Շիրակի մարզպետը նախատեց Գեղանիստի համայնքապետին. թեժ նիստ

05/04/2018 schedule20:05

Շիրակի մարզպետարանում կայացավ ընթացիկ տարվա առաջին եռամսյակի մարզխորհրդի նիստը: Այն մեկնարկեց  մեղադրական շեշտադրումներով: Շիրակի մարզպետ Արթուր Խաչատրյանը բոլոր համայնքապետերի ներկայությամբ զայրացավ եւ նկատողություն արեց Գեղանիստի համայնքապետ Աղասի Ղազարյանին: Մարզպետին բարկացրեց համայնքի սեփական եկամուտների հավաքագրման ցածր ցուցանիշը: Այն 22 տոկոս է կազմել: Ինչու՞ հարկերը չեք հավաքել՝ այս հարցին համայնքապետը պատասխանեց, թե գարնանացանի են պատրաստվում, դրա համար էլ գումար չունեն, որ հարկերը մուծեն:

«Մարդիկ սերմացու, վառելիքի փող հազիվ կհայթայթեն, որ իրանց գարնանացանը էնեն, հմի ստիպե՞նք ժողովրդին, մեղմ ենք մոտեցել, որ հմիկվա հարցերը կրնանան կարգավորեն: Էս մէ եռամսյակը կանցնի, երկրորդ եռամսյակում նորմալ կլինի: Մենք միշտ էլ մինչեւ տարվա վերջ ենք մեր հարկերը սաղ նորմալ հավաքել, պրծել»,-փորձեց արդարանալ համայնքապետը: Պատասխանն ավելի զայրացրեց մարզպետ Արթուր Խաչատրյանին:

«Դու այս երեք ամսում ինչքա՞ն աշխատավարձ ես ստացել, լրիվ ստացել ես, չէ՞, 100 տոկոսով ստացել ես, բա հիմա արդար ա՞, որ հարկերը 22 տոկոսով ես հավաքագրել: Ի՞նչ է նշանակում տարվա վերջ: Դու ինձնից, Արթուր Խաչատրյանի գրպանից հարկված եկամտահարկից ձեւավորվող քո աշխատավարձը լրիվ ստացել ես: Ինչի՞ պետք ա դուք 22 տոկոս կատարեք ձեր պարտավորությունը, բայց պետությունը 100 տոկոս կատարի: Հիմա որ ասում ես՝ տարվա վերջ, դե աշխատավարձդ 22 տոկոսով կստանաս, հետո տարվա վերջին լրիվ կտանք, դա արդար կլինի»,-ասաց մարզպետը:

Արթուր Խաչատրյանը Գեղանիստին հարակից համայնքների համայքնապետերին հանձնարարեց մարզխորհրդի նիստից հետո Գեղանիստի համայնքապետին բացատրել, թե ինչպես է պետք աշխատել, որ հարկերը ժամանակին եւ բարձր ցուցանիշներով հավաքագրվեն: «Ինչու Գեղանիստին կպած Նոր կյանքը կարող ա 147 տոկոս սեփական եկամուտ հավաքագրի, իսկ Գեղանիստը 22 ընդամենը: Հավաքվեք, նիստից հետո մարդուն բացատրեք, գուցե խնդիր ունի»,-ասաց մարզպետը: Ցածր ցուցանիշներ արձանագրած մյուս համայնքների նկատմամբ մոտեցումն առավել մեղմ եղավ, բայց հստակ հանձնարարականով՝ ավելացնել սեփական եկամուտների հավաքագրման ցուցանիշն՝ անկախ ցանկացած խնդրից ու հանգամանքից:

Մարզխորհրդի նիստի ընթացքում գյուղվարչության պետ Մովսես Մանուկյանը զեկուցեց գյուղատնտեսական տարվա սպասվելիք արդյունքների եւ իրականացված ցանքատարածությունների մասին: Ուրախանալու քիչ առիթ կա, այս տարի Շիրակում հացահատիկ քիչ է մշակվել: 18.000 հա ցանքս է կատարվել ընդամենը, որը 3600 հա-ով պակաս է նախորդ տարվանից: Հացահատիկային կուլտուրաների բալանսը մարզում պահելու համար 2200 հա-ով ավել  գարնանացան գարի է մշակվել: Ցորենի ցանքսերի պակասը համայնքապետերը պայմանավորեցին պետական սերմնաբուծության ծրագրի կասեցմամբ: 

«Ծրագիրը դադարեցվեց, որովհետեւ տեղի ունեցավ չարաշահում, հիմա եթե մեկին անընդհատ պարտքով գումար տաս, տաս, հետո չկարողանաս ետ վերցնել, կդադարեցնես պարտք տալը չէ՞»,-ներկաներին հարցրեց մարզպետը:

Նշենք, որ այս մասով ՇՄ դատախազությունում քրեական գործեր են հարուցված, կան ձերբակալված համայնքապետեր: Նրանց մասով նախաքննությունն ընթացքի մեջ է: Չի բացառվում նաեւ, որ նոր քրեական գործեր եւս կհարուցվեն:

Ներկա պահին Շիրակի մարզում այլ խնդիր է ծագել: Շատ համայնքներ պետությունից ոլոռի, սիսեռի, հնդկացորենի եւ եգիպտացորենի սերմացու ստանալու հայտեր են լրացրել, պահանջել սերմացու, սակայն մինչ օրս դրանց դիմաց որեւէ վճարում չեն արել: «5 տոննա ոլոռի հայտ են ներկայացրել, 4 տոննա սիսեռի հայտ են ներկայացրել, եգիպտացորենի հայտ են ներկայացրել, բայց գումարը չեն վճարել, որ սեմացուները վերցնեն: Էդպես մնացել է»,- մարզպետին տեղեկացրեց գյուղվարչության պետ Մովսես Մանուկյանը: Նա լավ լուրեր էլ ուներ: Ասաց՝ բոլոր համայնքներում աշնանացան ցանքերի վիճակը լավ է, խնդիրներ չկան, չեն էլ լինի: Ճիշտ է՝ ջրամբարներում բավարար քանակի ջուր չկա, սակայն, ըստ պատասխանատուի, ոռոգման սեզոնին խնդիրներ չեն ծագի: Վատատես լինել պետք չէ: ՇՄ գյուղվարչության պետը հստակ կանխատեսում ունի: Ասաց՝ միշտ չէ, որ երաշտ տարվան (նկատի ուներ 2016-ի գյուղատնտեսական չորային տարին- հեղ.) վատ տարի է հաջորդում: Այս գյուղատնտեսական տարին հաստատ բարեհաջող ընթացք է ունենալու:

Տպել
1581 դիտում

ՀՔԾ-ն պաշտոնապես հաստատում է, որ Միհրան Պողոսյանին ձերբակալել են

Սյունիքի մարզի Խդրանցի եկեղեցին այսօր փլուզվել է

Մեր մտքերն ու աղոթքները զոհերի հարազատների հետ են. Զոհրաբ Մնացականյան

Մոսկվայում կալանավորել են Քեթրինի Միհրանին. Irakanum

Բախումներ Վրաստանում. ոստիկանությունն արցունքաբեր գազ է կիրառել

Արմեն Սարգսյանը ցավակցական հեռագիր է հղել Շրի Լանկայի նախագահին

Երեւանում հիվանդանոց են տեղափոխվել դանակահարված հայր ու որդի. կասկածյալը հայտնի է

Չարենցավանում ձյուն է տեղում, Տավուշի մարզում և Սպիտակի ոլորաններում մառախուղ է

ՀՀ-ն խստորեն դատապարտում է ոճրագործությունը. Նիկոլ Փաշինյանի հեռագիրը՝ Շրի Լանկայի նախագային

Եվրոպական դատարան. սպասվում է տասը դատավճիռ

Կառավարության նիստում. Ռոբերտ Քոչարյանի բարձր «հովանու ներքո»

Նախընտրական կրքեր. Սահրադյանը 7 օրից կդառնա դոկտոր

Արցախի Նախագահը ՀՀ կառավարության պատվիրակության հետ քննարկել է համագործակցության հարցերի լայն շրջանակ

Շրի-Լանկայի պայթյունների թիվն ավելացել է երկուսով, զոհերի թիվն արդեն 190-ի է հասնում (լուսանկարներ)

ԱԳՆ-ն ճշտում է Շրի Լանկայում տեղի ունեցած պայթյունների հետևանքով տուժածների շրջանում հայերի առկայությունը

Նիկոլ Փաշինյանը տիկնոջ՝ Աննա Հակոբյանի և դստեր հետ ներկա է գտնվել Հայրապետական սուրբ պատարագին (լուսանկարներ)

Փրկարարները դուրս են բերել փոսն ընկած ավտոմեքենան

Բակո Սահակյանը Ստեփանակերտում մասնակցել է Սուրբ Հարության տոնի սուրբ պատարագին

Առողջապահության նախարարն այցելել է «Սուրբ Գրիգոր Լուսավորիչ» բժշկական կենտրոն

Երանի՜ նրանց, որ հալածվում են արդարության համար, որովհետև նրանցն է երկնքի արքայությունը. վարչապետի գրառումը