Սատանան եւ Տեր Աստվածը Գյումրիում

12/06/2015 schedule13:55

Գյումրին կամաց-կամաց նախընտրական փուլ է մտնում, թեեւ քաղաքապետի ընտրությունները 2016-ի սեպտեմբերին են սպասվում: Ու եթե իսկապես առաջադրվեն այն երեք անձինք, ում անունները շրջանառվում են որպես Գյումրու քաղաքապետի թեկնածուներ, հանրապետության երկրորդ քաղաքում «պատերազմ» է կանխատեսվում:

Խոսքը ԱԺ պատգամավոր, ԲՀԿ-ն լքած Մարտուն Գրիգորյանի, վերջինիս ոխերիմ թշնամի, Գյումրու նախկին քաղաքապետ, ՀՀԿ-ական Վարդան Ղուկասյանի եւ Գյումրու գործող քաղաքապետ, ԲՀԿ անդամ Սամվել Բալասանյանի մասին է: Արդեն լուրեր են շրջանառվում, թե իշխանությունները որոշել են Գյումրին «հանձնել» Մարտուն Գրիգորյանին, բայց տեղեկություններ չկան, թե Բալասանյանին ուր են տանելու: Իսկ նրան դժվար թե անպաշտոն թողնեն: Իր վերադարձի մասին է բաղձում Վարդան Ղուկասյանը, ում իշխանությունը թույլ չտվեց վերջին ընտրություններում առաջադրվել: Մարտուն Գրիգորյանը չի շտապում որեւէ հայտարարություն անել իր առաջադրման հետ կապված: Մեզ հետ զրույցում նա ասաց ընդամենը. «Ժամանակից շուտ այդ մասին խոսելն ավելորդ եմ համարում: Եւ մենք չգիտենք դեռ՝ ինչ իրավիճակներ կլինեն եւ ով կառաջադրվի, ով չի առաջադրվի, դրա համար մի փոքր սպասենք, օրերը մոտենան, բնականաբար, անկախ իմ որոշումներից՝ միանշանակ, ես իմ դիրքորոշումը կունենամ»: Երբ նշեցինք, որ իր, Բալասանյանի եւ Ղուկասյանի առաջադրման դեպքում Գյումրիում պատերազմ է կանխատեսվում, Գրիգորյանը պատասխանեց. «Ճիշտն ասած՝ չգիտեմ՝ դա ով է կանխատեսել մեր փոխարեն, համենայնդեպս՝ ինչքան տեղյակ եմ, ոչ մեկը կոնկրետ հայտարարություն չի արել, որ առաջադրվելու է: Թե ովքե՞ր են կանխատեսումներ անում, ովքեր են այդ գնահատականը տալիս, ովքեր են պատրաստվում պատերազմի՝ ես տեղյակ չեմ, ես կարող եմ ասել, որ պատերազմական տրամադրվածություն չունեմ: Եթե առաջադրվելու ցանկություն եղավ, եթե որոշում կայացվեց, անպայման կտեղեկացնենք: Մնացածը հետո մանրամասն կասենք»: Դիտարկմանը, որ տեղեկություններ կան, թե նա արդեն ակտիվորեն աշխատում է այդ ուղղությամբ, Գրիգորյանը պատասխանեց. «Ես 2012-ից ակտիվ աշխատում եմ, քաղաքացիների հետ հանդիպում եմ, դա քաղաքապետի ընտրությունների հետ կապ չունի»:

Գյումրիի նախկին քաղաքապետ Վարդան Ղուկասյանը, ով հայտարարել էր, թե Գյումրիի մասով SOS է պետք հնչեցնել, երեկ armtimes.com-ի թղթակցի հետ զրույցում խիստ քննադատության է ենթարկել գործող քաղաքապետ Սամվել Բալասանյանին եւ ասել. «Գիտեք, ես ոչ թե չարությամբ եմ լցված, որ եկել է, այս տղան է հիմա քաղաքը ղեկավարում, ցավոք սրտի, ուրեմն, երկիրը այս ծանր վիճակում, քաղաքապետը պետք է իր բյուջեով եւ իր ընկերներով, ունեցվածքով եւ ապրած կյանքով կարողանա թեթեւացնի քաղաքի հոգսը: Սա եկել է ավելացնելու: Սա ավելացնում է հոգսը եւ հույս էլ չի ներշնչում, որ գիտեք, հույս կա, ճանապարհ կա»,- ասել է Ղուկասյանը: Նրանց զրույցի մի հատվածը՝ ստորեւ:

- Պարոն Ղուկասյան, դուք կառաջադրվե՞ք Գյումրիի քաղաքապետի ընտրություններում:

- Լավ իմացի, ես առաջնորդվում եմ ի վերուստ: Երբ որ Աստված իմ հոգու մեջ ներքին ձայնս ինձ ասաց, որ պետք է առաջադրվես, ուրեմն, ղուշը, որ ինձ ասի՝ պիտի չդնես, ես կդնեմ: Սադամ Հուսեյնը գերեզմանից հելնի, ես կդնեմ, եթե հանկարծակի ինձ Աստված թելադրեց: Բայց ես քաղաքականությամբ չեմ զբաղվում, ազնիվ խոսք եմ ասում, որովհետեւ ես իմս արել եմ 13 տարի փառքով ու պատվով եւ հիմա որ փողոցում, քաղաքում պտտվում եմ, ինձ մարդիկ ասում են՝ բալա ջան, քարն էրթաս, կանաչ բուսնի, ողորմի հորդ ու մորդ, ու գիշեր ցերեկ ինձ ասում են՝ ե՞րբ պիտի գաս, ե՞րբ պիտի գաս: Բայց Աստված գիտի, ես կգա՜մ, թե՝ ոչ:

- Փաստորեն՝ դա միայն ձեր ներքին ձայնից է կախված:

- Այո՛, միայն ներքին ձայնից, այս խոսքերը ծիծաղի կամ, ասենք, ինչ-որ դիվիդենտ շահելու կամ ինչ-որ մեկին հաճոյանալու համար չեմ ասում, ես հիմա խոսում եմ ի խորոց սրտի: 

- Իսկ եթե հանկարծ իշխանությունը Գրիգորյանին պաշտպանի...

- Չեմ ուզում լսել, աղջիկ ջան, ընդհանրապես, ավելի լուրջ թեկնածուների մասին կարելի է խոսել, նա ջահել, երիտասարդ տղա է, ես, օրինակ, ինձ նմանատիպ քաղաքապետ չեմ ուզում տեսնել, ո՛չ սրան, ո՛չ նրան:

- Ովքե՞ր են լուրջ թեկնածուները:

- Դե, առաջն Աստված, չնայած շատ քիչ են, շատ դժվար է այսօր մարդիկ գտնել: Մի մեծ փիլիսոփա կար, Դիոնիսոս, հա՞, որ օրը ցերեկով լապտերը ձեռքը ման էր գալիս, ասում են՝ ի՞նչ ես ման գալիս, ասում է՝ մարդ եմ ման գալիս, մարդ չկա: Հիմա, իրոք, մարդ չկա, շատ դժվար է մարդ գտնել: Դրա համար շատ վաղ է, որովհետեւ ազգասեր, հայրենասեր, բանիմաց, աշխատող մարդիկ տեղ չունեն: Այդպես է, աշխարհի վերջին օրերին այդպես պետք է լինի: Գրվածը կատարվում է:

- Հիմա անընդհատ խոսվում է, որ եթե դուք առաջադրվեք, Գրիգորյանն առաջադրվի, Բալասանյանն էլ, պատերազմ է լինելու Գյումրիում:

- Պատերա՞զմ: Ընդհանրապես, ես պատերազմ թույլ չեմ տա, որ լինի, ոչ էլ մենք պատերազմ ենք եկել: Էդ ինչ-որ արել են, արել են բանսարկուները, խառնել իրար, բոլորին իրար խփել: Գիտե՞ս ինչ, ընդհանրապես, եթե ժողովուրդը մեկին ընտրում է, մեկի հետեւից գնում է, ի՞նչ պատերազմի մասին է խոսքը: Եթե պատերազմ անեք, ուրեմն, դուք կանեք, դուք, ձեր ղեկավարները՝ բանսարկու: Բանսարկուն գիտե՞ս ով է: Դա սատանան է: Սատանան ունի արբանյակներ՝ մարդկանց տեսքով: Իրենք չեն կարող լավ բան տեսնել: Հավատա՛, այդպես է: Բայց առաջն Աստված, կապրենք, կտեսնենք: Եթե ասում է Դավիթ մարգարեն՝ Աստված ընդ մեզ է, ո՞վ կարող է զիս մենամարտե: Փառք երկինք եւ երկիր: Ես ուզում եմ, որ հավիտենական կյանքում տեղ ունենամ, աղջիկ ջան, որովհետեւ դատաստանին ասում է՝ բանք լռին, գործք խոսին, այսինքն, բոլորս պիտի լռենք, գործը պիտի խոսի: Առաջն Աստված:

Սամվել Բալասանյանի պատասխանը՝ առաջադրվելո՞ւ եք ընտրություններում, լսել չհաջողվեց: Նրա հեռախոսը վարորդի մոտ էր:

Տպել
4117 դիտում

Փորձելու ենք բոլոր խնդիրներին հերթով լուծում տալ. Ստեփանավանի քաղաքապետի պաշտոնակատարը կառաջադրի իր թեկնածությունը

Տարեսկզբին մեկնարկված ծրագրի ընթացքը՝ գործընկերների ուշադրության կենտրոնում

Սերժ Սարգսյանի եղբորորդին՝ Նարեկ Սարգսյանը, դատարանում ընդունեց իրեն առաջադրված մեղադրանքը

Մշակույթի գործիչները այսօր էլ նամակ հանձնեցին ԱՄՆ դեսպանատուն

Ստեփանակերտի Լազարև փողոցում տեղի կունենա չպայթած կասետային ռումբերի ականազերծում

Արարատ Միրզոյանը վերադարձել է աշխատանքի. նա այս պահին հանդիպում է «Իմ քայլի» պատգամավորների հետ

Skilling Chess. Կառլսենը եզրափակչում պարտություն կրեց

Դատարանը քննում է Նարեկ Սարգսյանի գործի մի հատված դռնփակ անցկացնելու հարցը

Գերմանիայի Լեեր քաղաքում հայ զինվորների հիշատակին նվիրված մոմավառություն է իրականացվել

Դադիվանքում սպասավորող միաբանները ստացել են Ամենայն հայոց կաթողիկոսի օրհնությունը

ԱԱՏՄ-ն գրությամբ դիմել է պատկան մարմիններին՝ հորդորելով պահպանել ջեռուցման նորմերը

Ոստիկանության՝ պատերազմին մասնակցած 184 ծառայող անձնվիրաբար ծառայության համար պարգևատրվել է

ՀՖՖ նախագահը Հայաստանի հավաքականի անվանական մարզաշապիկ է նվիրել Յուրի Ջորկաեֆին

ԿԳՄՍՆ-ն մարզպետարաններին ու Երեւանի քաղաքապետարանին է ուղարկել առկա ուսուցման անցնելու շրջաբերականը

«Սա ոչ թե քրեական գործ է, այլ դրա քողի տակ քաղաքական հետապնդում»․ Քոչարյանի գործով նիստը այսօր հետաձգվեց

Պատգամավոր Գոռ Գեւորգյանը հայտնել է ԱԺ «Իմ քայլը» խմբակցությունից դուրս գալու մասին

Անհետ կորած զինծառայողների հարազատները նամակ հանձնեցին ՌԴ դեսպանատան ներկայացուցչին

Այս բարդ ժամանակներում պետք է լինենք միահամուռ և մեկտեղենք համազգային ներուժը. վարչապետն ընդունել է Ջորկաեֆ եղբայրներին

ԱԺ-ն կքննարկի 3-րդ երկրներից ցեմենտի ներմուծումը լիցենզիաների հիման վրա իրականացնելու նախագիծը

Գևորգ Ալեքսանյանը հրապարակեց ըմբշամարտի Հայաստանի հավաքականի կազմը աշխարհի անհատական գավաթի համար