ԵՊՀ քիմիայի ֆակուլտետի ուսանողները որոշել են կոսմետիկ օճառ արտադրել, իսկ բյուրեղների ստացման նրանց եղանակով զարդեր կան

Կոսմետիկ օճառներ, շոկոլադ, սննդի անվտանգություն, պլաստիկի վերամշակում եւ այլն: Երեւանի պետական համալսարանի Քիմայի ֆակուլտետի ուսանողները բազում ծրագրեր ունեն, թե ինչպես ճիշտ իրականացնել քիմիական արտադրություն, որը մեր երկրի համար կարող է լինել առավել շահութաբեր, տնտեսապես ավելի ձեռնտու: Այսպես նաեւ առկա կարծրատիպերը կվերանան, թե քիմիական արտադրությունը վնասակար է, եւ պետք չէ զարգացնել այս ուղղությունը:

Ամեն օր ժամը 9.30 ֆակուլտետի ուսանողները, մտնելով լսարաններ, միայն դասախոսություններով չեն բավարարվում, բուհի լաբորատորիայում փորձում են ստեղծել երկրի համար պիտանի բան, որպեսզի չանեն ինքնանպատակ գործ կամ միայն բավարարվեն գիտական աշխատանքով: Փնտրում են՝ այսօր առհասարակ ինչի կարիք կա ու փորձում հասկանալ՝ իրենք ինչ կարող են անել:

«Մենք կարող ենք լավ կազմակերպել քիմիական արտադրություն, որը կարող է օգուտ տալ տնտեսությունը, ոչ պակաս քան տեղեկատվական տեխնոլոգիաները»,- նշեց Շուշաննա Վարդանյանը, ով ֆակուլտետի ուսանողական-գիտական ընկերության նախագահն է: Նրա խոսքով՝ կարող են այնպես ամեն ինչ հաշվարկել, որ ձեռնտու լինի բոլոր տեսանկյուններից, եւ բնապահպանական խնդիրներ չառաջանան:

Ֆակուլտետի ուսանողերն այսօր առաջարկում են իրենց ծրագրերը, որոնք ցանկանում են իրականացնել նախ Մայր բուհի տարածքում:

թուղթ, ապակի եւ պլաստիկ. նոր աղբամաններ ԵՊՀ-ում

ԵՊՀ-ի տարածքում աղբի առանձնացման հատուկ տարաներ չկան, որպեսզի թափոնն առանձնացվի, ուսանողները որոշել են իրականացնել մի ծրագիր. բուհի տարածքում կտեղադրվեն թղթի, ապակու եւ պլաստիկի համար առանձնացված աղբարկղեր, եւ համալսարանականներն օրինակ կծառայեն բոլորին՝ աղբը տեսակավորելով:

Հարցի հետ կապված արդեն նախնական պայմանավորվածություն է ձեռք բերվել «Էկո աղբ» հասարակական կազմակերպության հետ: Բուհի ռեկտորի պաշտոնակատար Գեղամ Գեւորգյանը եւս տվել է իր բանավոր համաձայնությունը, այժմ ֆակուլտետից սպասում են փաստաթղթային համաձայնության: Ծրագիրը, սակայն, դեռեւս քննարկման փուլում է: Թե ինչպես կկատարվի համագործակցությունը եւ մնացած այլ մանրամասներին տեղյակ չեն, շատ անելիք կա, պետք է քննարկեն:

անվնաս քիմիա

Ուսանողների առաջարկած մյուս ծրագիրը եւս իրենց համալսարանում է կատարվելու: Կստեղծվեն տեղական, դեղաբույսերի յուղերից պատրաստված կոսմետիկ օճառներ, որոնք կապահովեն ամբողջ համալսարանը: Սա դեռեւս նախնական ծրագիր է, որ պետք է քննարկվի: Այսօր այդ նյութերը լաբորատոր աշխատանքներ են, որոնք չեն վաճառվում: Պետք է անցնեն համապատասխան ստուգումներ: Պրոեկտն անցել է պատրաստման փուլը, այժմ ստուգման հերթն է, որից հետո սերտիֆիկատի ձեռբերման աշխատանքներ կկատարվեն: Այս բոլոր գործընթացներն անցնելուց հետո ապրանքները կարող են հանվել վաճառքի: Այս մասին խոսելը, սակայն, դեռ վաղ է:

«Մենք կողմնակից ենք, որ ամեն ինչ ունենա սերտիֆիկատ, հստակ կազմակերպված արտադրանք, ոչ թե ավտոտնակային, հակասանիտարական պայմաններում ստեղծված»,- նշեց ֆակուլտետի 4-րդ կուրսի ուսանող Վլադիմիր Վարդապետյանը՝ հավելելով, որ ամեն ինչ պետք է լինի նորմավորված, պայմաններին համապատասխան:

գեղեցիկ քիմիա 

Ուսանողների մշակած եղանակներից մի քանիսն արդեն այլ կազմակերպությունների կողմից կիրառվում են արտերկրում: Նման ծրագրերից է բյուրեղների ստացումը եւ կիրառությունը զարդերի արտադրության մեջ: Դրանց աճեցման եւ վերամշակման եղանակն այսօր կիրառվում է Ֆրանսիայում, եւ երկրում զարդերը դրվել են վաճառքի: Այս ամենը կատարվել է ուսանողների նախաձեռնությամբ, նրանք ծրագրին ունեցել են իրենց մասնակցությունը, իհարկե, դասախոսների վերահսկողությամբ: Ուսանողներն իրենց միջոցներով են լաբորատորիայում կատարել փորձեր, հետագայում մշակվել է համապատասխան տեխնոլոգիան: Հայաստանում եւս կան վայրեր, որտեղ վաճառվում են նման զարդեր:

Բյուրեղները հատուկ ճանապարհով ստացվում են ամենատարբեր միներալներից, հատուկ սարքավորումների կողմից ապահոված բարձր ջերմաստիճանի, ճնշման պայմաններում:

խնայող քիմիա

Երիտասարդները նաեւ մի շարք եղանակներ են մտածել, ինչպես չվնասել բնությունը եւ չօգտագործել պոլիէթիլային տոպրակներ: Օրինակներից մեկն այսօր ուսանողների ձեռքի տակ էր: Հելյունով գործած պայուսակը թույլ կտա մեկանգամյա պոլիեէթիլային տոպրակը փոխարինել բազմակի օգտագործման, գունավոր պայուսակով:

Այս եւ այլ առաջարկություններ օրեր առաջ՝ նոյեմբերի 11-13-ն ընկած ժամանակահատվածում, ներկայացվել են բուհի Սարգիս եւ Մարի Իզմիրլյանների անվան գրադարանի նախասրահում տեղի ունեցած ցուցադրության ժամանակ: Ուսանողները եւ երիտասարդ գիտնականներն իրենց ստացած նյութերն են ներկայացրել:

Ցուցադրության նպատակն ըստ նրանց այն էր, որ ցույց տան, թե արտադրական պրոցեսներում ինչպես են օգտագործվում քիմիական եղանակները:

Նման մեկ այլ միջոցառում նախատեսվում է իրականացնել մյուս տարվա գարնանը:

«Այդ առաջարկությունները, որոնք ներկայացվել էին այս էքսպոյի ժամանակ, մենք կատարելագործված ցույց կտանք, հուսանք այդ փուլում արդեն դրանք նախնական նորմավորում կանցնեն, տեսականին կշատանա»,- իր խոսքում նշեց Վլադիմիր Վարդապետյանը:

Տպել
1806 դիտում

Զոհրաբ Մնացականյանը հեռախոսազրույց է ունեցել Իրանի ԱԳ նախարար Մոհամմադ Ջավադ Զարիֆի հետ

Չինաստանի նախագահ Սի Ծինփինը պատասխանել է Արմեն Սարգսյանի նամակին

COVID-19-ով հոսպիտալացվածների համար հարազատները չպետք է սնունդ տանեն․ դրսից ուտելիք ընդունել չի թույլատրվում

ՀՀ և ՌԴ ԱԳ նախարարները հեռախոսազրույցում քննարկել են նաև Լեռնային Ղարաբաղի հիմնահարցին վերաբերող վերջին զարգացումները

Վարդենյաց լեռնանցքը փակ է, Սոթք-Քարվաճառը՝ դժվարանցանելի

Ապրիլի 8-ին Լուսինը կգտնվի մեր մոլորակին ամենամոտ կետում

Կապանի բնակարաններից մեկում 65-ամյա տղամարդու դի է հայտնաբերվել

Արարատում վերջին տվյալներով կորոնավիրուսի 2 նոր դեպք ունենք, ընդհանուր թիվն այս պահին 175 է. Գարիկ Սարգսյան

51-ամյա Կարեն Պապիկյանը որոնվում է որպես անհետ կորած

COVID-19 վարակի հետազոտման շարժական լաբորատորիան բացազատվել է (տեսանյութ)

Էջմիածնի մարզադաշտի տարածքում մահացած տղամարդ է հայտնաբերվել. օպերատիվ խումբը դեպքի վայրում է

Հանցագործության նյութական հետքերի եւ հետեւանքների հայտնաբերման 2019 թ. ցուցանիշը 2018 թ. համեմատ. կա շուրջ 92% աճ

COVID-19 հավելվածի միջոցով թեստ է իրականացրել 240 հազար մարդ, կորոնավիրուս հայտնաբերվել է 4 մարդու մոտ․ Բագրատ Բադալյան

ԱԻՆ-ը 2 օրում 527 հանրային տարածք է վարակազերծել

Ապրիլյանի քննիչ հանձնաժողովը պատասխանել է Սերժ Սարգսյանին. «Սպառիչ պատասխան ենք տվել ձայնագրության մասով առաջարկին»

Պարենային որոշ ապրանքների և բժշկական նշանակության պարագաների ներմուծման դեպքում մաքսատուրքերը զրոյացվում են

Կորոնավիրուսով վարակված զինծառայողների վիճակը լավ է․ ՊՆ մամուլի խոսնակ

Հայբիզնեսբանկը բուժաշխատողների կողքին է

178 ուղևորներ ԱԻՆ ավտոբուսներով տեղափոխվել են մեկուսացման վայրեր. ԱԻՆ

ՎՏԲ-Հայաստան Բանկը և Mastercard-ը տրամադրում են 30% զեղչ YandexTaxi- ով երթևեկելիս