Դերասան Վիգեն Ստեփանյանը գաղափարապես ուսանողների կողքին է․ նախարարի աշխատանքից նա դժգոհ է

Արդեն մեկ շաբաթ տեղի ունեցող բողոքի ակցիաներին այսօր իր աջակցությունն է հայտնել դերասան Վիգեն Ստեփանյանը:

ՀՀ կառավարության շենքի մոտ Կրթության, գիտության, մշակույթի եւ սպորտի նախարար Արայիկ Հարությունյանի հրաժարականը պահանջող բողոքի ակցիայի ժամանակ դերասանը լրագրողների հետ զրույցում նշել է, որ իր համար անհասկանալի են ԿԳՄՍ նախարարության այսօրվա քայլերը: Վիգեն Ստեփանյանը հայտարարել է՝ գաղափարապես ուսանողների կողքին է: Նրա խոսքով՝ չենք կարող մեր լեզուն, մեր հիմքը, մեր հիմնաքարը չհարգել, փորձել սակարկել այդ թեմաներով: Ավելի լավ է՝ զբաղվել նրանով, թե ինչ լեզվով են այսօր խոսում հեռուստատեսությամբ, ինչպես են աղավաղում մայրենի լեզուն:

Դերասանը դժգոհ է ԿԳՄՍ նախարար Արայիկ Հարությունյանից, սակայն վստահ չէ, որ նախարարի հեռանալով՝ ինչ-որ մի բան կփոխվի․ «Ես շատ լավ գիտեմ իմ ոլորտը. գնաց Մակունցը, եկավ Նազենի Ղարիբյանը, ի՞նչ փոխվեց, ինչ էլ փոխվեց, փոխվեց դեպի վատը»:

Դերասանն իր խոսքում անդրադարձավ նաեւ վերջերս մեծ քննարկումների տեղիք տված «Մել» ֆիլմին եւ «ՀուԶանք ու Զանգ» ներկայացմանը։ «Մետրոյի առաջ իբր թե «ներկայացում» են խաղում, եւ դրա համար լուրջ գումար է հատկացվում: Այդ գումարով, թերեւս, երկու մանկական ներկայացում բեմադրվեր՝ մանկական որեւէ թատրոնում»,- նշեց նա՝ հավելելով, որ ցանկացած մարդ իրավունք ունի դասավորելու իր կյանքն այնպես, ինչպես ցանկանում է: Եթե ցանկանում է սեռը փոխել, իր գործն է, սակայն դերասանի համար անհասկանալի է՝ ինչպես դա կարելի է դարձնել հանրության համար ֆիլմ:

«Ինչպե՞ս կարելի է թողնել նույն Նազիկ Ավդալյանին, որն իրոք հերոսուհի է, փառք Աստծո, մայր է դարձել, ընտանիք ունի: Եթե ուզում եք մեծարել հայ կին չեմպիոնի, խնդրեմ»,- նշեց դերասանը՝ հավելելով, որ ֆիլմի հերոսը դոպինգ ընդունելուց բացի, հրաժարվել է ՀՀ քաղաքացիությունից, ապրում է արտասահմանում։ «Եվ, ընդհանրապես, այս թեման երբվանի՞ց դարձավ այդքան հետաքրքիր Հայաստանում»,- զարմանք հայտնեց Վիգեն Ստեփանյանը:

Հիշեցնենք, որ արդեն մի քանի օր է՝ ԿԳՄՍ նախարարի հրաժարականի պահանջով բողոքի ակցիաներ են իրականացվում ՀՀ կառավարության եւ ԿԳՄՍ նախարարության շենքերի առաջ: Հրաժարական պահանջելու պատճառը «ՀուԶանք ու Զանգ» ներկայացումն է, «Մել» ֆիլմը եւ «Բարձրագույն կրթության եւ գիտության մասին» օրենքի նախագիծը, որով նախատեսվում է բուհերում «Հայոց լեզու» եւ «Հայոց պատմություն» առարկաները դարձնել ոչ պարտադիր։

Անի Ավագյան

Տպել
818 դիտում

Արդեն շուրջ 10 օր է՝ 160 բեռնատարներ Լարսի անցակետում խցանման մեջ կանգնած են. նրանց խոսքով՝ խնդիրը վրացական կողմում է

Մհեր Գրիգորյանի նախագահությամբ տեղի է ունեցել միջգերատեսչական հանձնաժողովի հերթական նիստը

Առաջ շունչներս պահած սպասում էինք՝ Սերժ Սարգսյանը վտանգավոր մի բան չասի, Փաշինյանի դեպքում ախորժակը մեծացել է. քաղաքագետ

Փետրվարի 10-16-ը ոստիկանները հայտնաբերել են ոչ սթափ 102 վարորդ (տեսանյութ)

Խոջալուի մասին Մութալիբովի հարցազրույցն իրական է. Դանա Մազալովան վերահաստատում է, Ալիևը՝ ստում

Քաղաքացին բնակարան գնելու համար List.am-ով գործակալություն է գտել, վճարել 10 միլիոն դրամ, ապա հետքը կորցրել

Արմեն Սարգսյանը խոսք է հղել Զինված ուժերում վերջին օրերին տեղի ունեցած մտահոգիչ դեպքերի կապակցությամբ

Օլիմպիադայից հետո երկուսին էլ ամուսնացնել. Սամվել Բալասանյանն ընդունել է Արթուր Ալեքսանյանին եւ Կարապետ Չալյանին

Ամեն ինչ էլ հնարավոր է. Վահրամ Դումանյանը չհերքեց, որ կարող է առաջադրվել ԵՊՀ ռեկտորի պաշտոնում

Այնպես չէ, որ մեր քաղաքացիների համար գաղտնիք է՝ ով է փորձելու կանգնեցնել այս ժողովրդավարական գործընթացը․ Ալեն Սիմոնյան

Արմեն Սարգսյանը հանդիպել է Հայաստանում ԵՄ պատվիրակության ղեկավար, դեսպան Անդրեա Վիկտորինի հետ (տեսանյութ)

Հավի կրծքամսում խոնավության զանգվածային մասը կազմել է 80%. խմբաքանակը հանվել է վաճառքից եւ ոչնչացվել

Նիկոլ Փաշինյանը մասնակցելու է «ԱՅՈ»-ի քարոզարշավին․ «Իմ քայլի» նիստն ավարտվեց

Մի քանի գերլարված դիմակայություններ Չեմպիոնների լիգայի 1/8 եզրափակչում. մրցաշարը վերսկսվում է

Աջափնյակ վարչական շրջանի ղեկավար Գեւորգ Բաբայանը ազատման դիմում է ներկայացրել

Նարեկ Սարգսյանի կալանավորման ժամկետը երկարաձգվել է

ՀՀ զինված ուժերի գլխավոր շտաբը հորդորում է զերծ մնալ բանակում մահվան դեպքերը շահարկելու փորձերից

ԱԺ-ում քննարկվել են զբոսաշրջային ավտոբուսների կայանատեղերին եւ երթեւեկության բալային համակարգին վերաբերող հարցեր

Վաչագան Ղազարյանն ու նրա կինը պետական բյուջե են փոխհատուցել 2 միլիարդ 837 միլիոն ՀՀ դրամ վնասը. գործը կարճվել է

Սուր շնչառական վարակներով պայմանավորված իրավիճակի կայունացում է նկատվում, իսկ որոշ ցուցանիշներով՝ նվազում