ԼՀ-ն վանաձորյան քվեարկությունից շեղվածներին գիտի, բայց չի ուզում «վհուկների որսով» զբաղվել

«Լուսավոր Հայաստանը» գիտի, թե ովքեր են Վանաձորի ընտրություններում հուշագրի պայմանավորվածություններին դեմ դուրս եկել, սակայն չի ուզում «վհուկների որսով» զբաղվել:

Այս մասին Armtimes.com-ի հետ զրույցում ասաց ԼՀ Վանաձորի քաղաքապետի թեկնածու Քրիստ Մարուքյանը:

Հիշեցնենք, որ «Բարգավաճ Հայաստան», «Հայկական վերածնունդ» (նախկին ՕԵԿ) կուսակցությունները համաձայնություն էին կնքել ԼՀ-ի հետ՝ քվեարկության ժամանակ սատարել Քրիստ Մարուքյանին, սակայն 19 քվեով  քաղաքապետ ընտրվեց Մամիկոն Ասլանյանը, մինչդեռ Քրիստ Մարուքյանը ստացավ 14 ձայն:

Այսօր լրագրողների հետ հանդիպմանը ԲՀԿ խմբակցության քարտուղար Վահե Էնֆիաջյանը վստահեցրեց, որ քվեարկել են պայմանավորվածության համաձայն, նաեւ հավելեց, որ նախապես պայմանավորվել են, որ իրենց քվեաթերթիկներում պտիչկաները պետք է կոր լինեն եւ վանդակից մի քիչ բարձրացված, ինչն էլ եղել է:

Քրիստ Մարուքյանն անուղղակիորեն հաստատեց այս տեղեկությունը.

«Արդեն մի քանի անգամ ասել ենք՝ ինչ մեր պայմանավորվածությունների արդյունքում եղել է: Մենք գիտենք: Խնդիրն արդեն հրապարակային քայլերն են, որ մարդիկ, ովքեր չեն կատարել հուշագրի պարտավորությունները, իրենք իրենց բացահայտեն, որպեսզի այն չլինի վհուկների որսի ճանապարհով: Մենք հիմա չենք ասելու սա պահել է, նա չի պահել: Մենք գիտենք ով չի պահել, սպասում ենք այդ մարդիկ ասեն, որ իրենք են»,- ասաց նա:

Մեր դիտարկմանը՝ հիմա ստացվում է սլաքներն ուղղում եք դեպի ՀՎԿ, համոզվա՞ծ եք, որ ԼՀ-ում բոլորը ձեր օգտին են քվեարկել, Մարուքյանն ասաց.

«Կասկածներ չկան ԼՀ-ի վրա, մենք համոզված ենք, որ 10-ն էլ արել են այն, ինչ պայմանավորվել ենք»:

Հարցին, ուրեմն «Հայկական վերածնո՞ւնդն» է, Քրիստ Մարուքյանը պատասխանեց.

«Դա դուք եք ասում, ես որեւէ բան չասացի: Թող մարդիկ իրենց բացահայտեն, եթե չեն բացահայտում, դա ավագանու առաջիկա նիստին կերեւա»:

Մարուքյանի խոսքով՝ իրենք պայմանավորվել են նիստը բոյկոտել, ինչը ենթադրում է, որ նիստին պետք է լինի 15 անդամ՝ 13 ՀՀԿ եւ 2 ՀՅԴ: Իսկ այդ պարագայում, նիստ չի լինի, ուրեմն քվեարկողներից առնվազն 2-ը պետք է մասնակցեն:

Մեր հիշեցմանը, որ երեկ Գլխավոր դատախազությունն անդրադարձել է իրենց այն հայտարարությանը, որ Դատախազության Լոռու մարզի աշխատակիցները սպառնացել են ավագանու անդամներին, ասելով, որ նման ազգանունով աշխատակից չկա Դատախազությունում, Մարուքյանն ասաց.

«Դե տարբեր մարդիկ կարող են դատախազ ներկայանալ ու պատասխանատվության ենթարկելու կոչեր անել, թող դրանով զբաղվեն իրենք»:

Ինչ վերաբերում է քվեարկության արդյունքներից հետո Հեղինե Բիշարյանի հայտնի հայտարարությանը, որ համաձայնագրից շեղվողները քաղաքական անբարոյականներ են, ապա նաեւ Մամիկոն Ասլանյանի կողմից Բիշարյանի հետ ողջագուրվելը, Մարուքյանը չցանկացավ մեկնաբանել:

Մեզ հետ զրույցում ՀՎԿ մամուլի խոսնակ Էդգար Առաքելյանը հերքեց, որ իրենց կուսակցության ներկայացուցիչները պայմանավորվածությանը դեմ են դուրս եկել.

«Մենք բազմիցս ասել ենք այն մասին, որ մեր անդամները քվեարկել են այնպես, ինչպես պայմանավորվել են, այսինքն՝ Քրիստ Մարուքյանի օգտին: Էդ մասին մենք էլ ունենք մեր պայմանավորվածությունները պտիչկաների հետ կապված: Դրանք եղել են արկղում: Այնպես, որ չեմ ուզում շահարկել այդ հարցը»,- ասաց նա՝ մանրամասներ չհաղորդելով իրենց պտիչկաների մասին:

Մեր հիշեցմանը, որ նախկինում խոսում էիք ապացույցների մասին, չե՞ք պատրաստվում հրապարակել դրանք, որ հանրությունը հավատա, վերջինս ասաց.

«Իսկ նրանք, ովքեր ասում են, հրապարակե՞լ են, ոնց հասկանում եմ իրենց ասածը հալած յուղի տեղ եք դնում»:

Մեր դիտարկմանը, որ ԼՀ-ն անուղղակիորեն հաստատեց, որ ԲՀԿ-ականները ծալել են իրենց քվեաթերթիկները, Էդգար Առաքելյանն ասաց, որ անհրաժեշտության դեպքում կհրապարակեն իրենց ապացույցները:

Տպել
2727 դիտում

Սոչիում կայծակը հարվածել է ինքնաթիռին վայրէջքի ժամանակ

Նորատուս գյուղի ռեստորանի շոգեբաղնիքը հրդեհվելու հետեւանքով մոխրացել է

Հայաստանի մեծ մասում ձյուն է տեղում, Շիրակի մարզի մի շարք հատվածներում բուք է, Լարսի ճանապարհը՝ փակ

Սյունիքի մարզում Իրանի քաղաքացին իր մեքենայով ընկել է ձորը. նա հոսպիտալացվել է

Թուրք մասնագետները կմեկնեն Ադրբեջան՝ S-300-ներն ուսումնասիրելու համար

73-ամյա Ժորայի ջերմոցում ոստիկանները հայտնաբերել են ավելի քան 12 կիլոգրամ կանեփ

ՀՀ և Վրաստանի վարչապետները Ենոքավանում ոչ ֆորմալ հանդիպում են ունեցել (լուսանկարներ)

Ստեփանծմինդա–Լարս ավտոճանապարհը փակ է տրանսպորտային բոլոր միջոցների համար

Վարչապետին է ներկայացվել Ենոքավանի զարգացման ռազմավարությունը. զբոսաշրջիկների թիվը կհասնի 250 հազարի

Այսօր ու առաջիկա օրերին սպասվում է ձյուն եւ անձրեւ, քամու ուժգնացում, ջերմաստիճանի անկում

Աննա Հակոբյանի պաշտոնական կայքէջը պատրաստ է, մարտի 26-ից կսկսի գործել

Մասիսում մեքենա է այրվել. 12-ամյա երեխան այրվածքներով հոսպիտալացվել է ծայրահեղ ծանր վիճակում

Լոռու կրակոցները տեղի էին ունեցել Շիրակամուտի դաշտում. ոստիկանությունը փնտրում է դեպքի մասնակիցներին

Հայկական կողմն ինտենսիվ աշխատում է Կարեն Ղազարյանին վերադարձնելու ուղղությամբ. նախարարը՝ գերեվարվածի հորը

Հանրապետության մի շարք ավտոճանապարհներին ձյուն է տեղում, Աշոցքում բուք է

Զինծառայողները մասնակցել են համապետական շաբաթօրյակին ու ծառատունկին (լուսանկարներ)

Նորատուս գյուղի ռեստորանային համալիրի շոգեբաղնիքում հրդեհ է բռնկվել

Հայաստանի ֆուտբոլի հավաքականը պարտվեց Եվրո 2020-ի ընտրական 1-ին խաղում

Կրակոցներ Լոռու մարզում. 3 հոգի հիվանդանոցում են, այդ թվում՝ նախկին ու ներկա գյուղապետերը

Փոցխ ու ձեռնոց նաեւ ԵՄ դեսպանին. Պյոտր Սվիտալսկին Գյումրիում միացել YIC-ի շաբաթօրյակին