Երթևեկել մենակ, կարելի է նաեւ գործընկերների հետ կամ ընտանիքի անդամների հետ՝ հարազատությունը հավաստելով փաստաթղթերով

Այսօրվանից գործում է Արտակարգ դրության իրավական ռեժիմով պայմանավորված ՀՀ ողջ տարածքում կիրառվող սահմանափակումների վերաբերյալ N 27 որոշումը, որով մինչեւ ապրիլի 12-ը ներառյալ երկարացվել են արտակարգ ռեժիմի պայմաններում տեղաշարժի եւ տնտեսական գործունեության որոշ տեսակների նկատմամբ սահմանափակումները:

Ներկայացնում ենք որոշման մեջ առկա տեղաշարժի սահմանափակումները՝ հիշեցնելով, որ դադարեցված է հանրային տրանսպորտի գործունեությունը՝ բացառությամբ երկաթուղային տրանսպորտի, սահմանափակված է անձանց միջմարզային տեղաշարժը: Աշխատանք-տուն երթեւեկել կարելի է մենակ կամ գործընկերների հետ, թեթեւ մարդատար ավտոմոբիլով ընտանիքի անդամների հետ երթեւեկել կարելի է համապատասխան փաստաթղթերով հարազատությունը հիմնավորելու դեպքում: Բոլոր դեպքերում անհրաժեշտ է ունենալ լրացված համապատասխան ձեւաթուղթ: Նշենք, որ այս որոշման որոշ կետեր կգործեն վաղվանից: Մանրամասնենք.

  • ՀՀ ողջ տարածքում սահմանափակվում է մարդկանց ազատ տեղաշարժվելու իրավունքը եւ սահմանվում է անձանց պարտադիր ինքնամեկուսացում իրենց մշտական բնակության կամ իրենց նախընտրությամբ մեկ այլ վայրում այլ անձանց հետ անմիջական շփումը սահմանափակելու եւ վարակի տարածումը կանխելու նպատակով: Անձի կողմից ընտրված ինքնամեկուսացման վայրը չի կարող փոփոխվել մինչեւ սույն որոշմամբ սահմանված ժամկետի ավարտը:
  • ՀՀ մարզերի եւ մարզերի ու Երեւանի վարչական սահմանների միջեւ սահմանափակվում է բնակչության ազատ տեղաշարժը:

Կան բացառություններ եւ չսահմանափակված տնտեսական գործունեության տեսակներ (գյուղատնտեսական շուկա, մթերային խանութներ, դեղատներ), որոնցով զբաղվող տնտեսվարող սուբյեկտների մոտ աշխատող անձինք աշխատանքի վայր մեկնելու եւ վերադառնալու համար պետք է ունենան գործատուի կողմից տրամադրված համապատասխան թերթիկ, որը կպարունակի Ձեւ 1-ով (ներքեւում) սահմանված տեղեկությունները եւ կարող է լինել թղթային կամ հեռախոսային հավելվածի միջոցով լրացված։ Նշված տեղեկանքի հետ միասին պետք է ունենալ անձը հաստատող փաստաթուղթ։

Այս ենթակետի գործողության սկիզբ է համարվում 2020 թ.-ի ապրիլի 1-ի ժամը 23:59-ը:ՀՀ ազգային անվտանգության ծառայության, ՀՀ պաշտպանության նախարարության, ՀՀ արտակարգ իրավիճակների նախարարության, ՀՀ ոստիկանության, ՀՀ վարչապետի աշխատակազմի, ՀՀ առողջապահության նախարարության, Առողջապահական եւ աշխատանքի տեսչական մարմնի, Սննդի անվտանգության տեսչական մարմնի, ԱՆ հիվանդությունների կանխարգելման եւ վերահսկողության կենտրոնի աշխատողների դեպքում գործատուի կողմից տրամադրված տեղեկանքը կարող է փոխարինվել ծառայողական վկայականով: 

Բացառություններից են նաեւ՝

  • Պարետի ցուցումով՝ արտակարգ դրություն հայտարարելու համար հիմք ծառայած հանգամանքների վերացման եւ այլ հրատապ հարցեր լուծելու անհրաժեշտությունից ելնելով մուտքերն ու ելքերը:
  • Մշտական բնակության կամ իրենց նախընտրությամբ պարտադիր ինքնամեկուսացման վայր մեկնող/վերադարձող անձանց տեղաշարժը՝ մինչեւ 2020 թ. ապրիլի 2-ը՝ ժամը 23:59-ը:
  • Գյուղատնտեսական կամ այգեգործական աշխատանքներ իրականացնելու համար տեղաշարժվելը, հիվանդանոց ու բժշկական այլ հաստատություններ, խնամքի կարիք ունեցող անձանց բնակության կամ կացության վայր, հոգեհանգստի եւ հուղարկավորության վայր այցելությունները պետք է լինեն ներքեւում նշված Ձեւ 2-ով սահմանված տեղեկությունները պարունակող թղթային կամ հեռախոսային հավելվածի միջոցով լրացված թերթիկի եւ անձը հաստատող փաստաթղթի առկայության դեպքում: 

 

  • ՀՀ ողջ տարածքում մարդկանց ազատ տեղաշարժվելու իրավունքի սահմանափակման եւ սահմանված՝ անձանց իրենց մշտական բնակության կամ իրենց նախընտրությամբ մեկ այլ վայրում պարտադիր ինքնամեկուսացման կարգից բացառություն են կազմում վերը նշված թույլատրելի առեւտրի իրականացման վայրեր եւ դրանցից դուրս գործող առեւտրի օբյեկտներ հաճախելը. դրանք են ավտոմեքենաների եւ մոտոցիկլների տեխնիկական սպասարկման եւ նորոգման, դրանց մասերի եւ պարագաների մանրածախ առեւտրի, գյուղատնտեսական հումքի եւ կենդանի կենդանիների, մանածագործական հումքի առեւտրի, վառելիքի, հանքաքարերի, մետաղների եւ քիմիական նյութերի առեւտրի, սննդամթերքի եւ խմիչքների մեծածախ եւ մանրածախ առեւտրի, իսկ մաքրող միջոցների, կենցաղային ապրանքների, ՏՏ սարքավորումների միայն մեծածախ առեւտրի կենտրոնները, թերթերի եւ գրասենյակային պիտույքների մանրածախ առեւտրի մասնագիտացված խանութները, դեղատները, ծաղիկների, սերմերի, պարարտանյութերի, տնային կենդանիների եւ դրանց կերի մանրածախ մասնագիտացված խանութները, կենցաղային հեղուկ վառելիքի, բալոններով գազի, ածխի, վառելափայտի մասնագիտացված խանութները, թաղման պարագաների մասնագիտացված կետերը: Պետք է ունենալ Ձեւ 2-ով սահմանված տեղեկությունները պարունակող թղթային կամ հեռախոսային հավելվածի միջոցով լրացված թերթիկ եւ անձը հաստատող փաստաթուղթ:
  • Բնակության վայրից ոչ ավելի, քան 500 մ հեռավորության վրա օրվա ընթացքում մեկ անգամ ֆիզիկական վարժություններ կամ հեծանվավարություն իրականացնելը եւս պետք է լինի վերը նշված Ձեւ 2-ով սահմանված տեղեկությունները պարունակող թերթիկի եւ անձը հաստատող փաստաթղթի առկայության դեպքում։
  • Թույլատրվում է թեթեւ մարդատար ավտոմոբիլներով (ուղեւորների համար նախատեսված 8-ից ոչ ավելի նստատեղ ունեցող) առավելագույնը 1 ուղեւորի փոխադրումը: Ինքնուրույն տեղաշարժման, տեսողության եւ լսողության սահմանափակումներ ունեցող անձանց փոխադրման դեպքում թույլատրվում է նաեւ տվյալ անձի ուղեցողի (խնամողի) փոխադրումը:
  • Թույլատրված առեւտրի իրականացման վայրեր եւ դրանցից դուրս գործող առեւտրի օբյեկտներ հաճախելը միայն Ձեւ 2-ով սահմանված տեղեկությունները պարունակող թղթային կամ հեռախոսային հավելվածի միջոցով լրացված թերթիկի եւ անձը հաստատող փաստաթղթի առկայության դեպքում սահմանափակումը կիրառելի չէ երեխաների փոխադրման դեպքում, ընտանիքի անդամների կողմից ավտոմեքենայում երթեւեկելու դեպքում՝ ազգակցական կապը հաստատող փաստաթղթեր ներկայացնելու պայմանով (սույն կետով՝ ընտանիքի անդամներ են ամուսինը, կինը, զավակը, ծնողը, քույրը, եղբայրը), նույն ընկերության աշխատողների փոխադրման դեպքում:
Տպել
1844 դիտում

Սահմանափակումներին վերադառնալու դեպքում տնտեսապես այդ բեռը կլինի անտանելի, բայց հարցը քննարկվում է. վարչապետ

Գերմանիայում աշխատող բժշկին գումար են առաջարկել, որ հայ հասարակության շրջանում խոսի ընդդեմ դիմակների և պատվաստանյութերի

ԱԱԾ-ն չի պատասխանում Գագիկ Խաչատրյանի ընտանիքին առնչվող քրեական գործի մասին ՀԺ-ի գրավոր հարցմանը

Կորոնավիրուսը հնարավոր չէ կանխարգելել որևէ դեղով, պաշտոնապես հայտարարում եմ. Արսեն Թորոսյան (տեսանյութ)

Կորոնավիրուսից 33-ամյա քաղաքացի է մահացել. 418 ծանր, 81 ծայրահեղ ծանր վիճակում գտնվող պացիենտ կա. Արսեն Թորոսյան

24 ժամով կասեցվել է Երեւանի Խորենացի պողոտայի վրա գտնվող ոսկու շուկայի գործունեությունը (տեսանյութ)

Կորոնավիրուսային իրավիճակը երկրում շարունակվում է լարվել. Նիկոլ Փաշինյան (ուղիղ)

Պատգամավորների կյանքին ու առողջությանն սպառնալիքներ հնչեցնելու դեպքի առթիվ քրեական գործ է հարուցվել

Վրաց քաղաքական ու հասարակական գործիչներն առաջարկում են օգնել Հայաստանին. aliq.ge

ՀՀ ֆուտբոլի հավաքականի խաղացողը կարող է հայտնվել Կիպրոսի բազմակի չեմպիոնի կազմում

Նորա Մարտիրոսյանի «Եթե քամին վրա հասնի» ֆիլմն ընտրվել է Կաննի 73-րդ փառատոնի՝ «Առաջին լիամետրաժ ֆիլմ» անվանակարգում

Ոչ թե Ադրբեջանի ժողովուրդը, այլ Ադրբեջանի բարձրագույն ղեկավարությունը պատրաստ չէ խաղաղության. ՀՀ ԱԳՆ մամուլի խոսնակ

Դիմակը COVID-19-ից պաշտպանո՞ւմ է, ինչպե՞ս կրել ձեռնոց եւ ինչո՞ւ չօգտագործել դեղեր, խոսում են հայ մասնագետները

«Դուք անգրագիտություններ եք տարածում»․ «Գազպրոմ Արմենիա»-ի վարչության նախագահը՝ Հանրային խորհրդի անդամին

Նոր համակարգով կրտսեր պարեկի աշխատավարձը կկազմի 250-270 հազար դրամ․ դիմել կարող են նաեւ աղջիկները․ Ռուստամ Բադասյան

20 սննդի կետեր խախտել են պարետի որոշմամբ հաստատված սանիտարահիգիենիկ պահանջները. գործունեությունը դադարեցվել է 24 ժամով

«Ճառագայթային բժշկության և այրվածքների գիտական կենտրոն» ՓԲ ընկերության նախկին տնօրենին մեղադրանք է առաջադրվել

Մեկնարկում են պետական կրթաթոշակով Դրեյփերի համալսարանում ուսանելու առցանց դասընթացները

Ճանապարհային ոստիկանության Թեժ գծի 1-77 հեռախոսահամարը կրկին հասանելի է

Ալկոգել կա, մասկա կա, ջերմաչափ կա, գոնե վաղը եկեք, այ քեզի բան. Գյումրիում 11 տնտեսվարողի գործունեություն կասեցվեց