Տեր եւ տկն. Սարգսյանների թեժ քարոզարշավը. ո՞վ միլիոններ կուտակի, ով զոհվածների համար վճարի

Սերժ եւ Ռիտա Սարգսյանները մեծ էնտուզիազմով լծվել են 2017 թվականի խորհրդարանական ընտրությունների քարոզչության գործին: Արդեն գրել ենք, որ մինչեւ ապրիլ Սերժ Սարգսյանը շատ ու շատ բացման արարողությունների կմասնակցի: Բայց, եթե այս տեմպը պահպանվի, Սարգսյանը շուտով կրկին Հարավային Կորեա մեկնելու կարիք կունենա՝ ցողունային բջիջները պատվաստելու, եւ ուժերը վերականգնելու համար:

Միայն վերջին երկու շաբաթվա ընթացքում նրա մասնակցությամբ բացվել է «Երեւան» տոնավաճառը, «Մուլտի ուելնես կենտրոն» սպորտային համալիրը, Վանաձորի տեխնոլոգիական կենտրոնը, Բագրատաշենի սահմանային անցակետը, «Պրոֆ. Ռ. Յոլյանի անվան արյունաբանական կենտրոնը» եւ Մ. Սարյանի տուն-թանգարանը (հիմնանորոգված): Կարմիր ժապավեններից բացի, շատ ու շատ այլ գործեր կան, ուստի կարելի է պատկերացնել, թե ինչ ծանրաբեռնվածության տակ է հայտնվել ՀՀԿ նախագահը:

Արյունաբանական կենտրոնի ու Սարյանի տուն-թանգարանի միջոցառումները երեկ էին: Մինչ ամուսինը կայցելեր վերանորոգված արյունաբանական կենտրոն, այնտեղ վերջին ստուգումներն արեց Ռիտա Սարգսյանը` ԶԼՄ-ների ուղեկցությամբ: Կայքերում շատ արագ տարածվեց ծավալուն տեսանյութ, որտեղ տիկին Սարգսյանն իրեն հատուկ անմիջական եւ պոզիտիվ ոճով զանազան մանրամասներ է պատմում. ինչպես եղավ, որ որոշեց կազմակերպել կենտրոնի վերանորոգումը, ինչպես որոշ մարդկանց ստիպեց գումար հատկացնել, անձամբ ընտրեց պատի ժամացույցը, անկողնու սպիտակեղենի գույնը, այգու բույսերը:

Ռիտա Սարգսյանն առաջին անգամ չէ երեխաներին նվիրված կարեւոր գործ անում, նա, որպես կանոն, հենց այդպիսի գործունեություն է ծավալում, սակայն այդ մասին հանրությունը տեղեկանում է լրատվական թողարկումների կարճ նյութերից, որոնցում նա գրեթե չի խոսում: Այս անգամ կրկին նախընտրականի շրջանակներում շուրջ 20 րոպեանոց տեսագրության կենտրոնում առաջին տիկինն էր: Արձագանքը միանշանակ չէր, ուստի սկզբնաղբյուր լրատվամիջոցը մի քանի ժամ անց սույն տեսագրությունը հեռացրեց համացանցից: Ավելի ուշ, տեր եւ տիկին Սարգսյանները միասին այցելեցին կենտրոն:

Այնպես է ստացվել, որ տարբեր կենտրոնների բացումներին Սերժ Սարգսյանի մասնակցությունը նաեւ որոշակի ենթատեքստ է ունենում: Նա Վանաձորում եղավ ավագանու շատ վիճելի ընտրություններից հետո եւ ՀՀԿ-ական նոր քաղաքապետ Մամիկոն Ասլանյանի հետ շրջելով՝ իր զորակցությունը հայտնեց նրան: Ճիշտ է, դա առանձնապես չօգնեց քաղաքապետին, որն արդեն երկու անգամ չի կարողանում ավագանու նիստ գումարել` քվորում չլինելու պատճառով:

Երեկ Սերժ Սարգսյանը շրջում էր առողջապահության նախարար Լեւոն Ալթունյանի եւ մշակույթի նախարար Արմեն Ամիրյանի ընկերակցությամբ: Երկուսն էլ, ինչպես հայտնի է, վերջերս լուրջ վնաս հասցրին իրենց հեղինակությանը:

Բացումներով, սակայն երեկվա նախընտրական միջոցառումները չավարտվեցին: Վերջերս նախագահի մամուլի խոսնակը armtimes.com-ին հայտնել էր, որ առաջիկայում հնարավոր է մամուլի հաղորդագրություններ տարածեն նաեւ հայաստանյան առանձին պաշտոնյաների հետ Սերժ Սարգսյանի աշխատանքային հանդիպումներից:

Առաջինը, բնականաբար, Սերժ Սարգսյանի ամենասիրելի Վիգեն Սարգսյանն էր: Նորանշանակ պաշտպանության նախարարի հետ Սարգսյանի քննարկման առարկան, սակայն չափազանց չարագուշակ էր:

Վիգեն Սարգսյանը զեկուցել է մարտական գործողությունների ընթացքում եւ մարտական հերթապահություն իրականացնող զինծառայողների զոհվելու կամ հաշմանդամություն ստանալու դեպքում պետական ապահովագրական վճարը կտրուկ ավելացնելու ծրագրի մշակման աշխատանքների մասին: Նախարարը նշել է, որ ծրագիրը հնարավորություն է տալու, որ «2017թ. հունվարի 28-ից ծագող դեպքերի համար նախատեսվեն զգալիորեն ավելացված վճարներ»:

Խոսքը նրանց մասին է, ովքեր կզոհվեն կամ ծանր կվիրավորվեն հունվարի 27-ից հետո: Զոհված եւ առաջին կարգի հաշմանդամություն ստացած զինծառայողի ընտանիքները կստանան միանվագ 10 միլիոն դրամ, 2-րդ կարգի հաշմանդամություն ստացած զինծառայողին կհատկացվի միանվագ 5 մլն. դրամ ապահովագրական վճար: 

«Զոհվելու կամ առաջին կարգի հաշմանդամություն ստանալու դեպքում ամսական ապահովագրական վճարները կկազմեն` 300 հազար դրամ սպայական անձնակազմի, 250 հազար դրամ ենթասպաների եւ 200 հազար դրամ շարքայինների դեպքում: Երկրորդ կարգի հաշմանդամների դեպքում այդ վճարները համապատասխանաբար կկազմեն 250, 200 եւ 150 հազար դրամ:Այդ գումարը, որպես ապահովագրական վճար, կվճարվի 20 տարի շարունակ...»:

Իշխանությունները հաճախ են ընդդիմությանը փնովում զինվորների արյան վրա քարոզչություն անելու համար: Եվ հիմա հարց է առաջանում. ինչու Վիգեն Սարգսյանի հետ աշխատանքային քննարկման բովանդակությունը հանրությանը ամենաբարձր մակարդակով մատուցվեց: Սույն հաղորդագրության մեջ նշվում է, որ ՊՆ  նախարարի հետ Սերժ Սարգսյանը ամեն շաբաթ է հանդիպում:

Ինչու հենց այս թեման դարձավ մամուլի հաղորդագրության առարկա: Ինչ կարիք կար ապրիլյան զոհերի սուգը դեռ սգացող ժողովրդին ավելորդ սթրեսի ենթարկել: Կարելի էր սկսել հաջորդ շաբաթվա աշխատանքային հանդիպումից: Համոզված ենք, պաշտպանության նախարարի հետ քննարկվող բոլոր հարցերն են կարեւոր:

Իսկ Վիգեն Սարգսյանի այս ծրագրին արժեր թերեւս ավելի դելիկատ մոտենալ եւ այն հանրության սեփականությունը դարձնել առանց աղմուկ-աղաղակի:

Շատ կարեւոր է նաեւ, որ սույն ծրագիրը ֆինանսավորվելու է հատուկ հիմնադրամի միջոցով, որին աշխատող յուրաքանչյուր անձ ամսական վճարելու է հազար դրամ: Այսինքն ժողովուրդն ինքն է վճարելու իր զոհված զավակների համար:

Երեկ շատերը այս համատեքստում հիշում էին պետական պաշտոնյաների հայտարարագրերը, որտեղ միլիոնների եւ միլիարդների մասին է խոսքը գնում: Իրենք երկիրը թալանեն` թոռներին ու ծոռներին հարստություն ժառանգեն,  իսկ չարքաշ ժողովուրդը հազար-հազար դրամ հավաքի զինվորների ընտանիքներիը պահելու համար:

Սա էր հիմնական տրամադրությունը, որ տիրում էր Սերժ Սարգսյանի եւ Վիգեն Սարգսյանի իդեայի նկատմամբ:

Տպել
15744 դիտում

Սև լիճ տեղանքում ադրբեջանական գործողություններն անհանդուրժելի են, դա ոտնձգություն է ՀՀ տարածքի նկատմամբ. Նիկոլ Փաշինյան

Շնորհակալություն, որ անաչառ եք. Շիրակի մարզպետն ամփոփեց աշխատանքային 100 օրը

Արբեջանական զինվորականների ներկայությունը Սև լճի տարածքում կոպտորեն խախտում է ՀՀ սահմանային բնակիչների իրավունքները․ ՄԻՊ

ВАЗ 2107 մակնիշի ավտոմեքենան մխրճվել է ՊՆ-ին պատկանող բեռնատարի մեջ․ կան վիրավորներ․ Shamshyan

Գազայում ավերվել է 16-հարկանի երկնաքերը. պաղեստինա-իսրայելական հրթիռակոծությունները չեն դադարում (տեսանյութ, լուսանկար)

Նիկոլ Փաշինյանի գլխավորությամբ տեղի է ունենում Անվտանգության խորհրդի նիստ

Տավուշում հանգիստ է․ Ստյոպա Սաֆարյանը գտնվել է «թուրքի պոստից» 300-500 մետր հեռավորության վրա

Ոսկեպար-Բաղանիս-Ոսկեվան սահմանային հատվածում կրակահերթեր տեղի չեն ունեցել. Info chechk

Դուք վստա՞հ եք, որ վառելիք չկար. եթե «Երեւանի ավտոբուս» ՓԲԸ-ն պարտքը չտա, «ՍԻՓԻԷՍ ՕԻԼ» ՍՊԸ-ն կդիմի դատարան

Սյունիքի մարզպետարանը հորդորում է մարզպետին չվերագրել խոսքեր, որոնք իրականում նա չի ասել

Հայտնի են Չեմպիոնների լիգայի և Եվրոպայի լիգայի եզրափակիչների մրցավարական կազմերը

Նիկոլ Փաշինյանը դատապարտելի է համարել Ադրբեջանի կողմից եռակողմ հայտարարությունների խախտման փորձերը

Սերգեյ Շոյգուն բանակցություններ է վարել Հայաստանի պաշտպանության նախարարի հետ

Երկրորդ զորամիավորումում մեկնարկել են հրամանատարաշտաբային զորավարժություններ

Աչքերս փակ, թե բաց, միշտ բարի լույս եմ ասելու իմ քաղաքին. Գյումրին հրաժեշտ տվեց Հասմիկ Կիրակոսյանին (լուսանկարներ)

Ադրբեջանցիների կողմից մեր ջուրը թունավորելու մասին լուրերը կեղծ են. Սիսիանի ԲԿ տնօրենը՝ վարակի հարյուրավոր դեպքերի մասին

ՄԻԵԴ Մեծ պալատը կքննի Հայաստանի և Ադրբեջանի փոխադարձ բողոքները

Ծանրամարտի երիտասարդների աշխարհի առաջնությունում Հայաստանի 7 ներկայացուցիչ հանդես կգա

Արարատ Միրզոյանի գլխավորած պատվիրակությունը հանդիպել է Լիտվայի վարչապետ Ինգրիդա Շիմոնիտեին

Կառավարությունը ԱԱԾ-ին Կապանում եւ Գորիսում հողամասեր կհատկացնի պաշտպանության ամրապնդման համար

Քիչ առաջ եմ իջել Սեւ լճից. ադրբեջանցիները մտածված եկել, սահմանը խախտել են, հիմա պիտի գնան իրենց տեղերը. Սյունիքի մարզպետ

«Ձեր ներկայությունը մեզ ուժ է տալիս». քաղաքապետը Աղվան Չատինյանին հանձնել է Երևանի պատվավոր քաղաքացու կոչումը

Հայաստանի և Վրաստանի ԱԳ նախարարներն անդրադարձել են տարածաշրջանային անվտանգության և փոխկապակցվածության հարցերի

«Դոն Պիպոյի» թիկնապահի սպանության գործով խուզարկություն Այգեշատի գյուղապետի տանը, հայտնաբերվել է թմրանյութ.shamshyan.com

Ժողովուրդը պետք է հստակ ասի «ոչ» բոլոր ժամանակներում երկիրը ապականած և ապագան վիժեցրած ուժերին․ Նորայր Նորիկյան

5-րդ զորամիավորումում հայտարարվել է ուսումնական տագնապ․ ՊՆ

Քաղաքական հայտ ներկայացրած բանդան պետության ներսում կազմակերպված մեդիաօպերացիա է իրականացնում ժողովրդի դեմ. Հովհաննիսյան

Առաջարկվում է աշխատողին արձակուրդ տրամադրել նաեւ մինչեւ վեց ամիս լրանալը, արձակուրդ չտրամադրելու դեպքում տուժանք վճարել

Տիգրան Ուրիխանյանը և Արա Աբրահամյանն այսօր հուշագիր կստորագրեն․ Աբրահամյանը «Ալյանս» կուսակցության ցուցակո՞ւմ կլինի

Վրաստանի վարչապետ Իրակլի Ղարիբաշվիլին Տիգրան Ավինյանի հետ այցելել է Ծիծեռնակաբերդ

ԶՈՒ ԳՇ պատվիրակությունը Մոսկվայում մասնակցել է զորավարժության նախապատրաստման բանակցություններին

Կենտրոն վարչական շրջանը ղեկավար չունի. թաղապետին փոխարինողը ձերբակալված է, իսկ թաղապետն արձակուրդից չի վերադառնում

Մեղրաձոր համայնքի նախկին ղեկավարը չարաշահել է պաշտոնեական դիրքը․ քրեական գործն ուղարկվել դատարան

Առկա ամբողջ արտադրանքը կարտահանվի ԱՄՆ. Վահան Քերոբյանն այցելել է չրագործական ընկերություն և պիստակի այգի

Հայաստանի հետ սահմանին ադրբեջանցի է պայթել ականի վրա

Հայ-վրացական գործընկերությունը մեր տարածաշրջանում կայունության ապահովման կարևորագույն երաշխիքներից է. Նիկոլ Փաշինյան

«Իրազեկ քաղաքացիների միավորումը» ներկայացնում է նոր նախագիծ՝ Reforms.am կայքը

Արա Այվազյանն իր ռուս գործընկերոջը տեղեկացրել է Հայաստանի պետական սահմանին տեղի ունեցած վերջին միջադեպի մասին

Պետք է աջակցենք իրար մեր պետությունների զարգացումն ապահովելու գործում. Փաշինյանի և Ղարիբաշվիլիի առանձնազրույցը

«Քաղաքացիական պայմանագիր» կուսակցության Շիրակի մարզային շտաբը կղեկավարի Շիրակի մարզպետը. ի՞նչ պահանջներ են առաջադրված