Անդրանիկ Նիկողոսյանի մեդալները

13/08/2015 schedule21:10

Երեկ «ՀԺ»-ին տված հարցազրույցում ԱՊՀ երկրների երիտասարդական միության խորհրդի նախագահ, «Ռուս-հայկական միության» նախագահ Անդրանիկ Նիկողոսյանի արած հայտարարությունները ԱԺ պատգամավոր Էդմոն Մարուքյանը լկտիություն էր որակում:

Հիշեցնենք, Մարուքյանը դիմել էր ԱԺ նախագահին՝ պահանջելով Նիկողոսյանից հետ վերցնել ԱԺ-ի շնորհած բարձրագույն պարգեւը՝ պատվո մեդալը` Հայաստանը Ռուսաստանի կազմ մտցնելու մասին վերջինիս արած հայտարարության համար: Նիկողոսյանն էլ ասել էր, թե ավելի հեշտ է Մարուքյանի մանդատը հետ վերցնել, քան իր մեդալները: Այս օրերին սոցցանցերում բազմաթիվ օգտատերեր հարց են բարձրացնում, թե իր որ ներդրման համար է Նիկողոսյանն այդքան մեդալների արժանացել:

Եվ ուրեմն, 2013թ. հոկտեմբերին ԱԺ նախկին նախագահ Հովիկ Աբրահամյանը Նիկողոսյանին պարգեւատրել է ՀՀ Ազգային ժողովի Պատվո մեդալով` Եվրասիական ինտեգրացիոն գործընթացներում ԱՊՀ երկրների երիտասարդական միության ցուցաբերած ակտիվ մասնակցության համար:

Նույն թվականին ՀՀ ոստիկանապետ Վլադիմիր Գասպարյանը Նիկողոսյանին պարգեւատրել է «Համագործակցության ամրապնդման համար» մեդալով: «Համագործակցության ամրապնդման համար» մեդալով պարգեւատրվում են ՀՀ ոստիկանության խնդիրների իրականացման, ՀՀ ոստիկանության համակարգի գործունեությանն աջակցություն ցույց տալու, միջազգային իրավապահ մարմինների միջեւ համագործակցության ամրապնդման գործում զգալի ավանդ ներդնելու համար:

Նույն այդ շրջանում Նիկողոսյանին մեդալ է շնորհել մեկ այլ պաշտոնյա՝ Երեւանի քաղաքապետ Տարոն Մարգարյանը: Երեւան քաղաքում հասարակական ակտիվ գործունեության համար Տարոն Մարգարյանը Անդրանիկ Նիկողոսյանին պարգեւատրել է Երեւանի քաղաքապետի ոսկե մեդալով:

Մինչ այդ՝ 2008 թվականին, Նիկողոսյանին միանգամից երկու մեդալով պարգեւատրել է պաշտպանության նախարար Սեյրան Օհանյանը: Վերջինս Նիկողոսյանին շնորհել է «Անդրանիկ Օզանյան» եւ «Գարեգին Նժդեհ» մեդալները: 

Սրանք Նիկողոսյանի հայաստանյան մեդալներն են: Բացի այդ, Անդրանիկ Նիկողոսյանը 2010 թ. հոկտեմբերի 15-ին ՌԴ ներկայիս վարչապետ, այն ժամանակվա նախագահ Դմիտրի Մեդվեդեւի կողմից պարգեւատրվել է Բարեկամության շքանշանով: Մեդվեդեւի հրամանագրում նշված է, որ շքանշանը Նիկողոսյանին շնորհվում է «Ռուսաստանի հետ մշակութային կապերի, ինչպես նաեւ արտերկրում ռուսաց լեզվի եւ ռուսական մշակույթի տարածման գործում ներդրած մեծ ավանդի համար»:

Նույն տարում Անդրանիկ Նիկողոսյանը պարգեւատրվել է ռուս ուղղափառ եկեղեցու մեդալով: Համայն Ռուսիո պատրիարք Կիրիլի հրամանագրում նշված է, որ Նիկողոսյանը պարգեւատրվում է Ռուս ուղղափառ եկեղեցու Սուրբ ազնվահավատ իշխան Դանիիլ Մոսկվացու III աստիճանի շքանշանով` Գյումրիում Պատվո Բլուր ռուսական զինվորական գերեզմանատան վերականգնման ընթացքում ցուցաբերած անձնուրաց աշխատանքի համար: Համաձայն Ռուս ուղղափառ եկեղեցու պարգեւների մասին կանոնակարգի, Սուրբ ազնվահավատ իշխան Դանիիլ Մոսկվացու շքանշանով են պարգեւատրվում հոգեւոր կյանքի վերածննդի գործում ավանդ ունեցող անձինք:

Այդ նույն օրը Նիկողոսյանը պարգեւատրվել է նաեւ ՌԴ կառավարության պատվավոր դիպլոմով: 2013թ. Նիկողոսյանը ՌԴ նախագահի աշխատակազմի ղեկավար Սերգեյ Իվանովի կողմից պարգեւատրվել է պատվավոր դիպլոմով ՌԴ եւ ԱՊՀ անդամ երկրների համագործակցության զարգացման գործում մեծ ներդրման համար, իսկ ՌԴ արտգործնախարար Սերգեյ Լավրովը նույն թվականին Նիկողոսյանին պարգեւատրել է դիպլոմով ռուս հայրենակիցների երիտասարդական ծրագրերի իրացման գործում հատուկ ավանդի համար:

Տպել
3600 դիտում

Դանակահարություն Աբովյան փողոցի ակումբներից մեկում. 41-ամյա տղամարդը հարված է ստացել որովայնին

Դատարանը հետաձգեց Մարտի 1-ի մայր գործի նյութերը պաշտպաններին տրամադրելու միջնորդության լուծումը

ԿԳՄՍ նախարարն ընդունել է Հայաստանում ՄԱԿ-ի մանկական հիմնադրամի նորանշանակ ներկայացուցչին

Այսօր, ինչպես եւ 75 տարի առաջ, ՄԱԿ-ի հիմնական խնդիրն է ապահովել խաղաղություն. վարչապետի ելույթը ՄԱԿ-ի 75-ամյակի առթիվ

Շաքարային դիաբետ ունեցող երեխաներն ու երիտասարդներն ապահովված են ինսուլինային անալոգներով. ԱՆ

Անտոնիո Գուտերեշը շնորհավորել է Արմեն Սարգսյանին ՀՀ անկախության օրվա առթիվ

Ֆելիքս Ցոլակյանը գոհ է փրկարար ջոկատների շարքային անձնակազմի աշխատանքներից

Արմեն Փամբուխչյանը կզբաղեցնի ԱԻ փոխնախարարի պաշտոնը

Նոր Նորք վարչական շրջանի Վերածննդի այգին բարեկարգվում է, ջրագծի անցկացման աշխատանքներ են տարվում

Դատարանը Միքայել Մինասյանին կալանավորելու որոշում կայացրեց

Չեմ կարծում, որ կհաջողվի հանրային մոբիլիզացիա ապահովել. Ռուբինյանը՝ սպասվող հանրահավաքի մասին

Պոմպակայանի հոսանքազրկման պատճառով սեպտեմբերի 23-ին 6 ժամով կդադարեցվի Արմավիրի մարզի Ակնալիճ գյուղի ջրամատակարարումը

«Այս անիմաստ դատը երկար է տեւելու, զբաղվեք ավելի կարեւոր գործերով». Քոչարյանը՝ իր աջակիցներին

Աղամալ Հարությունյանի դատավճռի բեկանման և գործը նոր քննության ուղարկելու որոշումը բողոքարկվել է Վճռաբեկ դատարան

Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովին, հանդիպել ՌՈՍԱՏՈՄ կորպորացիայի տնօրենին

Շրջակա միջավայրի նախարարությունը նոր գլխավոր քարտուղար ունի. ներկայացրել է նախարարը

ԱԱԾ-ն բացահայտել է Արաբկիրի նախկին ղեկավարի կողմից կոռուպցիոն մեխանիզմներով կեղծիք կատարելու, խարդախության դեպք

Շիրակի ՄՓՎ 25 աշխատակիցներ պարգևատրվել են մասնագիտական բարձր պատրաստականության և բարեխիղճ ծառայության համար

«Լուսավոր Հայաստանը» չի սպասում, որ մեկը մի բան հայտարարի, վազի միանա այդ հայտարարությանը. Էդմոն Մարուքյան

«Բյութի օֆ Արմենիա տուր» տուրիստական գործակալության տնօրենի նկատմամբ հայտարարվել է հետախուզում