Հարությունյանը համոզել է՝ իրեն տանեն ԵԱ, իմացել է, որ կհաղթի, անգամ դրոշ է տարել, որ տոնի

19-ամյա ազատոճային ըմբիշ Արսեն Հարությունյանը (61 կգ) վստահ է եղել, որ կհաղթի Եվրոպայի 2019 թ, առաջնությունում: Այս մասին այսօր՝ ապրիլի 15-ին, լրագրողների հետ հանդիպման ժամանակ ասաց ազատ ոճի ըմբշամարտի հավաքականի գլխավոր մարզիչ Հաբեթնակ Կուրղինյանը: Մասնագետը պատմեց, որ տարվա սկզբին, երբ Հարությունյանը միացել է ծաղկաձորյան հավաքին, ինքը խոսել է նրա հետ, ասել է, որ երիտասարդ է ու գուցե ավելի նպատակահարմար է նախ երիտասրադական առաջնություններում հաստատվել, հետո նոր մեծահասակների կազմում խոշոր մրցումների մեկնել:

«Իր հետ եմ խոսել դեռ հունվարին, ասում եմ՝ գուցե համբերենք, մի հատ մինչեւ 23 տարեկանների մասնակցես, չեմպիոն դառնաս, ասում է՝ չէ, չեմ ուզում, ինձ դրեք գնամ, չեմպիոն դառնամ, գամ: Ասում եմ՝ տղամարդու պես ես ասում, որ չեմպիոն ես դառնալու ասում է՝ այո՛»,- պատմեց մարզիչը:

Կուրղինյանը նաեւ պատմեց, որ մրցավայրում իրենք պարզել են, որ Արսենը նույնիսկ իր հետ դրոշ է բերել, որպեսզի  ոսկի է նվաճելուց հետո գորգում տոնի ձեռքբերումը: Այդպես են սովորաբար ըմբիշներն անում որեւէ մրցաշարում հաղթող դառնալուց հետո:

«Ասացինք՝ դրոշակ ունե՞նք. ճիշտ է՝ փորձառու մարզիկի դեմ է մրցելու, բայց մարդ ես խոսք է տվել (ծիծաղում է): Ասում է՝ ես բերել եմ»,- պատմեց մասնագետը:

Մրցաշարից առաջ Արսենը հավատացել է չեմպիոությանը, սակայն դրանից ընդամենը մի քանի ժամ անց «Հայկական ժամանակ»-ի հետ զրույցում նշում էր, որ դեռ չի պատկերացնում, որ հաղթել է: Այսօր ասուլիսի ընթացքում նշեց, որ արդեն գիտակցում է՝ ինչ հաջողության է հասել:

«Զգացողություններս մեծ են, ինձ շատ լավ դիմավորեցին: Արդեն զգում եմ, որ հաղթել եմ Եվրոպայի առաջնությունում, ուր գնում եմ, ճանաչում են, հարգում են, ինչ գործ ուզում եմ անել, առաջ են գցում (ծիծաղում է)»,- ասաց նա:

Հարությունյանը խոսեց նաեւ եզրափակիչ գոտեմարտի մասին: Ավելի վաղ նա բացատրել էր իր տակտիկան: Պարզաբանել էր, որ ողջ մրցաշարի ընթացքում իր մարտավարությունն է եղել նախ հոգնեցնել մրցակիցներին՝ ուշադրություն չդարձնելով, որ գուցե միավորներ է զիջում, ապա գրոհել: Միայն եզրափակչում է անկանխատեսելիորեն հայտնվել 0-8 հաշվով պարտվողի դերում:

«Տպավորիչ գոտեմարտը եզրափակիչն էր: Ողջ կյանքում կհիշեմ, որ 8-0 պարտվում էի, բայց չընկճվեցի, հավաքվեցի եւ գնացի՝ հաղթելու: Այդ պահին, որ 8-0 պարտվում էի, մտքովս անցավ, հիշեցի՝ որքան եմ տանջվել մարզիչների հետ, ու պետք է հաղթեի անպայման, այդ աշխատանքս չէի ուզում ջուրը գցել»,- պատմեց նա:

Արսեն Հարությունյանի ոսկին միակ մեդալն էր ՀՀ ազատ ոճի ըմբշամարտի հավաքականի կազմում: Գլխավոր մարզիչ Կուրղինյանը նշում է, որ գիտակցում է, որ մեդալների համար չպայքարած բոլոր ըմբիշներն էլ ինչ-որ հարցում թերացել են: Ընդգծում է, որ իր համար կարեւոր նրանց ֆիզիկական պատրաստվածությունն է ու բարոյահոգեբանական վիճակը, որ պատրաստ են ցանկացած մրցման գնալ՝ հաղթելու, իսկ մնացածը կփորձեն շտկել մինչեւ 2020 թ. օլիմպիական խաղեր:

«Մինչեւ Տոկիո կփորձենք այնպես անել, որ իրենք հասցնեն: Նրանք ունեն այդ հնարավորությունները, մեր թիմը պատրաստ է Տոկիոյի ուղեգրեր նվաճել եւ մասնակցել»,- ասաց նա:

Եվրոպայի 2019 թ. առաջնությունում ՀՀ ազատ ոճի ըմբշամարտի հավաքականն ամռանը Միսկում կայանալիք Եվրոպական խաղերի 4 ուղեգիր է նվաճել՝ 57, 65, 97 եւ 125 կգ քաշային կարգերում: Մարզիչները դեռ չեն որոշել՝ ովքեր են մեկնելու: Այդ հարցը կլուծեն հետագա հավաքների ու մրցաշարերի ընթացքում:

 

Տպել
1049 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում