երկու փուլով` նախ դիտարկվում է դիմումի ընդունելի լինել-չլինելու հանգամանքը: «Եթե չկան դիմումն անընդունելի համարելու հատկանիշներ, ապա այն դատարանը ընդունում է, դրանից հետո սկսվում է դիմումի փաստական քննությունը»,- պարզաբանում է արդարադատության փոխնախարարը: ԵԴ-ին ուղարկված դիմումներից 30-ի վերաբերյալ (որից 21-ը ստացվել է 2005թ., իսկ 9-ը՝ 2006թ.) արդեն ՀՀ կառավարությանն ուղարկվել է ծանուցում: Այսինքն, կարելի է ասել, որ գոնե այդ դիմումները հաստատ ընդունվել են դատարանի կողմից:

Ի դեպ, դիմումների քննության ողջ գործընթացը տեղի է ունենում գրավոր: Հիմնականում հենց այդ է պատճառը, որ ԵԴ-ում դիմումների քննարկումը եւ դրանց առնչությամբ վճիռների կայացումը շատ երկար է տեւում, երբեմն քննարկումը կարող է ձգվել մի քանի տարի: ԵԴ-ի պահանջած պարզաբանումներից 12-ը վերաբերում են վարչական պատասխանատվությանը: Ըստ Գ. Կոստանյանի, այդ դիմումների հեղինակները հանրահավաքների եւ ցույցերի մասնակցելու համար վարչական կալանքի կամ տուգանքի ենթարկված ՀՀ քաղաքացիներ են: Վեց դիմումներ վերաբերում են քրեական ոլորտին: Իսկ մնացած 12 դիմումները քաղաքացիական տարբեր հարաբերությունների վերաբերող դիմումներ են:

Ի դեպ, ըստ Գ. Կոստանյանի, Կենտրոնի օտարումներից տուժած ՀՀ քաղաքացիներից ԵԴ ուղարկված դիմումների առնչությամբ ՀՀ կառավարությունը հարցումներ դեռեւս չի ստացել: «ԵԴ-ում նման դիմումներ կան, բայց կառավարությունն այդ մասին չի ծանուցվել»,- ասաց Գ. Կոստանյանը: Ակնհայտ է, որ ԵԴ ուղարկված դիմումների գոնե զգալի մասը լրիվ հիմնավոր է, եւ դրանք ՀՀ-ում ամեն օր տեղի ունեցող մարդու իրավունքների խախտման դեպքերի մի չնչին մասն են միայն ընդգրկում: ԵԴ-ին ուղարկված եւ ՀՀ կառավարությանը ծանուցած դիմումներից քանիսի՞ մասով կարելի է ասել, որ դրանք ամենայն հավանականությամբ կբավարարվեն: Այս հարցին Գ. Կոստանյանը չցանկացավ պատասխանել՝ ասելով, որ դատարանում ինքը ՀՀ կառավարության շահերն է ներկայացնում եւ չի կարող նման կարծիք արտահայտել:

Ի դեպ, Գ. Կոստանյանի պարտականությունների մեջ է մտնում նաեւ ԵԴ դիմումների հիմքում ընկած իրադարձությունների կամ պաշտոնատար անձի գործողության վերաբերյալ ՀՀ կառավարությանը եւ ՀՀ նախագահին զեկուցագրեր ներկայացնելը: Այսինքն, ո՞ր պաշտոնատար անձի գործունեության պատճառով կամ ի՞նչ իրավական ակտի գոյությամբ է պայմանավորված ԵԴ-ին հասցեագրված այս կամ այն դիմումը: Այս գործառույթը մինչ օրս իրեն այդքան զգացնել չի տալիս, քանի որ դրա հիմնական կիրառումը կսկսվի այն պահից, երբ ԵԴ-ն Հայաստանի վերաբերյալ վճիռներ կկայացնի: Դրանից հետո ՀՀ կառավարությունը պարտավոր է փոխհատուցել դիմումատուի իրավունքների խախտումը, ինչպես նաեւ վերացնել դրա պատճառները: Այսինքն, եթե ԵԴ կողմից բավարարված դիմումի առիթը որեւէ պաշտոնյայի գործողություն է, ապա ՀՀ կառավարությունը, ուզի թե չուզի, պետք է «անդրադառնա» տվյալ պաշտոնյային: Մի խոսքով, սպասենք ԵԴ վճիռներին եւ տեսնենք՝ դրանք ստանալուց հետո մեր կառավարությունն ինչպես է փորձելու պաշտպանել իր իրավախախտ պաշտոնյաներին:

Վահագն Հովակիմյան

Տպել
1015 դիտում

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին