Մարալիկում այս պահին հաստատված է կորոնավիրուսի 18 դեպք. քննարկվում է ազատ տեղաշարժի սահմանափակման հարցը

Մարալիկում ապրիլի 16-ին թեստավորված Առողջության կենտրոնի 60-ից ավելի աշխատակիցներից կորոնավիրուս է հաստատվել ևս 8-ի մոտ: 10 բուժաշխատողի մոտ հիվանդությունն արձանագրվել էր ապրիլի 15-ին:

Այս մասին այսօր լրագրողների հետ զրույցում ասաց Շիրակի մարզպետ Տիգրան Պետրոսյանը:

Այն բուժաշխատողները, որոնց մոտ հիվանդությունը չի հաստատվել, ունեն ինքնամեկուսացման ցուցում: Կենտրոնի 50 աշխատակցի տրված է ինքնամեկուսացման ցուցում, 40 կոնտակտավոր մեկուսացված է: Կորոնավիրուսով հիվանդ բոլոր մարալիկցիները Գյումրու ինֆեկցիոն հիվանդանոցում են: «Բոլորի ինքնազգացողությունը, բացի անձնակազմի մեկ ներկայացուցչից, վաբարար է, իրենց հետ կոնտակտի մեջ գտնված անձանց մեկուսացումն իրականացվել է, ինքնամեկուսացման  ցուցումներ են տրվում շարունակաբար: ՀՎԿԱԿ-ն այս պահին Մարալիկում է, և աշխատանքներ է իրականացնում»,-ասաց մարզպետը: 

Մարալիկում այս պահին ազատ տեղաշարժի սահմանափակումներ չկան, սակայն պարետատունը հարցը քննարկում է: Երբ լինի վերջնական ու հստակ որոշում, ըստ մարզպետի, կարվի տեղեկատվության պաշտոնական հրապարակում: «Պարետատան հետ այս պահին քննարկվում են մեխանիզմենրը, Մարալիկի պարագայում մեկ մոտեցում ունենք՝ կապված Մ1 մայրուղու հետ: Ճանապարհն անցնում է հենց Մարալիկ և Ձորակապ բնակավայրերի միջով, հիմա փորձելու ենք այդ միջանցքը չփակելով  վերահսկել տեղաշարժը: Դնել խիստ սահմանափակում: Երբ որոշումն ամբողջական լինի, պարետատունը հանդես կգա ամբողջական հայտարարությամբ»,-տեղեկացրեց Տիգրան Պետրոսյանը: 

Այլընտրանքային բոլոր ճանապարհները մարզում բաց են: Եթե որևէ մեկը որոշի Գյումրիից Երևան գնալ Արմավիրով, կամ մեկ այլ ճանապարհով, ազատ ընտրության հնարավորություն ունի: Ներկա պահին Մարալիկում իրականացվում է խստացված հերթապահություն: Բնակիչները ևս, ըստ մարզպետի, զգալիորեն սահմանափակել են տեղաշարժը:

Մինչ ճանապարհի հարցի հստակեցումն, արդեն հստակ որոշում կա Առողջության  կենտրոնի աշխատանքների դադարեցման մասով: 2 շաբաթով կփակվի Մարալիկի Առողջության կենտրոնը: Մարալիկում գործելու է շտապօգնության ծառայություն: Սպասարկելու են Գյումրու և Արթիկի բրիգադները:  ԱԻ նախարարության հետ արդեն քննարկվել է կենտրոնի ամբողջ տարածքի ախտահանման աշխատաքնների իրականացումը:

Ներկա պահին Շիրակի մարզում կա կորոնավիրուսի հաստատված  37 դեպք։ Երեկ՝ ապրիլի 17-ին ևս մեկ դեպք է արձանագրվել: Հիվանդը մեկուսացված է, ճշտված է շփման շրջանակը, օջախը հայտնի է:

Տիգրան Պետրոսյանը նաև տեղեկացրեց, որ այսօր թեստավորվել են «Գյումրի» ԲԿ-ի 29 բուժաշխատողները, որոնք մեկուսացվել էին կորոնավիրուսով հիվանդ մարալիկցի որսորդի՝ կենտրոնում բուժման արդյունքում: 

Հիշեցնենք, որ կորոնավիրուսի հետևանքով մահացած մարալիկցի որսորդը մինչև Գյումրի, այնուհետ Երևան հասնելը 15 օր տնային բուժումներ էր ստացել: Մարտի 29-ին դիմել էր «Գյումրի» ԲԿ, որպես հիվանդ ընդունվել մարտի 30-ին, իսկ արդեն ապրիլի 1-ին տեղափոխվել Երևանի «Գրիգոր Լուսավորիչ» հիվանդանոց, որտեղ էլ տղամարդու մոտ ախտորոշվել էր կորոնավիրուս:

Վերջինիս մահվանից հետո, ապրիլի 6-ին,  ի թիվս այլոց, մեկուսացվել էր նաև մարալիկցի այն բուժքույրը, որը տղամարդուն սրսկումներ էր արել, ինչպես նաև «Գյումրի» ԲԿ-ի 29 բուժաշխատողները:  

Տպել
1467 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են