Ուր է նայում ՀԱՊԿ-ն. Խաչատուրովի գանգատը

01/10/2015 schedule12:40

ՄԱԿ-ի գլխավոր ասամբլեայի 70-րդ նստաշրջանին մասնակցելու համար Նյու Յորք մեկնած Սերժ Սարգսյանը նախօրեին առանձնազրույց է ունեցել ԱՄՆ նախագահ Բարաք Օբամայի հետ, հանդիպել ՄԱԿ-ի գլխավոր քարտուղար Բան Կի Մունի հետ եւ ինչպես երեկ մեզ հետ զրույցում ասում էին ՀՀԿ-ականները, դեռ մի քանի հանդիպում պետք է ունենա:

Ու մինչ Սարգսյանը ՄԱԿ-ի բարձր ամբիոնից եւ մասնավոր հանդիպումներում բարձրացնում է Ադրբեջանի ագրեսիվ գործողությունները կանխելու հարցը, Ադրբեջանում երեկ այդ երկրի պաշտպանության նախարար Զաքիր Հասանովի ղեկավարությամբ փորձարկվել է ռուսական Բուկ-ՄՎ զենիթահրթիռային համակարգը: Ըստ ադրբեջանական haqqin.az-ի, փորձարկմանը հետեւել է Ադրբեջանի փոխվարչապետ Յահուբ Էյուբովը, իսկ Հասանովը բարձր է գնահատել փորձարկման արդյունքները: Այդ ընթացքում ՀՀ պաշտպանության նախարարության «Բաղրամյան» զորավարժարանում մեկնարկած ՀԱՊԿ խաղաղապահ ուժերի «Անխախտելի եղբայրություն-2015» զորավարժություններին հետեւող ՀՀ ԶՈՒ գլխավոր շտաբի պետ Յուրի Խաչատուրովը լրագրողների մոտ բողոքում էր ադրբեջանական հրետակոծումների հանդեպ ՀԱՊԿ-ի անհաղորդ կեցվածքից ու ասում, որ ՀԱՊԿ անդամ Հայաստանն անգամ բարոյական աջակցություն չի ստանում դաշնակիցներից:  «Մենք անվտանգության նույն կառույցի, նույն համակարգի մեջ ենք, ուստի պետք է, որ գոնե արձագանք հնչի: Առայժմ օգնություն չենք խնդրում, սակայն ցանկալի կլիներ ունենալ զուտ մարդկային աջակցություն»,- դժգոհում էր Խաչատուրովը, որի տվյալներով, անցած 15 օրերին ադրբեջանական կողմը մի քանի հազար արկ ու ական է ուղղել մեր դեմ: Իսկ պաշտպանության նախարար Սեյրան Օհանյանը երեկ ՀՀ-ում ՌԴ դեսպան Իվան Վոլինկինի եւ ՌԴ դեսպանության նորանշանակ ռազմական եւ ռազմաօդային կցորդ, գեներալ-մայոր Բուլավինցեւի հետ հանդիպման ժամանակ խոսել է պատժիչ գործողությունների մասին, որոնք Ադրբեջանին կստիպեն վերադառնալ խաղաղ բանակցությունների:

Ի դեպ, Նյու Յորքում գտնվող Ֆրանսիայի նախագահ Ֆրանսուա Օլանդը լրագրողների հետ զրույցում ղարաբաղյան կոնֆլիկտի մասին ասել է. «Մենք ջանքեր ենք գործադրում մեր միջնորդությունը շարունակելու  համար: Փարիզը պատասխանատվություն է զգում, քանի որ Ֆրանսիան ԵԱՀԿ Մինսկի խմբի համանախագահներից է, որի նպատակը ԼՂ հակամարտությանը լուծում գտնելն է»:

Երեկ փորձեցինք ԱԺ ՀՀԿ խմբակցության ղեկավար Վահրամ Բաղդասարյանից ճշտել՝ արդյոք տեղեկություններ ունե՞ն Սերժ Սարգսյանի նյույորքյան հանդիպումների արդյունքներից, եւ ի՞նչ զարգացումների է ՀՀԿ-ն սպասում:  

- Պարոն Բաղդասարյան, Սերժ Սարգսյանը Նյու Յորքում ինչ-որ պայմանավորվածություններ կարողացե՞լ է ձեռք բերել:

- Ես միայն գիտեմ, որ մինչեւ հոկտեմբերի 2-ը տարբեր հանդիպումներ պետք է լինեն: Եթե անհրաժեշտություն լինի, հաղորդագրություններ կլինեն:

- Դուշամբեում Սարգսյանն առաջարկեց ՀԱՊԿ խաղաղապահների պատրաստման կենտրոն ստեղծել, իսկ Նյու Յորքում միջազգային խաղաղապահների ներգրավվածության մասին էր խոսում: Ինչո՞վ կբացատրեք այս հակասությունը:

- Այդտեղ ի՞նչ հակասություն կա, իրավունք չունե՞նք ե՛ւ ՀԱՊԿ-ի, ե՛ւ ՄԱԿ-ի հետ խաղաղապահների միասնական որոշում կայացնել: ՀՀ նախագահը որեւէ անգամ չի ասել՝ կամ-կամ, մենք եւ-եւ-ի տարբերակը ընդունում ենք:

- Խոսքը հակամարտության գոտում նրանց տեղակայվելու մասին է:

- Պետք չէ ենթադրություններ անել տեղակայելու հետ կապված: Ցանկացած տեղ խաղաղապահ ջոկատների տեղակայման նպատակն այն է, որ ամբողջ տարածաշրջանում ամրապնդվի խաղաղությունը: Դա վա՞տ միտք է, ի՞նչ վատ բան է ներգրավվածությունը: Հո չենք կանչում, որ պատերազմի մասնակցեն, մենք ասում ենք՝ խաղաղություն ապահովեն:

- Ճի՞շտ է, որ հիմնական «կռիվը» ըստ էության նաեւ այն է, թե որ երկրի խաղաղապահ ուժերը կտեղակայվեն հակամարտության գոտում:

- Ես այդտեղ կռիվ չեմ տեսնում: Առայժմ նման ենթադրություններից պետք է զերծ մնանք: Ես ձեզ հանգիստ կարող եմ ասել, որ Հայաստանում չեն կարող լինել այնպիսի խաղաղապահներ, ովքեր չեն ընդունում մեր քաղաքականությունը: Այստեղ կլինեն այն խաղաղապահները, որոնք իրավիճակը հասկանում են:

- Դուք ո՞ւմ եք կողմ, որ լինեն:

- Արդեն տարբերակումներ եք դնում. կընդունենք նրանց, ովքեր իրավիճակը ճիշտ են գնահատում:

- Մինսկի խմբի ամերիկացի համանախագահն այսօր հայտարարել է, որ համանախագահների եւ հարեւան երկրների խաղաղապահները չեն կարող տեղակայվել:

- Նրանք իրավունք ունեն կարծիք հայտնել, դա քննարկման առարկա է, բայց որոշում չէ:

- Դուք է՞լ եք համարում, որ իրավիճակը շատ վտանգավոր է, ու հնարավոր է լայնածավալ ռազմական գործողություններ սկսվեն:

- Ես, անկեղծ ասած, լայնածավալ ռազմական գործողությունները բացառում եմ, իրավիճակը պայթյունավտանգ չէ, բայց իրոք բավական լարված է: Ադրբեջանը ծայրահեղ դեպքում կգնա վա բանկ, երբ Ալիեւը հասկանա, որ արդեն կորցնում է իշխանությունը: Իրենց ներքաղաքական իրավիճակը բավական լարված է, եւ նա ցանկանում է հանրության ուշադրությունը շեղել երկրում պատերազմական իրավիճակ ստեղծելով եւ նա գնում է  դրան: Բայց եթե նա պետք է իր զինվորներին զոհելու շնորհիվ պահի իշխանությունը, հետագայում պետք է պատասխան տա իր ժողովրդին:

- Քաղաքական կուլիսներում, այդ թվում ՀՀԿ-ում խոսվում է, որ վաղ թե ուշ մենք ստիպված ենք լինելու մի քանի շրջան հանձնել Ադրբեջանին:

- Կուլիսներում, բնականաբար, լինում են նման խոսակցություններ: Մենք որեւէ անգամ չենք հրաժարվել խաղաղ ճանապարհով բանակցային տարբերակից, թեկուզ կարող են ինչ-որ չափով փոխզիջումներ լինել: Բայց Ադրբեջանն ասում է, որ ամբողջը իրենց հողերն են: Մենք ասում ենք, որ բանակցային սեղանի շուրջ կարող ենք ինչ-որ եզրեր գտնել, իրենց նման իմպերատիվ որեւէ բան չենք հայտարարում: Ես չեմ բացառում, որ հնարավոր է ինչ-որ տարբերակներ լինեն:

- Իսկ դուք լուծումը մո՞տ եք համարում:

- Հետեւելով իրենց վարած դիվերսիոն քաղաքականությանը, ես առայժմ մոտակա լուծում չեմ տեսնում, եթե չլինեն ստիպողական քայլեր, ավելի վստահ մոտեցումներ եւ հսկողական քայլեր:

Տպել
2311 դիտում

Հայաստանի և Ադրբեջանի ԱԳ նախարարները ԼՂ հակամարտության հարցով կհանդիպեն հունվարի 20-ին

Բանաձեւի ընդունումը հարգանքի տուրք է զոհերի հիշատակին և նրանց արժանապատվությանը. Զոհրաբ Մնացականյան

Ցեղասպանության բանաձեւի հեղինակ Մենենդեսը հուզվել է դրա ընդունումից հետո իր խոսքի ավարտին (տեսանյութ)

Մենք ոչ բանակ ունենք, ոչ զենք, ոչ գումար՝ այն գնելու համար. վրաց նախագահի սկանդալային հայտարարությունն ու արձագանքները

Քիմ Քարդաշյանն իր բոլոր հետեւորդներին կոչ էր արել զանգել սենատորներին, խնդրել կողմ քվեարկել Ցեղասպանության բանաձեւին

Պիտակների առկայությունը կփաստի, որ տնտեսվարողը սպառում է միայն անվտանգ մսամթերք

Խորը երախտագիտություն եմ հայտնում Սենատին այս նշանակալի օրենքի համար. Նիկոլ Փաշինյան

Նոր Հայաստանում կանայք և երիտասարդներն ազատ ու անկաշկանդ են ակտիվ ներգրավվելու թե՛ քաղաքականության և թե՛ այլ ոլորտներում

Նախկին վարչապետ Կարեն Կարապետյանը դարձել է ՌԴ Փորձագիտական խորհրդի նախագահության անդամ. ԻՆՏԵՐՖԱՔՍ

ԱՄՆ Սենատն ընդունեց Հայոց ցեղասպանությունը ճանաչող և դատապարտող բանաձևը

Մարզպետ Գնել Սանոսյանը բաց դաս է վարել Գեղարքունիք գյուղի միջնակարգ դպրոցում

Մանվել Գրիգորյանի կալանքի հարցով արդեն 10 միջնորդություն է ներկայացվել. Վերաքննիչում սկսվեց բողոքի քննությունը

Ավտոմեքենան դուրս է եկել ճանապարհի երթեւեկելի հատվածից և գլորվել ձորը. վարորդի վիճակը գնահատվել է ծանր

Էրեբունու ոստիկանները բացահայտել են ատամնաբուժական խանութից արված գողությունը (տեսանյութ)

«Արմավիր» ՔԿՀ-ում կանխվել է 3 գրամ մետամֆետամին տեսակի թմրամիջոցի փոխանցումը

Ֆինլանդիայի բանտում գտնվող հայ երկրպագուն արդարացվել է. 1-2 օրվա ընթացքում նա կլինի Հայաստանում

Բացահայտվել է Կարմիր բլուրում բնակարանային գողությունը. հեղինակը Մաուգլին է (տեսանյութ)

Շովրոյան փողոցի տան հրդեհը մեկուսացվել է. ԱԻՆ

ՃՏՊ Առինջ գյուղում. վնասվել է գազատարը

«SOAR աչքի շարժական կլինիկա»-ն կայցելի ՀՀ խնամքի հաստատություններ, կհետազոտվեն երեխաները