«Էտի արդեն իմ գործը չի. դուք ձեր մեջ կտեսնեք՝ ասֆալտը քանդվելու է, թե չի քանդվելու». Սիսի փոքրիկ բնակիչը՝ վարչապետին

ՀՀ վարչապետ Նիկոլ Փաշինյանն այսօր Արարատի մարզում էր՝ մասնակցելու գյուղի նոր վերանորոգված գլխավոր ճանապարհի բացման արարողությանը: Նիկոլ Փաշինյանին դիմավորելու էին եկել գյուղացիներ, այդ թվում՝ գյուղի փոքրիկ բնակիչներ: Այնտեղ էր նաեւ 10-ամյա Սամվել Հովհաննիսյանը, որը գյուղի ճանապարհն ասֆալտապատելու անհրաժեշտության մասին բարձրաձայնողներից էր:

Հիշեցնենք, որ մարտի 16-ին Փաշինյանն անակնկալ այցով Ռանչպար գյուղում էր, երբ Սիսի փոքրիկները նրան հրավիրել էին իրենց գյուղ։ Փաշինյանը րոպեներ անց մեկնեց Սիս, որտեղ եւ գյուղի բնակիչների եւ գյուղապետի պաշտոնակատար Հայկ Մելքոնյանի հետ որոշեցին՝ գյուղի ամենակարեւոր խնդիրը ճանապարհն է։

Արդեն մայիսին «Ազատության «Գյուղամեջ» հաղորդաշարի նկարահանման ժամանակ երեխաները բողոքեցին, թե վարչապետը «ասեց՝ կնորոգի, բայց մինչեւ հիմա նորոգում ա, սպասում ենք դեռ»։ «Պարոն Պապիկյան, տեսել եք էն տեսանյութը, որ Սիս գյուղի էրեխեքը հարցազրույց են տալիս, ասում են՝ «Նիկոլն էկավ, խոստացավ, գլխառադ արեց, չսարքեց», խի՞ չենք սարքում, էրեխեքը բողոքում են, սենց չեղավ»,- մայիսի 23-ի կառավարության նիստում դիմելով տարածքային կառավարման եւ զարգացման նախարար Սուրեն Պապիկյանին՝ ասաց Փաշինյանը:

Պապիկյանն արձագանքեց՝ նշելով, որ հաշվի առնելով երեխաների խնդրանքը՝ այնտեղ ասֆալտապատման աշխատանքներ կիրականացվեն։

Փաշինյանը, այսօր գյուղացիների, գյուղապետի, Արարատի մարզպետի, տարածքային կառավարման եւ զարգացման նախարարի հետ քայլեց նոր ասֆալտապատված ճանապարհով եւ նկատելով, որ որոշ հատվածներում ցեխը խնդիր է ստեղծում, մարզպետին առաջարկեց տվյալ հատվածում աշխատող տնտեսվարողների հետ լուծել հարցը:

Այնուհետեւ նա լուսանկարվեց եւ զրուցեց փոքրիկ Սամվելի հետ: Մինչ այդ Սամվելը ցանկացավ խոսք ասել. «Դուք, մեծարգո մեր ղեկավար,

Ընտրվեցիք հենց մեզ համար,

Չանտեսեցիք մեր խնդրանքը,

Կատարեցիք մեր բաղձանքը»:

«Պարոն Փաշինյան, իմ խնդրանքն էն էր, որ ասֆալտը լինի, ասֆալտը եղավ, էն մնացածը, թե ասֆալտը քանի սանտիմետր է, ինչ է, դա արդեն ես չգիտեմ: Էտի արդեն իմ գործը չի, դուք ձեր մեջ կտեսնեք, քանդվելու է, թե չի քանդվելու»,- ասֆալտի որակի վերաբերյալ վարչապետի հարցին ի պատասխան՝ արձագանքեց Սամվելը՝ ընդգծելով, որ ասֆալտի որակի պատասխանատվությունը պետք է ասֆալտ անող ընկերությունը կրի:

«Բայց դու պետք է նայեիր»,- նկատեց Փաշինյանը: «Նայել ենք, պարոն Փաշինյան, ընկերներիս հետ՝ Նարեկի, Աշոտի, Սարգսի, Մհերի հետ ամեն օր եկել նայել ենք»,- արդարացավ նա: Փաշինյանն ասաց, որ որակի ստուգում արվել է, ամեն ինչ նորմալ է: Ապա Սարգիս Հովհաննիսյանին եւ նրա ընկերներին հորդորեց ղեկավարներին ոտանավոր չնվիրել. «Գիտե՞ք՝ դուք ինչ պետք է անեք, նախ՝ մաքուր պահեք, երկրորդն էլ՝ լավ սովորեք: Կամ առաջինը՝ լավ սովորեք, հետո՝ մաքուր պահեք…Մեկ էլ ոտանավոր գրելիս սիրո մասին գրեք, բնության մասին գրեք, ղեկավարներին, բանին ոտանավոր գրելն էդքան…»,- հորդորեց Փաշինյանը: Վերջինս Սիսից ուղեւորվեց Ռանչպար՝ մասնակցելու մանկապարտեզի բացմանը: 

Երբ փոքրիկը նկատեց, որ դա շնորհակալության համար էր, Փաշինյանը հավելեց, որ «շնորհակալության բան չկա, սա մեր պարտականությունն է՝ գյուղապետի, մարզպետի, վարչապետի նախարարի»: Ավելի ուշ ի պատասխան լրագրողների հարցերի՝ Սամվել Հովհաննիսյանն ասաց, որ խաղահրապարակի հարցն իրենք գյուղապետի հետ գյուղի բյուջեով կլուծեն, եւ այլեւ չի պատրաստվում վարչապետին դիմել.

«Մենք, որ ուրիշից սպասենք ինչ-որ բան տա, ոչ մի բանի չենք հասնելու: Գլոբալ հարց էր էտի, ուղղակի ուզեցինք պարոն վարչապետից, պարոն վարչապետն էլ մեզ էդ հնարավորությունը ընձեռեց, մեր ճանապարհը պատրաստեց, ու վերջ: Մենք մեր երազած գյուղն ստեղծելու ենք, մենք՝ մեր գյուղապետի հետ, մեր համայնքով»,- ասաց Սամվել Հովհաննիսյանը:

 

Սիսի փոքրիկ բնակիչն ասաց, որ գյուղի հետ կապված շատ պլաններ ունեն. պատրաստվում են եկեղեցի ու այգի կառուցել, ինչն արդեն քննարկել է գյուղապետ Հայկ Մելքոնյանի՝ Հայկ ձյայի հետ:

Ի պատասխան լրագրողի հարցի՝ հնարավո՞ր է՝ մեծանա ու Կառավարությունում աշխատի, 10-ամյա տղան բացասական պատասխան տվեց՝ ընդգծելով, որ այդ գործը չի սիրում, որովհետեւ, հնարավոր է, հետո մեկն էլ իրեն այդպես «տուպիկ» գցի: 

 

 

Տպել
3941 դիտում

Oնլայն Ռոքեթ Վարկ՝ հրթիռային արագությամբ IDBank-ից

ՌԴ-ից վերադարձած և ինքնամեկուսացման մեջ գտնվող գյումրեցի տղամարդն ինքնասպանության փորձ է արել

Էլ սուտ թաղում Նորատուսում, էլ աղջիկների հետ Դիլիջան՝ մամային բերելու. մարզպետը պոստից հետաքրքիր դրվագներ է հրապարակում

ՊԵԿ աշխատակիցները բացահայտել են թմրանյութի մաքսանենգության հերթական դեպքը

Գիտական աստիճանաշնորման համակարգը թափանցիկ է դառնում․ նոր կայքը թույլ կտա ասպիրանտների քննություններն անցկացնել առցանց

«Փնթփնթո՞ց, թե՞ կյանք` անկախ նրանից, թե որքանով է կյանքը շռայլ մեր հանդեպ»

ԱՄՆ ՄԶԳ-ն Շիրակի մարզպետարանին է տրամադրել բազմաֆունկցիոնալ բժշկական մահճակալներ և 50 հատ հեղուկացիր

Մեղադրանք է առաջադրվել ՀՀ գյուղատնտեսության նախարարության «Սերմերի գործակալություն» ՊՈԱԿ-ի տնօրենին. ՔԿ

Կոտայքում գարնանացանի աշխատանքներն ընթացքի մեջ են. այս տարի 200 հա-ով ավելի գարնանացան կիրականացվի

Հակաճգնաժամային միջոցառումների կարևոր բաղադրիչ պետք է լինի մարդկանց հեռանկարներ ցույց տալը. վարչապետ

Երթևեկության կազմակերպման փոփոխություն՝ Արշակունյաց պողոտա-Գարեգին Նժդեհի փողոց խաչմերուկում

Անցկացվել են կրակի կառավարման վարժանքներ. ՊՆ

Ակնալիճ գյուղում 18-ամյա երիտասարդը դանակահարել է իր 25-ամյա համագյուղացուն

Հղի կանանց աջակցության ծրագրով վճարումներն սկսված են

Արժույթի միջազգային հիմնադրամը նախատեսում է ավելացրել Հայաստանին տրամադրվելիք օժանդակությունը մինչեւ 280 մլն դոլար

Հայաստանում կկառուցվի COVID-19-ից մահացած անձանց համար դիահերձարան

Ալեքսանդր Կարապետյանի ու Էրիկ Վարդանյանի «Սոչին» կրճատել է ֆուտբոլիստների աշխատավարձը

29-ամյա քաղաքացու ինքնասպանության փորձը կանխվել է

COVID-19-ով վարակված քաղաքացիներից 8-ի վիճակը ծայրահեղ ծանր է, 40-ինը՝ ծանր

«Առանց Եսայանների իմացության ընկերության բաժնետերերը կապի մեջ են եղել Անդրեյ Պյատախինի հետ»