ԲՀԿ-ն կմասնակցի սահմանադրական քննարկումներին

21/08/2015 schedule10:42

«Բարգավաճ Հայաստան» կուսակցության նախագահ Նաիրա Զոհրաբյանը երեկ մեզ հետ զրույցում հայտարարել է, որ որեւէ բարդույթ չունեն Սերժ Սարգսյանի հետ հանդիպելու եւ կմասնակցեն սահմանադրական փոփոխությունների քննարկումներին:

- Տիկին Զոհրաբյան, մի քանի քաղաքական ուժեր, այդ թվում նաեւ ԲՀԿ-ն դեռեւս իրենց դիրքորոշումը չեն հայտնել սահմանադրական փոփոխությունների վերաբերյալ, եւ ակնհայտ է, որ ԲՀԿ-ում տարբեր տեսակետներ կան այդ փաստաթղթի վերաբերյալ, դուք քննարկե՞լ եք եւ ի՞նչ դիրքորոշում ունեք այս պահին:

- ԲՀԿ-ում այս պահին չեն կարող լինել տարբեր կարծիքներ այն պարզ պատճառով, որ ներկայացված առաջարկների վերաբերյալ ԲՀԿ-ում որեւէ բովանդակային լուրջ քննարկում դեռեւս չի եղել: Եւ ինձ համար զարմանալի է, թե ինչու է ողջ լրատվական դաշտը սեւեռվել բացառապես ԲՀԿ-ի դիրքորոշման վրա, երբ նույն ՀՀԿ-ն, ՀՅԴ-ն եւ այլ քաղաքական ուժեր եւս, բացառությամբ 2 քաղաքական ուժի, առաջարկվող փոփոխությունների վերաբերյալ կուսակցական պաշտոնական տեսակետ չեն հայտնել: Որեւէ մեկը իրավունք չունի իր այսպես կոչված քաղաքական կամ քաղաքագիտական վերլուծությամբ մեզ փորձել շանտաժի ենթարկել կամ ֆեյսբուքյան կեղծ հանրային կարծիքով մեզ ինչ-որ օրակարգ թելադրել՝ շահարկելով ժողովրդի անունը, երբ ժողովուրդը բացարձակապես օտարված է այդ գործընթացից, ժողովրդի օրակարգում սահմանադրական փոփոխությունների խնդիր չկա: Մենք ունենք մեր հստակ քաղաքական օրակարգը, եւ անկախ նրանից, թե ով այդ օրակարգի մասին ինչ է մտածում, ուղեղի մորմոքով տոգորված վերլուծություններ ծնում, մենք շարժվելու ենք մեր օրակարգով, անկախ նրանից, թե դա ում շահերն է ոտնահարում կամ ում հաշվարկների մեջ չի տեղավորվում: Մեզ համար անչափ կարեւոր է, օրինակ, թե Վենետիկի հանձնաժողովի ներկայացրած դիտողությունների, մտահոգությունների մասնավորապես շատ վիճահարույց եւ խնդրահարույց երկրորդ փուլի եւ կայուն մեծամասնության դրույթի վերաբերյալ ինչ արձագանք է տալու սահմանադրական փոփոխությունների մասնագիտական հանձնաժողովը: Եկող շաբաթ Հայաստանում կլինեն Վենետիկի հանձնաժողովի ներկայացուցիչները, մենք կփորձենք հանդիպել հանձնաժողովի ներկայացուցիչների հետ եւ իրենց հետ քննարկել վիճահարույց մի քանի դրույթներ:

- Ֆեյսբուքյան կարծիք, շանտաժ ասելով ո՞ւմ նկատի ունեք:

- Նկատի ունեմ ֆեյսբուքյան տարբեր կոդլների թափթփուկներին, ովքեր փորձում են իրենց պրոբլեմներն ու մեր լրջագույն խնդիրները թողած, կախվել ԲՀԿ-ից եւ անընդհատ թասիբի գցել, թե ինչու ԲՀԿ-ն մինչ այս պահը կարծիք չի հայտնում: 

- Ամեն դեպքում, դուք ասում էիք, որ Վենետիկի հանձնաժողովը ձեզ հորդորել է, որ մասնակցեք քննարկումներին, բայց Վարդան Օսկանյանը 10 կետ հրապարակեց իր ֆեյսբուքյան էջում` ինչու պետք է դեմ լինել սահմանադրական փոփոխություններին:

- Վարդան Օսկանյանը ԲՀԿ անդամ չէ եւ նա, ինչպես եւ բոլոր նրանք, ովքեր դուրս են եկել ԲՀԿ-ից, ազատ են իրենց դիրքորոշումը ներկայացնելու: Այո, Վենետիկի հանձնաժողովը մեզ հորդորել էր, որպես թիվ մեկ ընդդիմադիր քաղաքական ուժ, չմնալ դիտորդի կարգավիճակում եւ մասնակցել բովանդակային քննարկումների: Այդ իսկ պատճառով, երբ մենք նախկինում ասում էինք, որ բովանդակային քննարկումների մեջ չենք մտնում, Վենետիկի հանձնաժողովի հորդորով էր, որ մենք հիմա պատրաստ ենք բովանդակային քննարկումների:

- Այդուհանդերձ, չի բացառվում, որ խմբակցությունում էլի պառակտումներ լինեն տեսակետների անհամաձայնության պատճառով, դուք հնարավոր համարո՞ւմ եք, որ բախումներ լինեն, եւ էլի մարդիկ դուրս գան ԲՀԿ-ից:

- Որ տեսակետների տարակարծություն կարող է լինել, ես դա չեմ բացառում, որովհետեւ կուսակցության անդամները սիամական երկվորյակ չեն, որ բոլորը մի կերպ մտածեն: Մեզ համար կարեւոր է լինելու կուսակցության մեծամասնության դիրքորոշումը: Երբ մեծամասնության դիրքորոշումը անձամբ ինձ համար պարզ կլինի, այդ ժամանակ էլ կարող ենք խոսել տարբեր կարծիքների եւ տարակարծությունների մասին: Իսկ ովքեր համաձայն չեն լինի կուսակցության մեծամասնության դիրքորոշման հետ, բնականաբար, այդ ժամանակ գործում է կուսակցության կանոնադրությունը, բայց ես չեմ ցանկանում այս պահին դեռեւս գոյություն չունեցող սցենարների եւ վարկածների մասին մտածել: Ովքեր համաձայն չեն լինի մեծամասնության դիրքորոշման հետ, ազատ կլինեն իրենց հետագա գործողություններում: Ովքեր դուրս են եկել ԲՀԿ-ից, նրանց ոչ ճակատագիրը, ոչ հետագա քայլերը, ոչ գործունեությունը, ինձ` որպես կուսակցության նախագահի, բացարձակապես չի հետաքրքրում:

- Լուր շրջանառվեց, որ Վարդան Օսկանյանը պատրաստվում է կուսակցություն բացել, դուք էլ ասացիք, որ հանդիպել եք նրա հետ, նա ասել է, որ ձեզ տեղյակ կպահի, եթե նման բան անի, հանդիպե՞լ եք ու կա՞ նման մտադրություն:

- Ես Վարդան Օսկանյանին չեմ հանդիպել, նա ինձ հետ զրույցում նշել էր, որ եթե ունենա մտադրություն կուսակցություն բացելու, ես կլինեմ առաջիններից մեկը, որ այդ մասին կիմանամ: Ես Օսկանյանին համարում եմ պարկեշտ եւ ճշտապահ անձնավորություն, եթե նման մտադրություն լիներ, բնականաբար, այդ մասին մենք տեղեկացված կլինեինք:

- Տեղեկություն կա, որ Սերժ Սարգսյանը պատրաստվում է կրկին  հանդիպել քաղաքական ուժերի հետ, արդեն հանդիպման օր կա՞ նշանակված:

- Ոչ, մենք նման տեղեկատվություն չունենք, բայց ի տարբերություն այլ քաղաքական ուժերի, մենք  բարդույթներ չունենք հանդիպելու որեւէ մեկին, այդ թվում նաեւ Սերժ Սարգսյանին եւ ներկայացնելու մեր դիրքորոշումը: Աշխարհում գոյություն ունի գրագետ քաղաքական մշակույթ` անգամ ամենաարմատական օպոնենտի հետ խոսել, ներկայացնել կարծիքը, որն արմատապես տարբերվում է քո ընդդիմախոսի կարծիքից: Դա շատ ավելի գրագետ է, քան պատերի տակ թաքնված ինչ-որ բաներ անելը: Մենք խնդիր չենք տեսնում որեւէ մեկի, այդ թվում նաեւ Սերժ Սարգսյանի հետ հանդիպելու եւ մեր դիրքորոշումը ներկայացնելու, ինչը քանիցս արել ենք:

Տպել
2529 դիտում

ԱՄՆ-ը լրացուցիչ պատժամիջոցներ է սահմանել Իրանի հետ կապված մի քանի ընկերությունների համար

«Արդշինբանկը» աննախադեպ ծավալի՝ 300 միլիոն դոլարի եվրոբոնդ է թողարկել, աննախադեպ ցածր 6.5 տոկոսով. վարչապետ

Ժամը 22:40-ի դրությամբ ՀՀ տարածքում կան փակ և դժվարանցանելի ավտոճանապարհներ. 5 մարզում ձյուն է տեղում. ԱԻՆ

Ելիզավետա 2-րդը ստորագրել է Brexit-ի մասին օրենքը. հաջորդ շաբաթ Մեծ Բրիտանիան կլքի ԵՄ-ն

Հայկ Մարությանը գնացել է Մկրտիչ Արզումանյանի ներկայացմանը (լուսանկարներ)

Lexus RX 350-ի վարորդը Երեւանում վրաերթի է ենթարկել հետիոտնին. կինը տեղում մահացել է

Գողություն Ախթալայում. բերման է ենթարկվել նույն գյուղի 57-ամյա մի բնակիչ (տեսանյութ)

Ինձ համար հայտնաբերեցի մեծաքանակ վախեցած երաժիշտների, զգուշավոր արվեստագետների եւ անհաղորդ հայրենակիցների. Հասմիկ Պապյան

Գողացել են Սպանդարյան կայարանի գնացքի ռելսերի ամրակները

«Աստղիկ» ԲԿ-ն նախապատրաստվում է 3-րդ լյարդի փոխպատվաստմանը, պացինետների վիճակը լավ է

Արփինե Հովհաննիսյանը սահմանադրական բարեփոխումների մասնագիտական հանձնաժողովում ընդգրկվելու հայտ է ներկայացրել

Վերանորոգվում է Վարդենիսի Սուրբ Աստվածածին եկեղեցու զանգակատունը, որը 100 տարի եղել է կիսակառույց վիճակում

«Կանաչ ֆինանսավորման գործիքների ընդլայնումը ՀՀ-ում» դրամաշնորհային ծրագրի ֆինանսավորումը հաստատվել է

Նիկոլ Փաշինյանի «Երկրի հակառակ կողմը» կթարգմանվի մակեդոներեն. թարգմանության ցանկում է եւս 15 հեղինակ

2020 թվականին Շիրակի մարզը 2 նոր փրկարարական ջոկատ կունենա

Ալավերդու պղնձաձուլարանի աշխատակիցները բողոքի ցույց են արել. պահանջում են 3 ամսվա աշխատավարձն ու վերջնահաշվարկ

Շրջակա միջավայրի նախարար Էրիկ Գրիգորյանն ընդունել է ԵՄ պատվիրակությանը

Ակունքում հրդեհ է բռնկվել. դեպքի վայր է մեկնել երկու մարտական հաշվարկ

Զոհրաբ Մնացականյանը հանդիպել է Նիդերլանդների Թագավորության արտաքին գործերի նախարար Ստեֆ Բլոկին. ԱԳՆ

Զինհաշմանդամ մարզիկները Գերմանիայում մասնակցում են անցկացվող ուսումնամարզական հավաքին. ՊՆ