«Վհուկների մուրճը». Ա. Միրզոյանը «Բարգավաճ Հայաստանին» կոչ արեց չտրվել հին խաղերին, «Լուսավոր Հայաստանին»՝ գտնել իրենց

«Համառոտ ակնարկ «Իմ քայլ»-ի, «Բարգավաճ Հայաստան»-ի, «Լուսավոր Հայաստան»-ի, վհուկների եւ մեր առաքելության մասին». Սահմանադրական դատարանի դատավորներին վաղ կենսաթոշակի ուղարկելու մասին նախագծի քննարկումների վերաբերյալ իր արտահերթ ելույթն այսպես էր վերնագրել ԱԺ նախագահ Արարատ Միրզոյանը:

Ելույթը վերաբերում էր այն բաժանարար գծերին եւ մտածելակերպի տարբերությանը, որ կա «Իմ քայլ»-ի, «Բարգավաճ Հայաստան»-ի, «Լուսավոր Հայաստան»-ի պատգամավորների միջեւ: «Malleus Maleficarum». ասաց Միրզոյանն ու պարզաբանեց. «15-րդ դարում դոմինիկյան միաբանության 2 աստվածաբաններ մի ձեռնարկ հրատարակեցին, որի վերնագիրն էր՝ «Malleus Maleficarum» («Վհուկների մուրճը»): Այդ ձեռնարկում պահանջ էր դրվում անխնա պայքար ծավալել վհուկների դեմ»:

Վերադառնալով Հայաստանին՝ Միրզոյանը նկատեց, որ 30 տարի, 20-ից ավելի տարիներ հասարակությունը սրտատրոփ սպասում է, թե երբ է Հայաստանում հայտնվելու արդար ձեռք, որը կսրբի, կտանի այն վհուկներին, որոնք խոչընդոտում են Հայաստանի զարգացմանը, որոնք կեղեքում են Հայաստանի բնակչությանը, թալանում են Հայաստանի բնակչությանը, բոլոր ինստիտուտները՝ բանակով, թոշակով, ինչով հնարավոր է:

Եվ ահա, ըստ Արարատ Միրզոյանի, մի քաղաքական ուժ հայտ է ներկայացնում այդ խնդիրները վերացնել յուրովի, ինչպես որ իրականացվեց բաց ձեռքերով հեղափոխությունը:

«Բնականաբար, արժանանում է ծաղրի, որովհետեւ մինչ այդ կար միտք, որ միայն զենքով է հնարավոր ազատվել սրանից: Կյանքն ապացուցեց, որ զենքով չի լինում, եւ բաց ձեռքերով հեղափոխությունն այսօր փաստ է: Այդ նույն քաղաքական ուժը, որ այսօր իշխանության է, ասում է, որ մենք քայլ առ քայլ պայքարելու ենք կոռուպցիայի դեմ եւ վերականգնելու ենք օրինականությունը Հայաստանում: Էդպես չի լինում, պետք է բոլոր վհուկներին միանգամից բռնել, տանել բանտեր, որովհետեւ մենք, մեծ հաշվով, բոլորի անունները … Հիմա, որ դուրս գաք փողոց, հարցնեք՝ կասեն՝ էս 10 հոգուն, 20 հոգուն բռնեք անմիջապես: Ո՛չ, ասում ենք մենք, դա պետք է անել օրինականության սահմաններում, գրված օրենքներով եւ գրված Սահմանադրությունով, միջազգային պարտավորություններով: Որպեսզի այնպես չլինի, որ աչքը սարքելու տեղն ունքը հանենք եւ հակառակը»,- ասաց Միրզոյանը՝ ընդգծելով, որ հերթական անգամ կյանքն ապացուցելու է, որ իրենք ճիշտ են, որ կարողանալու են շատ դեպքերում ոչ թե զրոյից, այլ մինուսից սարքել ինստիտուտներ:

«Վհուկների որս չի լինելու, ամեն ինչ լինելու է օրենքով»,- հավելեց ԱԺ նախագահը:

Իր ելույթի երկրորդ հատվածում Միրզոյանն անդրադարձավ ԲՀԿ-ի ու «Լուսավոր Հայաստան»-ի հետ իրենց ունեցած տարբերությանը.

Շեշտելով, որ վերջին 1 ու կես տարում իրենք հայտարարում են նոր խաղի կանոնների, իրար թեւ ու թիկունք լինելու մասին՝ Միրզոյանը դիմեց ԲՀԿ-ականներին.

«Դուք նորից գնում ընկնում եք հին հարաբերությունների հարթություն, գնում եք հին մոտիվացիաներ, որի կարիքը, կարծում եմ, չկա: Մենք ձեզ էլի ձեռք ենք մեկնել, ինչպես բոլոր քաղաքական ուժերը, կառուցեք նոր Հայաստանը, մի տրվեք հին խաղերին, հին մոտիվացիաներին, դա լավ տեղ չի տանելու: Մի պահեք ոչ մի բաստիոն, որը հին Հայաստանի, որը կոռումպացված Հայաստանի, ավտորիտար Հայաստանի բաստիոններից մեկը կարող է լինել: Դրա կարիքը դուք չունեք»,- նկատեց ԱԺ նախագահը:

Այնուհետեւ նա դիմեց «Լուսավոր Հայաստան»-ի պատգամավորներին. «Մենք շատ հարցերում համակարծիք ենք եղել, էնքան, որ ինչ-որ փուլում միասին եղել ենք դաշինքի մեջ եւ եղել ենք խորհրդարանական ֆրակցիա, բայց հենց այստեղ է մեր տարբերությունը, որովհետեւ շատ բաներ մենք ասում ենք՝ այսպես է ճիշտ, այնպես է ճիշտ, հենց գալիս է անելու պահը՝ դուք ասում եք. ««Վո՜ւյ, վո՜ւյ, վո՜ւյ, ամա՜ն-ամա՜ն»: Միրզոյանը «Լուսավոր Հայաստան»-ին խնդրեց գտնել իրենց նոր Հայաստանում:

Անդրադառնալով Սահմանադրական դատարանում առկա ճգնաժամին՝ Միրզոյանն ասաց, որ այդ ճգնաժամը պետք է լուծվի:

«Սա մեր պետության կարեւոր ինստիտուտներից մեկն է. բավական է ասել, որ վերջնական արդարադատությունը մարդիկ ակնկալում են տեսնել ՍԴ-ում, ինստիտուտների միջեւ չհասկացվածությունը լուծվում է ՍԴ-ում, ՍԴ նախագահը մեր պետության արարողակարգով 4-րդ մարդն է: Եվ այս խնդիրը պետք է լուծվի, սա իրավական անվտանգության հարց է, մարդիկ չեն վստահում ՍԴ-ին»,- ասաց Միրզոյանը՝ հավելելով, որ խնդիրը պետք է լուծվի ոչ թե դուռը փակելով եւ այդ մարդկանց ներս չթողնելով, այլ, եթե պետք է, սահմանադրական փոփոխություններով, հանրաքվեով:

Իսկ այն, ինչ քննարկվում է ԱԺ-ում, ըստ Արարատ Միրզոյանի, ընդամենը հնարավորություն է իրենց պարզած ձեռքն օդում չթողնելու, պատվով հեռանալու:

Միեւնույն է, ըստ ԱԺ նախագահի՝ շատերն ստիպված են լինելու ընդունել նոր խաղի կանոնները, ժողովրդավարական կանոնները, հաշտվել, որ Հայաստանը լինելու է ժողովրդավար պետություն, որ կոռուպցիա չի լինելու: Այդ հարցում ԱԺ մյուս խմբակցությունները կօգնեն, թե կպաշտպանեն հին խաղի կանոնները, ըստ ԱԺ նախագահի, դա նրանց գործն է:

Տպել
1822 դիտում

Երևանի և 3 մարզերի որոշ հասցեներում մի քանի ժամով լույս չի լինի

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր