Թիվ 92 մանկապարտեզում գործող երեք նախաներառական խմբերը մի քանի օրվա ընթացքում կվերականգնեն բնականոն աշխատանքը

Երեւանի քաղաքապետարանը տեղեկացնում է, որ Երեւանի թիվ 92 մանկապարտեզում գործող երեք նախաներառական խմբերը մի քանի օրվա ընթացքում կվերականգնեն իրենց բնականոն աշխատանքը.

«Համակողմանի քննարկումների արդյունքում որոշվել է, որ Երեւանի թիվ 92 մանկապարտեզում գործող երեք նախաներառական խմբերը մի քանի օրվա ընթացքում կվերականգնեն իրենց բնականոն աշխատանքը՝ ֆինանսավորվելով Երեւանի համայնքային բյուջեից:

Միեւնույն ժամանակ հայտնում ենք, որ Երևան քաղաքի մյուս մանկապարտեզները եւս պատրաստ են ընդունելու հատուկ կարիքներ ունեցող բոլոր խմբերի երեխաներին: Քաղաքապետարանը հնարավորություն է ստեղծելու համընդհանուր ներառականության սկզբունքը կիրառել համայնքային ենթակայության բոլոր մանկապարտեզներում»,- նշված է քաղաքապետարանի ֆեյսբուքյան էջում:

Հիշեցնենք, որ դեռեւս շաբաթներ առաջ նշված մանկապարտեզի ծնողները մեզ հետ զրույցում իրենց մտահոգությունն էին հայտնել, որ, իրենց հասած լուրերի համաձայն, այս տարի մանկապարտեզի հատուկ խմբերին ֆինանսավորում չի տրամադրվելու, եւ դրանք դադարելու են գործել: Մինչդեռ, ծնողների կարծիքով, կենտրոնում փոքրիկները նեղ մասնագետների կողմից ստանում են անհատական, հատուկ խնամք:

Մեր հարցմանն ի պատասխան՝ Երեւանի քաղաքապետի մամուլի խոսնակ Հակոբ Կարապետյանը նշել էր, որ խմբերի կրճատում չի լինելու, սաների թիվը եւս չի կրճատվելու, առկա է միայն մասնագետների թվի համապատասխանության խնդիր եւ օպտիմալացման անհրաժեշտություն: Կիրականացվի միայն հաստիքների վերանայում:

Ինչպես հետագայում պարզվեց, խմբերը, այնուամենայնիվ, փակվեցին: Հունվարի 8-ին ծնողներն առավոտյան իրենց երեխաներին մանկապարտեզ էին տարել եւ տեսել, որ հատուկ խմբերում աշխատող որեւէ մասնագետ չկա:

Ավելի ուշ Երեւանի քաղաքապետարանի լրատվական ծառայությունից մեզ պատասխանել էին, որ հատուկ խմբերի փակվելու պատճառն այն է, որ այնտեղ աշխատող բոլոր մասնագետների աշխատանքային պայմանագիրն ավարտվել է 2019 թվականի դեկտեմբերի 31-ին:

Ինչպես հավելել էին լրատվական ծառայությունից, Քաղաքապետարանը փորձում է միջոցներ գտնել խումբը պահելու համար եւ պատրաստվում է դիմել ՀՀ կառավարություն, որպեսզի ֆինանսավորման աղբյուր գտնեն: Նախկինում այն ֆինանսավորում էր ՀՀ Աշխատանքի եւ սոցիալական հարցերի նախարարության կողմից:

Հիշեցնենք նաեւ, որ 2019 թվականի հոկտեմբերի 18-ին համացանցում տարածվել էին այդ մանկապարտեզում աթոռներին կապված երեխաների լուսանկարներ:

Ֆեյսբուքյան օգտատերերից մեկը գրառում էր կատարել՝ նշելով, որ չի կարող լռել եւ չարձագանքել Երեւանի թիվ 92 մանկապարտեզի նախաներառական խմբում կիրառվող վարքի կառավարման մոտեցումներին։ Հրապարակմանը «Ֆեյսբուք» սոցիալական ցանցի իր էջում արձագանքել էր Երեւանի քաղաքապետի տեղակալ Տիգրան Վիրաբյանը: Նա գրել էր, որ մանկապարտեզի ներսում այս երեխաների առօրյան կազմակերպվում է «Արբես» առողջապահական կենտրոնի տրամադրած հատուկ նստարաններով, որոնք ունեն ամրացնող հատուկ հարմարանքներ: Քաղաքապետի տեղակալը հավելել էր, որ պարբերաբար մանկապարտեզ այցելող միջազգային առողջապահական կառույցների ներկայացուցիչները դրական են գնահատում հաստատության փորձը:

Նշենք, որ նշված մանկապարտեզում գործող հատուկ խմբերում հաճախում էր ֆիզիկական եւ մտավոր խնդիրներ ունեցող 24 երեխա: 

Տպել
717 դիտում

ԵԱՏՄ անդամ բոլոր պետությունները համաձայնեցրել են հայկական կողմի առաջարկը. ի՞նչ են քննարկելու վարչապետները Երեւանում

Գաղտնի երդմնակալություն, միջազգային սպառնալիքներ, շարունակվող ցույցեր ու ձերբակալումներ. Բելառուսն այսօր (լուսանկարներ)

Քանդակները վերականգնման կարիք ունեն, բայց դրա համար հայտարարված երեք մրցույթին էլ ոչ ոք չի մասնակցել

Աշակերտների որոշ խմբերի համար դպրոցում դիմակ կրելը պարտադիր չի լինի. ուղեցույցը վերանայվել է

Մոսկվայում տեղի է ունեցել հանդիպում հուլիսյան դեպքերի հետևանքով կալանքի տակ գտնվող ՀՀ քաղաքացիների իրավապաշտպանների հետ

Լեդի Գագայի՝ փարաջանովյան դրվագներով հոլովակը փորձ է մարդկանց սթափեցնելու. Կարինե Հակոբյան

Մարմաշենում 21-ամյա երիտասարդի սպանության համար մեղադրվողը ազատ չի արձակվի. դատարանը մերժել է միջնորդությունը

Քիչ էր մնում անակնկալը փչացնեիք. ԱՆ խորհրդականը հրապարակել է պարգևատրված բուժաշխատողների ցանկը, որի մեջ է նաև «Նորք»-ը

Արգավանդ համայնքում երեք հակակարկտային կայան է տեղադրվել

Ստուգումներ մարտական հենակետերում. ՊՆ

Շիրակի մարզում կորոնավիրուս է հաստատվել 28 ուսուցչի մոտ. մեկուսացված է 186 աշակերտ

Ներկայացվել է ավիաընկերությունների ցանկը, որոնցով ճամփորդելիս պարտադիր է ՊՇՌ հետազոտության պատասխանի առկայությունը

Վանաձորի կենտրոնում խանութ է պայթեցվել (լուսանկարներ)

Տեղի է ունեցել «Հին Երևան» կառուցապատման ծրագիրը համակարգող աշխատանքային խմբի նիստը

Գործադո՞ւլ, թե՞ բողոքի ակցիա ՀՊՏՀ-ում ու ի՞նչ է սահմանում Աշխատանքային օրենսգիրքը

Երևանի վարչական շրջաններում ապօրինի շինություններ են ապամոնտաժվել

Երեք տասնամյակ շարունակ Թուրքիան մերժում է Հայաստանի՝ դեպի ծով ելք ունենալու իրավունքը. Զոհրաբ Մնացականյանի ելույթը

Էդգար Բաբայանը ցանկանում է կարիերան շարունակել Դանիայից դուրս

«Մուլտի Գրուպ Կոնցեռնը» խախտումներով է շահագործել «Մղարթի ոսկու հանքավայրը». նյութերն ուղարկվել են դատախազություն

Կանխվել է քաղաքացու ինքնասպանության փորձը