«Nouvelles d’Arménie»-ի դեմ հարձակումը պայմանավորված է խմբագրի գործունեությամբ. ամսագրի հայաստանյան թղթակից

«Nouvelles d’Arménie» ամսագրի խմբագրության դեմ իրականացված հարձակումը մտահոգիչ է, բայց ոչ ողբերգական: Մեզ հետ զրույցում այդ մասին ասաց ամսագրի հայաստանյան թղթակից Սեդա Մավյանը՝ տեղեկացնելով, որ խմբագրությունը շարունակում է աշխատել:

Հիշեցնենք, որ Փարիզում անհայտ անձինք ներխուժել են ֆրանսալեզու Nouvelles d'Arménie ամսագրի խմբագրություն եւ տարել երեք համակարգիչ ու մեկ ֆոտոապարատ։

«Մի կողմից մտահոգիչ է տեղի ունեցածը, բայց մյուս կողմից ողբերգական չէ, որովհետեւ բարեբախտաբար էական չէ կորուստը: Նույնիսկ հաջորդ համարի մակետն էր ապահովված: Մի խոսքով՝ ոչ նոյեմբերի համարն է վտանգի մեջ, ոչ էլ ընդհանուր առմամբ խմբագրության գործունեությունը: Ուղղակի մտահոգիչ է, որովհետեւ սա ցույց է տալիս, որ Ֆրանսիայի հայկական կազմակերպությունները համակարգող խորհրդի կողմից իրականացվող որեւէ գործունեություն չի անտեսվում թուրքական միջավայրի կողմից»,- ասաց Մավյանը:

Մեր հարցին՝ արդեն կանխատեսվո՞ւմ է, թե ովքեր են գողացել համակարգիչներն ու տեսախցիկը, ամսագրի թղթակիցը պատասխանեց, որ ենթադրելի է, որ այդ ամենը կապ ունի «Nouvelles d’Arménie» ամսագրի խմբագիր Արա Թորանյանի հասարակական-քաղաքական գործունեության հետ:

«Մեր ամսագրի խմբագիրը, որ միեւնույն ժամանակ ֆրանսահայերի համակարգող խորհրդի (CCAF) համանախագահ է, շատ ակտիվ ներգրավված է հաջակցություն Սիրիայում թուրքական հարձակման զոհ դարձած քրդերի պայքարի, ակցիաների մեջ: Հոկտեմբերի 12-ին բավական մեծ միտինգ եղավ այդ հարձակման դեմ, որին եւս մասնակցում էր Արա Թորանյանը: Մենք այս ամենը կապում ենք դրա հետ. նրանց (կողոպուտի հեղինակներին-խմբ.) մտահոգում է Թորանյանը՝ իբրեւ խմբագիր, եւ Թորանյանը՝ իբրեւ ֆրանսահայերի համակարգող խորհրդի համանախագահ»,- ասաց Մավյանը:

Նա նաեւ տեղեկացրեց, որ սա ամսագրի դեմ հարձակման առաջին դեպքը չէ, նախորդ դեպքերից որեւէ մեկը չի բացահայտվել:  

Ֆրանսիայի հայկական կազմակերպությունների համակարգող խորհուրդն այսօր հայտարարություն է տարածել, ըստ որի՝ CCAF-ի համանախագահներ Մուրադ Փափազյանը եւ Արա Թորանյանը տեղի ունեցածը որակում են հարձակում, որն իրականացվել է Փարիզում թուրքական ծառայությունների կողմից: Նրանց կարծիքով՝ այս հարձակումը ոչ միայն իրենց ապագա ծրագրերի մասին տեղեկություններ հավաքելու, այլեւ ահաբեկելու նպատակ ունի: Չնայած սրան՝ խմբագրությունը շարունակում է աշխատել:

«Nouvelles d’Arménie» ամսագիրը զբաղվում է Թուրքիայում ազատությունների պաշտպանությամբ, Հայոց ցեղասպանության ժխտման դատապարտմամբ, Լեռնային Ղարաբաղի Հանրապետությանն աջակցությամբ:

Տպել
611 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան