Ի՞նչ է տեղի ունեցել Վայոց ձորում. «Եթե շարունակեն հերքել, մենք կհրապարակենք տեսանյութը». մարզպետ

Լուսանկարում ձախից՝ Վայոց ձորի փոխմարզպետ Ռազմիկ Տոնոյան, աջից՝ ԲՀԿ խմբակցության պատգամավոր Սերգեյ Բագրատյան

Շաբաթ օրը՝ ապրիլի 27-ին, Վայոց ձորի մարզի Եղեգնաձոր քաղաքում «Քաղաքացու օրը» նշելու ընթացքում միջադեպ է եղել: Միջադեպի կիզակետում ԱԺ ԲՀԿ խմբակցության պատգամավոր Սերգեյ Բագրատյանն ու Եղեգիս համայնքի Արտաբույնք վարչական շրջանի ղեկավար Արմեն Սետրակյանն են, ովքեր սեռական բնույթի հայհոյանքներ են հնչեցրել Վայոց ձորի ՔՊ-ական փոխմարզպետ Ռազմիկ Տոնոյանի հասցեին եւ փորձել են հարձակվել նրա վրա: Չնայած մամուլում հրապարակված լուսանկարներին, Սերգեյ Բագրատյանը լրատվամիջոցների հետ զրույցում նշել է, թե չի ճանաչում Տոնոյանին եւ նա սուտ ցուցմունք է տվել: Իսկ ԲՀԿ խմբակցության քարտուղար Արման Աբովյանը գրառում էր կատարել ֆեյսբուքյան իր էջում՝ նշելով, որ ոչ ոք ոչ ոքի չի փորձել ծեծել, դա սուտ է եւ զրպարտություն: Աբովյանը նաեւ վստահ է, որ Բագրատյանը չէր կարող ոգելից խմիչքի ազդեցության տակ լինել: 

Վայոց ձորի մարզպետ Տրդատ Սարգսյանը «Հայկական ժամանակ»-ի հետ զրույցում ասաց, որ իրավապահները զբաղվում են այս հարցով. «ԱԺ պատգամավորի կողմից հարձակում է եղել փոխմարզպետի վրա, հնչեցրել են հայհոյանքներ փոխմարզպետի հասցեին: Փոխմարզպետը չի պատասխանել, դիմել է իրավապահներին, տեղում իրավապահները կանխել են հարձակումը՝ ծեծկռտուքի չի վերածվել»:

Մեր հարցին, թե ո՞րն է եղել միջադեպի պատճառը, Սարգսյանը պատասխանեց. «ԱԺ պատգամավորը եւ Արտաբույնքի վարչական շրջանի ղեկավարը խմած են եղել, այդ խմած լինելու փաստը չի կարող քննարկվել, որովհետեւ բոլորիս աչքիս առաջ են խմել՝ նաեւ մեր ներկայությամբ: Իմ գնալուց հետո է եղել այդ միջադեպը: Փոխմարզպետի վրա հարձակումը նշանակում է հարձակում իշխանության ներկայացուցչի վրա: Ոստիկանությունն արդեն գործը նախապատրաստել է եւ դատախազությունից գործը կուղարկվի ՀՔԾ»:

Մեր դիտարկմանը, թե միջադեպը խմածությունի՞ց է սկսվել, Սարգսյանն արձագանքեց. «Թե ինչպես է Բագրատյանը հարձակվել իմ տեղակալի վրա, այդքան չեմ խորացել: Կա փաստ, որ հարձակվել է եւ փաստի առթիվ, իմ կարծիքով, ՀՔԾ-ում արդեն քննությունը կընթանա»:

Մեր հարցին՝ հանդիպում ունեցե՞լ է Արտաբույնքի վարչական շրջանի ղեկավարի հետ, Սարգսյանը պատասխանեց. «Ոչ, չենք հանդիպել: «Իմ քայլը» խմբակցության պատգամավորներն են եկել մարզպետարան, ես ասել եմ, որ կարիք չկա որեւէ մեկի հետ հանդիպելու, որովհետեւ իրավապահներն իրենց գործն անում են»:

Մեր հարցին՝ Սերգեյ Բագրատյանի հետ է՞լ հանդիպում կամ խոսակցություն չի եղել, մարզպետը պատասխանեց. «Ոչ, ինձ չի զանգել պարոն Բագրատյանը: Ես գիտեմ, որ դեպքից հետո գնացել է ոստիկանություն, ներողություն է խնդրել, ասել է, որ ավելի լավ է հաղորդում չտաք՝ ինչ եղել է, մնա անցյալում: Բայց սա հարձակում չի եղել Ռազմիկ Տոնոյանի վրա, սա եղել է հարձակում փոխմարզպետի վրա եւ չէր կարող հաղորդում չտալ ոստիկանություն»:

Մեր դիտարկմանը, թե Սերգեյ Բագրատյանը նշել էր, որ այս ամենը սուտ է եւ Տոնոյանի հետ չի շփվել ու չի առնչվել, Սարգսյանն արձագանքեց. «Դա իհարկե սուտ է, դրա տեսանյութն էլ կա եւ ես պարոն Բագրատյանին ուղղակի խորհուրդ կտամ հաշտվել իրականության հետ եւ ներողություն խնդրել հրապարակային, որովհետեւ վերջիվերջո տեսանյութ կա, թե ինչպես է պարոն Տոնոյանի հետ շփվում»:

Մեր հարցին՝ որտե՞ղ է այդ տեսանյութը եւ ինչո՞ւ չի հրապարակվել, Սարգսյանը պատասխանեց. «Տեսանյութը չի հրապարակվել: Իրավապահներին կտանք միգուցե, այնտեղ հայհոյանքներ են հնչում: Եթե հերքելու ոճով շարունակեն, մենք կհրապարակենք տեսանյութը»:

Եղեգիս համայնքի Արտաբույնք վարչական շրջանի ղեկավար Արմեն Սետրակյանը ՀԺ-ի հետ զրույցում ասաց, որ ինքը միջոցառմանը մասնակից է եղել, սակայն միջադեպին ներկա չի եղել. «Ինչ-որ երիտասարդներ են մոտիկացել Բագրատյանին, խնդրել են, որ մոտիկանա փոխմարզպետին, միջամտի, որպեսզի իրենց բաժին չտանի: Բագրատյանը ճշտել է, թե ինչ է եղել: Այդ երիտասարդները ծխախոտը ծխել՝ գցել են գետնին, փոխմարզպետն էլ նկատել է՝ ստիպել է, որ կզեն եւ վերցնեն բիչոկը, այդ երիտասարդների հետ էլ աղջիկներ են եղել ու այդտեղից սկսել է քաշքշուկը: Ես մի 30 մետր հեռու էի, տեսա, որ այնտեղ քաշքշոց էր, ու երբ որ Բագրատյանին դիմեցին, ես նրա հետ մոտեցա: Բագրատյանը հարցրել է՝ ի՞նչ է կատարվում, փոխմարզպետն էլ հարցրեց՝ դուք ո՞վ եք: Ես մոտեցա, ասացի՝ ոնց, չե՞ք ճանաչում, 2 անգամ ընտրված պատգամավոր է: Ու այդտեղից սկսվել է միջադեպը, իրեն չենք խփել»:

Մեր հարցին՝ իրենք հարբա՞ծ են եղել, Սետրակյանն արձագանքեց. «Չէ, միջոցառումը դեռ նոր էր սկսել»:

Մեր դիտարկմանը, թե մյուս կողմը նշում է, որ տեսանյութ կա, որտեղ երեւում է, թե ինչպես են իրենք խմում, Սետրակյանն արձագանքեց. «Բայց ես չեմ օգտագործել: Կարող է բաժակ բարձրացրած լինեմ: Հիմա հայկական սեղանի կողքը իրավունք չունե՞մ բաժակ բարձրացնեմ: Ինձ հրավիրել են բաժին, Տոնոյանը ցուցմունք է տվել, որ ալկոհոլի ազդեցության տակ է եղել այդ ամեն ինչը, ես կարդացել եւ ասել եմ, որ չի համապատասխանում իրականությանը»:

Սետրակյանի կարծիքով՝ միջադեպը փոխմարզպետի մեղավորությամբ է տեղի ունեցել:

Տպել
4347 դիտում

Արտակարգ դեպք Նուբարաշեն ՔՀԿ-ում. 57-ամյա իրանցու դին հայտնաբերվել է ճաղավանդակից կախված. Shamshyan.com

Մահացել է իտալացի ռեժիսոր Ֆրանկո Ջեֆիրելլին

Չինաստանի նախագահն Էրդողանին առաջարկել է ընդլայնել համագործակցությունն ահաբեկչության դեմ պայքարում

Ոստիկանները կրկին մեկնեցին սահման. Օսիպյանը պարգեւատրել է նրանցից մի քանիսին

Արաբկիրի ոստիկանները պարզել են քաղաքացուն դանակահարած անձի ինքնությունը

Ոստիկանները հայտնաբերել են քաղաքացու դրամապանակը գողացած անձին

Սարի թաղում՝ հեռուստաաշտարակի մոտ այրվում է խոտածածկ տարածք

ՀՀ ոստիկանությունում տեղի է ունեցել պարգեւատրման արարողություն

Դավիթ Տոնոյանը այցելել է ՀՀ ԶՈւ-երի մարտական հենակետերից մեկը

Տարբեր երկրների քաղաքացիական հասարակության ներկայացուցիչներ հյուրընկալվել են ՀՀ ԱԺ-ում

Համազգային թատրոնի փոխտնօրենն աշխատանքից ազատման դիմում է ներկայացրել

Ոստիկանները բերման են ենթարկել ավտոմեքենայի պատուհանից ինքնաշեն սարքով կրակած անձին

Ոստիկանները ապօրինի թմրանյութ պահելու եւ օգտագործելու դեպքեր են բացահայտել

Դավիթ Տոնոյանը մասնակցել է հակառակորդի կրակոցից զոհված զինծառայող Արտյոմ Խաչատրյանի հուղարկավորությանը

Հակառակորդը մեկ շաբաթվա ընթացքում շփման գծում հրադադարի ռեժիմը խախտել է շուրջ 140 անգամ

Մանվել Գրիգորյանը «Նաիրի» բժշկական կենտրոնում է, վիճակը միջին ծանրության է

Մայրաքաղաքի փողոցների նորոգման աշխատանքների տնտեսված գումարներով մի քանի փողոց կհիմնանորոգվի

Ինձ համար սկզբունքային էր, որ առաջին պաշտոնական այցը պետք է լինի Արցախ. Հայկ Մարության

ԲՀԿ ղեկավարի նկատմամբ ունեմ միմիայն հարգանքի զգացում, կոնֆլիկտի մասին խոսակցությունները ծիծաղելի են. Տիգրան Ուրիխանյան

ԶՈՒ եւ ԶՈՒ ԳՇ ղեկավար կազմի հետ խորհրդակցություն է անցկացվել