Մարդը անվստահություն ա ներշնչում, նրան «դրախտի պուտյովկա՞» եք տալիս․ իմա՞ստը․ Գեւորգ Պետրոսյան

ՍԴ անդամների վաղ կենսաթոշակի անցնելու վերաբերյալ Արդարադատության նախարարության ներկայացրած նախագիծը խորհրդարանական ընդդիմությունը, մեղմ ասած, այդքան էլ չի հավանել։

Պետաիրավական հարցերի մշտական հանձնաժողովում նախագծի քննարկման ժամանակ ընդդիմադիր ԲՀԿ խմբակցության պատգամավոր Գեւորգ Պետրոսյանը, դիմելով նախարար Ռուստամ Բադասյանին, հարց հնչեցրեց, թե այս նախագիծը ՍԴ անդամների վիճակը վատթարացնո՞ղ, թե՞ բարելավող բնույթ ունի, կամ ի՞նչ չափանիշով են ընտրվել հենց ՍԴ անդամները, ինչո՞ւ այս նույն կարգավորումը չեն ուզում կիրառել Վճռաբեկ դատարանի դատավորների, կամ ԱԺ պատգամավորների նկատմամբ․

«Ես էլ, օրինակ, կուզենամ՝ իմ 4 տարի, 3 ամսվա աշխատավարձը, խրախուսումները տան, եւ գնամ իմ համար ըմբոշխնեմ ձմեռային երեկոների հաճույքը Հայաստանի տարբեր գեղատեսիլ վայրերում»,- հարցը հնչեցնելիս ասաց Պետրոսյանը՝ հետաքրքրվելով նաեւ՝ նախագծով չկա՞ հենց նախկին դատավորներից ազատվելու խնդիր, եւ արդյոք հարկատուների հետ զրուցե՞լ են, հարկատուները պատրա՞ստ են աշխատանք չկատարող դատավորի կերակրել։

Ի վերջո Պետրոսյանը հարցրեց նաեւ, թե ի՞նչ ճգնաժամի մասին է խոսքը, քանի որ իրեն ԵՊՀ իրավագիտության ֆակուլտետում ասել են՝ ճգնաժամն այն իրավիճակն է, երբ տվյալ պետական մարմինը չի կարողանում իրականացնել իր գործառույթները․

«Խնդրում եմ վիրավորանք չհամարել, բայց ՍԴ-ում մի ճգնաժամ կա, ում անունը Վահե Գրիգորյան է։ Ի՞նչ ճգնաժամի մասին է խոսքը, այդ ի՞նչ օբյեկտիվ անհնարին իրավիճակ է, երբ ՍԴ-ն չի կարողանում գործեր քննել եւ որոշումներ կայացնել»։

Ի պատասխան՝ նախարար Բադասյանն ասաց, որ ճգնաժամ ասելով՝ նկատի ունեն հանրության վստահության մակարդակը դատական համակարգի նկատմամբ․

«Անվստահության մակարդակն արձանագրվել է միջազգային բազմաթիվ կառույցների գնահատականներով, գնահատվել է տարիներ շարունակ։ Ճգնաժամ ասելով՝ նկատի ունենք, որ մենք Սահմանադրական փոփոխությունները քննարկելիս ասել ենք, որ ՍԴ մոդելը սխալ է, եւ ՍԴ կողմից իրապես սահմանադրական արդարադատություն իրականացնելու համար անհրաժեշտ է, որպեսզի Դատարանի անդամ առաջադրող մարմինները լինեն երեքը՝ մասնակցային, ներառական ձեւավորում ապահովելու համար, որպեսզի չլինի իրավիճակ, երբ մեկ քաղաքական ուժի քմահաճույքով ձեւավորվի կառույցը։ Բայց այդ մոդելն այդպես էլ կյանքի չի կոչվել, որովհետեւ ՍԴ անդամների ճնշող մեծամասնությունն արդեն իսկ պաշտոնավարում էին»,- ասաց Բադասյանը։

Ինչ վերաբերում է հարցին, թե հարկատուները համաձա՞յն են այս նախագծին, Բադասյանն արձագանքեց, որ գիտի հարկատուների վերաբերմունքը իրենց վճարած հարկերի ու դրանց ուղղությունների մասին։ Նախարարը շեշտեց, որ այստեղ պետք է տալ հաջորդ հարցը․ հարկատուները որքա՞ն են պատրաստ հարկ վճարել մարդկանց, որոնց չեն վստահում․

«Դրանով ավելի շատ չե՞նք վնասում, քան ներդնելով այս համակարգը եւ հնարավորություն տալով, որ իրապես արդարադատություն իրականացնող դատավորներ ունենանք»։

Պատասխանելով հարցին, թե ինչու է այս նախագիծը վերաբերում միայն ՍԴ անդամներին, Բադասյանն ասաց, որ իրենք ստեղծված ճգնաժամը լուծելու մի շարք ուղիներ են փնտրում, մյուս դատարանների վերաբերյալ նախագծերից մեկն էլ դատավորների գույքային դրության ստուգումն է, բարեվարքության ստուգումը եւ այլն․

«Իսկ այս նախագիծը գործում է միայն ՍԴ-ի դեպքում, քանի որ այստեղ ունենք համեմատաբար նեղ կազմ, համակարգի մյուս ճյուղերում այն չափազանց լայն է՝ թե՛ բյուջեի, թե՛ մշտական գործիքներ ունենալու տեսանկյունից»։

Բադասյանը հստակ շեշտեց, որ նախագիծը բարելավում է դատավորների կարգավիճակը, քանի որ նրանք հնարավորություն են ունենում անցնելու վաղ կենսաթոշակի մինչեւ սահմանված տարիքը։ Բացի այդ, նախարարի պնդմամբ, նախատեսած սոցիալական երաշխիքներն ավելի լավն են դատավորի համար։

ԲՀԿ-ական Գեւորգ Պետրոսյանը, սակայն, համարեց որ իր հարցերին կոնկրետ պատասխաններ չհնչեցին։ Նա նկատեց՝ եթե նախագծով դատավորների կարգավիճակը բարելավվում է, նրանց արտոնություն է տրվում, ապա ինքն էլ է ուզում դրանից օգտվել, ինչո՞ւ է խտրական վերաբերմունք դրվում։

Պետրոսյանը չի հասկանում՝ եթե ՍԴ դատավորները նպաստել են դատական համակարգի հանդեպ անվստահության մթնոլորտի ձեւավորմանը, ապա ինչո՞ւ չեն պատժում նրանց, այլ առավելություն են տալիս․

«Եթե մարդը անվստահություն ա ներշնչում, նրան «դրախտի պուտյովկա» ե՞ք տալիս, իմա՞ստը»,- հնչեցրեց պատգամավորը՝ հավելելով, որ եթե Դատարանի կազմը ցանկալի մարդկանցով համարելու խնդիր ունեն, ապա թող խոստովանեն ճշմարտությունը։

«Իմ անձնական կարծիքով՝ նախագծի հետեւում կանգնած է կոնկրետ անձանց ՍԴ-ից ազատելու եւ սեփական կադրերով համալրելու նպատակը, դրանով էլ մեր երկրի ազգային անվտանգությանը սպառնացող փաստաթղթերը վավերացնելը»։

Տպել
958 դիտում

«Յուքոմի» հիմնադիրներ Հայկ եւ Ալեքսանդր Եսայանները հաղորդագրություն են տարածել

Հեքիաթ կորոնավիրուսի թեմայով՝ 6-11 տարեկան երեխաների համար․ ծնողներին այն առաջարկում է ԱՀԿ-ն

Արցախում թանկացել է «Բաղրամյան» տեսակի ալյուրը

Ոստիկանության Տավուշի բաժնի ծառայողներն ապօրինի հրազեն են հայտնաբերել (տեսանյութ)

Հայաստանը խաչքար է նվիրաբերել Վաշինգտոնի «Սուրբ գիրք» թանգարանին

Վարդենիսի մարզադաշտից 62-ամյա քաղաքացի է բերման ենթարկվել

ԱՄՆ 19 նահանգից հայ ուսանողներն ու աշակերտները տեղափոխվել են Չիկագո, այնուհետ Դոհա-Թբիլիսի չվերթով հասել Հայաստան

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն