«Գյումրու կառույցներում մարդիկ կան, որ չգիտեն, որ Բրեժնեւը մահացել է». ներդրողը պատմել է բյուրոկրատական խնդիրների մասին

Մականախաղի նախկին մարզիչ Հրանտ Պետրոսյանը, որը Գյումրիում ցանկանում է սպորտային համալիր կառուցել, բախվում է բյուրոկրատական քաշքշուկների: «Հայկական ժամանակ»-ի հետ զրույցում նա նշեց, որ վճռական է տրամադրված, սակայն հանգամանքները դանդաղեցնում են գործը: Ըստ նրա՝ այդպես է, քանի որ պետական որոշ կառույցներում այնպիսի համակարգով են աշխատում, ինչպիսին եղել է ավելի քան 30 տարի առաջ:

«Գյումրու կառույցներում մարդիկ կան, որ չգիտեն, որ Բրեժնեւը մահացել է», կատակում է նա:    

Պետրոսյանը նշում է, որ ամեն հերթական աշխատանքի համար համապատասխան գերատեսչությունից թույլտվություն ստանալու համար երկար ժամանակ է պահանջվում: Նրա ու նրա զարգացման հիիմնադրամի՝ «Գյումրի Սպորտ Սիթիի» տնօրեն Աղունիկ Պետրոսյանի խոսքով՝ երկար պատմություն է եղել, որ կարողանան գոնե ժամանակավոր էլետրականության հարցը լուծել: Ջրագիծ ունենալն էլ, ըստ նրանց, մեկ այլ պատմություն է եղել. ջրագիծը քաշել են, բայց դեռ անելիքներ կան:

«Մեր օրենքներն այնպիսին են, որ մի 100 հոգի գործ ունենա: Այնպես է բաշխված, որ օրինակ գրիչը մեկի մոտն է, կնիքը՝ մյուսի, թուղթը՝ մեկի, թանաքը՝ մեկի, այդպես վազվզում ես իրենց մեջները»,- ասում է Հրանտ Պետրոսյանը՝ իրավիճակը նմանեցնելով խորհրդային տարիներին:

Այս պահին նրա գլխավոր խնդիրը կապված է գույքի մաքսազերծման հետ: Գյումրիում պահման է տրված արհեստական խոտածածկը: Ըստ օրենքի՝ Պետրոսյանը պետք է վճարի 20% ԱԱՀ եւ 30% մաքսատուրք: Նա շեշտում է, որ պետությունից հատուկ արտոնություններ կամ փող չի խնդրում, պարզապես ուզում է, որ հնարավորության դեպքում, պետության լիազորությունների շրջանակներում հարկային բեռը մեղմվի, քանի որ խոտածածկը գնել է ավելի քան 76 հազար եվրոյով եւ ստիպված է դրա կեսի չափով էլ հարկ վճարել, ու թեեւ ֆինանսական խնդիրներ չունի, այդքանը նրա համար էլ է շատ մեծ գումար:

Այս հարցը, սակայն, ոչ մի կերպ չի ստացվում լուծել: Աղունիկ Պետրոսյանը նշում է, որ մաքսատանն իրենց ասել են, որ այս պարագայում հարկային բեռը մեղմելու ոչ մի մեխանիզմ չկա: Այդպես է պատասխանել նաեւ ՀՀ Կառավարության բարեգործական ծրագրերի համակարգման հանձնաժողովը: ՀԺ-ի հարցին ի պատասխան էլ Պետական եկամուտների կոմիտեից ասացին, որ այս դեպքում օրենքը ոչ մի արտոնություն չի նախատեսում՝ անկախ նրանից, թե որքան թանկ է եղել ապրանքը:

«Գյումրի Սպորտ Սիթիի» մանրակերտը

«Գյումրի Սպորտ Սիթիի» գաղափարը եղել է դեռ 12 տարի առաջ: Մեկ անգամ երկար գործընթացներից հոգնելու պատճառով Պետրոսյանն արդեն դադարեցրել է կառուցումը: Վերսկսել է հեղափոխությունից հետո՝ 2019թ. սեպտեմբերին: Վաճառել է Նովոսիբիրսկի տունը, գրեթե բոլոր բիզնեսները եւ վերջանակապես տեղափոխվել ՀՀ: Այս անգամ ոչ մի դեպքում չի պատրաստվում կանգնեցնել գործը: Նշում է, որ, եթե պետք լինի, բարձր հարկերն էլ կվճարի, պարզապես ցանկանում է, որ երկրում մտածողությունն ու օրենքներն այնպես փոխվեն, որ արհեստական խոչընդոտներ չլինեն, ու մարդկանցից քարե նյարդեր չպահանջվեն:

«Իրենք փող չունեն դաշտ սարքելու, երեխաներով զբաղվելու համար, ու հանկարծ դու ուզում ես զբաղվել, ինստիտուցիոնալ բոլոր կառույցներով հարկեր են ուզում: Ես դա համարում եմ պետության կողմից «ռեկետ»»,- ասում է նա՝ ավելացնելով, որ հարցը բարձրաձայնում է, քանի որ կան շատ մարդիկ, որոնք ցանկանում են ներդրումներ անել, սակայն բախվելով այն խոչընդոտներին, որոնց ինքն է հանդիպում, մտափոխվում են:

«Սպորտ Սիթիի» կառուցման հիմնական նպատակներից մեկը երեխաների ու երիտասարդների համար զբաղմունք ապահովելն է, ինչի բացակայությունը, ըստ Պետրոսյանի, Գյումրիում շատ է զգացվում: Մարզահամալիրը նախատեսված է լինելու մականախաղի, լակրոսի եւ ֆուտբոլի համար: Պետրոսյանը, որը ժամանակին խաղացել է ԽՍՀՄ մականախաղի հավաքականում, 2 տարի եղել է ԽՍՀՄ երիտասարդների եւ 8 տարի Հայաստանի բոլոր տարիքային հավաքականների ավագ մարզիչը, ընդգծում է, որ վստահ է, որ այդ մարզաձեւերում հայերը կարող են հաջողություններ ունենալ:

Տարածքը, ըստ Աղունիկ Պետրոսյանի, ամայի է եղել:

«Սպորտ Սիթին» կառուցվում է Մուշ թաղամասում գտնվող 5.5հա տարածքի վրա: Այն, ըստ Աղունիկ Պետրոսյանի, ամայի է եղել: Աշխատանքները վեսկսվելուց հետո արդեն ավարտին են մոտենում խոտածածկի տեղադրման ու բեմի կառուցման աշխատանքները, եւ ամռանը ակումբն արդեն պատրաստվում է հյուրընկալել միջազգային 2 մրցաշար: Կա նաեւ սահադաշտ, որը Հրանտ Պետրոսյանը հանձնել է մի ընտանիքի, որը, այսպես ասած, աշխատեցնում է այն:

Բեմի կառուցման աշխատանքներն ընթացքի մեջ են:

Ակումբում լինելու են նաեւ լոգոպեդներ, օտար լեզվի խմբակներ: Պետք է կառուցվի նաեւ լողավազան, փակ մարզադահլիճ վերը նշված 3 մարզաեւերի համար, կանաչապատ տարածքներ, հյուրանոց մարզիկների համար եւ այլն:

Ներդրողի խոսքով՝ սկզբնական շրջանում՝ ամենաքիչը 2 տարի, ակումբը գործելու է անվճար, 3-4 տարի էլ ինքը ներդրումներ է անելու առանց այդ գումարները հետ բերելու: Ժամանակի ընթացքում ակումբը պատրաստելու է պրոֆեսիոնալ մարզիկներ, որոնց պայմանագրերից էլ եկամուտ է ունենալու:

Տպել
1714 դիտում

Լոռում ունենք կորոնավիրուսով վարակվածության 3 դեպք․ վարակված անձանց շփման շրջանակը պարզված է, բոլորը մեկուսացված են

Վարչապետի որոշմամբ աշխատանքից ազատվել է առողջապահական և աշխատանքի տեսչական մարմնի ղեկավարի տեղակալը

էկոնոմիկայի փոխնախարարները առցանց խորհրդակցություն են անցակացրել մարզպետարանների գյուղոլորտի պատասխանատուների հետ

Շնչո՞ւմ է, թե՞ չի շնչում․ Լուսինե Բադալյանի եւ Արսեն Թորոսյանի թեժ վեճը սոցհարթակներից ԱԺ ամբիոն է տեղափոխվել

Արցախում ընտրություններն ավարտված են. սկսվում է ձայների հաշվարկը

ՀՀ ԱԽ քարտուղարի մամլո խոսնակ Արեգ Քոչինյանն աշխատանքից ազատման դիմում է գրել

1-ին զորամիավորումում անցկացվել է պարապմունք գիշերային պայմաններում․ ՊՆ

Նիդերլանդների թանգարաններից մեկից գողացել են Վան Գոգի կտավը. Интерфакс

Ոստիկանները Բերդում ապօրինի փայտանյութով բեռնված մեքենա են հայտնաբերել

Հրդեհ է բռնկվել Անդրանիկ Մանուկյան փողոցի տներից մեկում․ ԱԻՆ

Քննարկվել են տնտեսության առանձին ճյուղերում նպատակային ներդրումային ծրագրերին օժանդակություն ցուցաբերելու քայլերը

Եվս 10 օր չի գործի ՀՀ ոստիկանության անձնագրային և վիզաների վարչությունը

ԿԳՄՍՆ-ն հորդորում է՝ չծանրաբեռնել աշակերտներին համակարգչի կամ ՏՀՏ գործիքի կիրառում պահանջող հանձնարարություններով

ՃՈ-ն 10 օրով երկարաձգել է հաշվառման-քննական ստորաբաժանումների գործունեության դադարեցումը

ՍԱՏՄ-ն Նոր Հաճնի խանութներից մեկում հայտնաբերել է ժամկետանց սննդամթերք

Թոփ 5 առաջնությունների ֆուտբոլիստների ընդհանուր արժեք 28%-ով կնվազի

Զգուշացում ոստիկանությունից. «Ֆեյսբուք»-ում հայտնվել են էջեր, որոնց միջոցով քաղաքացիներից գումար են շորթում (տեսանյութ)

ԱԺ-ն առաջին ընթերցմամբ ընդունեց զանգերի եւ տեղաշարժի մասին տեղեկությունները ֆիքսելու նախագիծը

ժամը 17:00-ի դրությամբ Արցախում ընտրություններին մասնկացել է 66,731 ընտրող

ԱԻՆ ՓԾ բուժապահովման մեքենաները 21 երթ են իրականացրել (տեսանյութ)