Գյումրու պոլիկլինիկաները ստացել են համապատասխան պարագաներ և ցուցումներ. կորոնավիրուսի դրական դեպքերը հսկվում են տանը

Գյումրու ինֆեկցիոն հիվանդանոցում ներկա պահին ծանրաբեռնվածությունը թուլացել է: Հիշեցնենք, որ այժմ արդեն կորոնավիրուսով վարակված ոչ բոլոր անձինք են հոսպիտալացվում, եւ թեթեւ ու ասիմպտոմ դեպքերը բուժվում են տանը՝ պոլիկլինիկաների բժիշկների հսկողությամբ:

Մայիսի 27-ի դրությամբ Գյումրու ինֆեկցիոնում կորոնավիրուսով 46 հիվանդ է բուժվում: 20-ը Շիրակի մարզի, մյուսները հանրապետության այլ մարզերի բնակիչներ են: Համավարակի առաջին օրերից մինչ հիմա կորոնավիրուսից առողջացել և հիվանդանոցից դուրս է գրվել 245 մարդ: Նրանցից 167-ն են եղել Շիրակի մարզի բնակիչներ:

Մինչ օրս Շիրակի մարզի 340 բնակչի մոտ է դրական ախտորոշում եղել, նրանցից 259-ը փաստացի բնակվում է մարզում, 81-ը մարզի գրանցում ունեն, սակայն բնակվում են այլ մարզերում: 26 հիվանդ բուժումը շարունակում է Երևանում: Երևան են ուղղորդվել նաև Գյումրու ինֆեկցիոնում հայտնված հղիներն ու երեխաները: ՇՄ առողջապահության վարչության պետի պաշտոնակատար Լեյլի Ասլանյանը ՀԺ-ի հետ զրույցում ասաց՝ ունեցել են հրահանգ, համաձայն որի էլ գործել են կորոնավիրուսակիր հղիների և երեխաների պարագայում:

Ներկա պահին Շիրակում մեկուսացման ցուցում  և տնային հսկողություն է սահմանված 315 անձի նկատմամբ: Ըստ Ասլանյանի՝  նրանցից 18-ի մոտ հաստատված է կորոնավիրուս: 315-ն էլ արտերկրից ժամանած քաղաքացիներ են: «Նրան ք դրսից ժամանողներ են, գրանցվում են սահմանակետին և տեսչական մարմինը մեր մարզի բնակիչների տվյալները տալիս է, մենք դա տրամադրում ենք առաջնային օղակին, վերցնում ենք 14-օրյա հսկողության»,- ասաց մարզպետարանի պատասխանատուն:

Լեյլի Ասլանյանը մեկ անգամ ևս հստակեցրեց. դրական դեպքերը ևս հսկվում են տանը, բայց արդեն առողջության առաջնային օղակի՝ յուրաքանչյուրն իր ընտանեկան բժշկի պատասխանատվությամբ:

Արդյո՞ք Գյումրու բոլոր պոլիկլինիկաների մասնագետներն են ստացել իրավունք հսկել կորոնավիրուս ունեցողին, ունե՞ն համապատասխան պատրաստվածություն ինչպես  գիտելիքի, այնպես էլ կորոնավիրուսակրի հետ շփման տեխնիկայի, անվտանգության կանոնների պահպանման առումով: Պատասխանատուն ասաց՝ այո: Երեկ Առողջապահության նախարարության կողմից կազմակերպված առցանց դասընթացին բոլորը մասնակցել են, համապատասխան պարագաներն էլ պոլիկլինիկաներին տրամադրված է:

«Կա մշակված ալգորիթմ, որով պետք է առաջնորդվեն, մենք դա տրամադրել ենք պոլիկլինիկաներին, նախարարությունը տրամադրել է պաշտպանիչ արտահագուստներ, դիմակներ, ակնոցներ, ձեռնորցներ, մենք էդ բաշխումն էլ ենք իրականացրել»:

Հիվանդն ի՞նքը կգնա պոլիկլինիկա, թե ընտանեկան բժիշկը տուն կայցելի, կորոշվի ելնելով իրավիճակի գնահատումից: Անհրաժեշտություն եղավ՝ տնայց կկազմակերպվի, չեղավ՝ մարդն իր ոտքով կգնա, կհետազոտվի, պետք եղավ պոլիկլինիկայում կիրականացվի նմուշառում:

Մինչ օրս մարզում մահվան 9 դեպք է գրանցվել: Օջախային գոտիները  երկուսն են եղել՝ Գյումրին և Անի խոշորացված համայնքը, մասնավորապես Մարալիկը: Այս պահին որևէ տեղ բռնկում չկա: «Գնում ենք ռեաբիլիտացիայի, բայց մեզանից յուրաքանչյուրիցս, մեր պատասխանատվությունից շատ բան է կախված: Տա Աստված, նոր զարգացումներ չլինեն»,-ասաց պատասխանատուն:

Տպել
769 դիտում

«Դալմա գարդեն մոլում» եւ «Մեգամոլում» պայթուցիկի որոնողական աշխատանքները շարունակվում են. աշխատակիցները տարհանվել են

Կասեցումներ սոցիալական ապահովման ծառայության տարածքային բաժիններում եւ Ազգային արխիվում (տեսանյութ)

Հուլիսի 8-ին Մոսկվա-Երևան չարտերային չվերթի որոշ քանակի տոմսեր կարելի է ձեռք բերել ազատ վաճառքից

Այսօր ցավով տեղեկացա, որ Նուրհան Յոսուփովիչը մահացել է. Նիկոլ Փաշինյան

Արմեն Ամիրյանը 2-րդ հայցն է ներկայացրել ընդդեմ Հովհաննես Գալստյանի. վերջինս էլ պատրաստվում է նրան դատի տալ

Հայտարարություն մրցակցային բանակցությունների մասին

Սկսում ենք կենսաթոշակների նշանակման գործընթացների վերակազմակերպումը. այն խնդրահարույց է. Զարուհի Բաթոյան

Ֆիզիկապես լավ էի, բայց ինձ շատ վատ էի զգում, երեխեքիս աչքերում այնքան թախիծ կար. մի վարակակրի պատմություն

«Եղեգ» ՓՀԷԿ-ն իրականացրել է սահմանված ջրաքանակից ավելի ջրառ՝ շրջակա միջավայրին հասցնելով 3,8 մլն դրամի վնաս

Երևանի «Մեգամոլ Արմենիա» առևտրի կենտրոնի 1-ին և 2-րդ հարկերում ռումբերի առկայության մասին ահազանգ է եղել

ԱՀԿ-ն հայտարարել է աշխարհում կորոնավիրուսի ցուցանիշների կտրուկ աճի եւ նոր հակառեկորդի մասին

Ա. Սարգսյանը հրամանագիր է ստորագրել՝ Տավուշի մարզի առաջին ատյանի դատարանի դատավոր նշանակելու մասին

Արցախում կորոնավիրուսից բուժվել է 8 քաղաքացի. պացիենտներից մեկի առողջական վիճակը ծանր է

Լոնդոնում ուսանող Ալեքսանդր և Գեորգի Ձավարյանները 30.000 հատ դեմքի պաշտպանիչ վահաններ են ուղարկել Հայաստան

Նորքի տուն-ինտերնատում նոր կորոնավիրուսով վարակված բոլոր տարեցներն առողջացել են

Արմեն Սարգսյանը ծննդյան 80-ամյակի առթիվ շնորհավորել է Ղազախստանի առաջին նախագահ Նուրսուլթան Նազարբաևին

Բերդավան գյուղի 4 փողոց լուսավորվել է լեդ լուսատուներով. վարչապետը կիսվել է տեսանյութով

Արտակարգ դրությանն առնչվող հարցերով Մարդու իրավունքների պաշտպանը ստացել է 2249 բողոք

ՀՀ ոստիկանությունը շտաբի նոր պետ ունի

Հենրիխ Մխիթարյանի գոլը, բարձր գնահատականն ու «Ռոմայի» պարտությունը «Նապոլիի» դեմ խաղում (տեսանյութ)